Isiyaasi 51:10 - Kafa Linguistics Project

¹⁰ Ne biishetinaꞌo beshemmoyich, baharo, ooge aachi duchoo, shuuqqemmoyich tuniito, aachi duchoochoo gommon geddeto ne toono neene?

Isiyaasi 51:10 ပူးပေါင်းရင်းမြစ်များ

Shoddo 106:10

Boonoshin shixxii beetinaꞌo kishoochee boonoshin wodiihe; boonoshi etteenaꞌo waanee boonoshin shiwee wodiihe.

Shoddo 106:9

Ceelle baharoon bi noggetaa shuuqqiye; shuuꞌi showoona boonoshin yaabii kichiye.

Shoddo 74:13

Ne hakkoona baharoon qoodihine; baharee daggeexi cooxochi qelloon pharixxehine.

Shoddo 77:19

Ne gommo baharee daggooch beetone; ne kaattoo ooge aachi daggoochiye; tunebaani ne hilloo arooch bekkeyaanoone.

Keyo 14:29

Tunebaani Israꞌeeleenaꞌo baharee aaco boonoshi qanninaa yoochinooch daabboochoommon neexeechaa, baharee daggeexi shuuꞌi showoona kimmitinaꞌone.

Keyo 15:13

“Ne shoodoona ne biisheti ne asheenaꞌon, yaabito neene; ne hakkoona ne biishetinaꞌon yaafe ne beeyi xaaꞌooch yaabito neene.

Isiyaasi 11:15

Doono Yeeri Gibitsee baharoon shuuꞌiyemmone; bi kishoon yaggi Efiraaxisi aachi toommooch gaame yongoon deebi gishiishi aacon tuniiree, shabaatte xaaꞌoona qoodemmone; ebich asheenaꞌo baatoona kimmemminaꞌone.

Isiyaasi 11:16

Israꞌeeleenaꞌo Gibitsee showoochee boonoshi keyiyooba bi tunetoommon, bi asheenaꞌoochee echeti cureenaꞌo Asooree boonoshi keyi hammemmi gommo qannemmone.

Isiyaasi 35:10

Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.

Isiyaasi 35:8

Arooch gommo kechemmone; ebiyoo Yaafee Gommo getteyemmone; xalleyaaneenaꞌo aroona besheyaachemminaꞌone; aroona hammemminaꞌo Yeer asheenaꞌo baachiye; tuusheenaꞌo aroona hamaachemminaꞌone.

Isiyaasi 35:9

Daahereenaꞌo arooch beetaachemminaꞌone; kuxxii maabeeti cooxinaꞌo arooch waataachemminaꞌone; aroochoo daneyaachemminaꞌone; tunebaani shiweetinaꞌo aroona shaꞌemminaꞌone.

Isiyaasi 42:15

Guudinaꞌonaa geppeenaꞌonon aalliyemmo taane; arooch colleto bullin shuuꞌiyemmo taane; aacinaꞌon shuuꞌi showoon tuniyemmo taane; kote aacinaꞌon shuuꞌiyemmo taane.

Isiyaasi 43:16

Baharee daggooch gommon halliti, giidechi aachi daggooch boochoon kichii,

Isiyaasi 50:2

Ta waahooba asho amoyich arooch aallehe? Ta ceeggiyooba amoyich eekkemmo koniyoona aallehe? Shiwoyich ta kishoo qaminone? Woyee wodiyoyich hakkoo taach aalletenane? Ta noggegaata baharo shuuqqiye; aacinaꞌonoo barahoo tuniihoye; haasheenaꞌo aacon mucceree shaaqqemminaꞌone; shachewoonoo qitemminaꞌone.

Isiyaasi 62:12

Boonoshiyoo, Yaafeeti Asheenaꞌo, Doono Yeeri Biisheti Asheenaꞌo, getaa ceekkemminaꞌone; newoo, Qaaweyaabeeti, Duppeyaani Katemee, getaa ceekkemmi neene.

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Mikiyaasi 7:15

Gibitsee noon ne kichiyooba ne tuniitoommon, worganikkiti mooyon nooch bekkiibe.

Zakaariyaasi 10:11

Iritee baharee daggoona beshemminaꞌone; aachi aayon yexxemmo taane. Abbaayi gejjo bulliyoo shuuqqemmone; Asooreenaꞌo geecoo shootemmone; Gibitsee showee taatittinee gumbo dihemmone.