Isiyaasi 51:12 - Kafa Linguistics Project

¹² Doono Yeeri ishichiye: “Ittoshin goggiyemmo ta qelloona taane; qitemmi ashich, mocoo shoolloommon shoollemmi ashi bushiishoyich, ittoshi shattiibeeto amoyichiye?

Isiyaasi 51:12 ပူးပေါင်းရင်းမြစ်များ

2 Taateenaꞌo 1:15

Doono Yeerichi maraakoo Eliyaasich, “Biinna tookki kindibe; biinoo shattaahine” iye. Ebina Eliyaasi tiyiꞌi, biinna tookkii taatoo waan hammiye.

Shoddo 118:6

Doono Yeeri taanna tookkiiniye; shataache; asho taan amoon halleshone?

Shoddo 146:4

Bi kashe keyiyooba showa wottemmone; ebiyooba bi gaboo bulli duubemmone.

Shoddo 92:7

ebiyoo gondeenaꞌo mocoo colloommon boonoshi colletaa, gondoon tunii beetinaꞌo boonoshi gaannetaa, bulli yemeenoon aallemminaꞌo boonoshi tunoone.

Shaahiyoo 29:26

Meeti asheenaꞌo ukkiroona xiboon qaawiyeete; tunebaani asho dayinnetoon bi danemmo Doono Yeer waaneeniye.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 2:22

Bi hiinno muddooch beeti ashoon gibeneyaahote; aroo amoyichona gaacaachemmone.

Isiyaasi 40:1

“Goggiibote; ta asheenaꞌon goggiibote” iye ittoshi Nuggishoo Yeeri.

Isiyaasi 43:25

“Ta shigoyicha geti ne axaaxoon maaremmo, ta qelloona Yeeri taane; ne axaaxoon gabaachemmo taane.

Isiyaasi 49:13

Doono Yeeri bi asheenaꞌon goggiyemmo bi tunetoyich, iritechinaꞌoyichoo ariqqemmo bi tunetoyich, shimaayoocho, emiroona shoddebe; showeene, emiribe; guudinaꞌote, ililibote.

Isiyaasi 51:3

Doono Yeeri ta, Tsiyoonin, shokkoon echeti bi xaaꞌoonoo, goggiyemmo taane; bi barahoon Edeniyoommon, Doono Yeerichi bechee mixinaꞌo beeti xaaꞌoommonoo, tuniyemmo taane; bi waan emiroonaa wucwucona danemmone; galletee shoddo bi waanaa shoddeyemmone.

Isiyaasi 52:9

Yerusaalemi buriceenaꞌote, Doono Yeeri bi asheenaꞌon bi goggiitoyich, Yerusaalemin bi biishetoyich, ikkittinoona emiroona shoddebote.

Isiyaasi 57:11

“Taan shalligoon, ta mooyonoo gaboon qajjiꞌi ittoshi koottito konin shattii keqqiꞌiniye? Taach shato ittoshi qajjito wodde yemeenoon cikkaa ta qajjetoyich toone?

Isiyaasi 61:2

Shucheti Doono Yeerichi natonaa no Nuggishoochi nichoo kichee aaboonon ta awaajjemmoyich, eeppii beetinaꞌo bullin ta goggiyemmoyich

Isiyaasi 66:13

Indee bi bushoon bi goggiyoommon ittoshin goggiyemmo taane; Yerusaalemaa goggemmo ittoshine.

Isiyaasi 8:12

“Ebi asheenaꞌo koceyoone ii beeti mooyon koceyoo gettaahote; boonoshi shattiibeeti mooyonoo shati keqqiyaahote.

Erimiyaasi 38:19

Taatoo Sedeqiyaasi Erimiyaasich ishichiye: “Baablooneenaꞌoyich kishoon immiti Ayihudeenaꞌoyich taan beshii immemminaꞌone; boonoshiyoo ta kashoona kaachemminaꞌone iyaꞌa shattoye” iye.

Erimiyaasi 41:18

ebiyoo Baabloonee taatoo bi showee toommooch bi ukkiriiti Ahiqaamichi bushoo Gedaliyin Ishmaꞌeeli wuxitoyich, Baabloonee asheenaꞌon shattiꞌiniye.

Hiziqeeli 2:6

“Ashi bushoocho, boonoshich tuneba boonoshi qaaroyich shattaahine; guccinonaa angixona ne guudoona bi beetaa, barahee macheenaꞌo daggooch ne kotetaa, shattaahine; hukkechi asheenaꞌo boonoshi tunetoyich boonoshi qaaroon woyee sheexon shati keqqiyaahine.

Maatiyoosi 10:28

Meenon wuxoyee damba kashoon wuxoo hakkaaneenaꞌon shattaahote. Tunetaa meenonaa kashoonon shiweree qaaqqoona aalliyoon hakkii beeton shatote.

Yowannisi 14:18

Nihaalli bushiishoommon ittoshin dufaachemmo taane; ittoshi waan woyemmo taane.

Mishiraachechinaꞌo 9:31

Arooba Yihudee showoo, Galiilee showoonaa Shamaaree showoo bullinooch beeti kittinnee guuphinaꞌo shatoochee kasheheete, manjiyeete; Doonoyichoo hajjeebee Yaafe Ayaanoona goggeebee qeyii qeyii meettiyeete.

1 Pheexiroosi 1:24

Yaafe Macaafooch bi kooreetoommon, “Meeno taheti asho bulli mocoommone; bi oogee yiiroo bulliyoo mocee bungoommone; mocoo shoolliye; mocee bungoo oojjiye.

1 Saameeli 15:24

Saaꞌooliyoo Saameelich “Axaaxoon shuuneto taane. Doono Yeerichi getoonaa ne qaaroonon shaaddeto taane. Asheenaꞌon ta shattetoyich, boonoshi getoon ceechito taane.

1 Saameeli 17:11

Saaꞌoolinaa Israꞌeeleenaꞌo bullina ebi Filsixeemee asho gettiton boonoshi waayehooba, oogeton keqqii shattiyeete.

1 Saameeli 21:13

Ebich Daawiti boonoshi aafoochaa bi halloon shaddiye. Biin boonoshi yechimmona, geyechochoommon katemee uxeroon qoopphiibee bi illaaccoo bi ishaanoona toollemmoyich tuniihe.