Isiyaasi 50:2 - Kafa Linguistics Project

² Ta waahooba asho amoyich arooch aallehe? Ta ceeggiyooba amoyich eekkemmo koniyoona aallehe? Shiwoyich ta kishoo qaminone? Woyee wodiyoyich hakkoo taach aalletenane? Ta noggegaata baharo shuuqqiye; aacinaꞌonoo barahoo tuniihoye; haasheenaꞌo aacon mucceree shaaqqemminaꞌone; shachewoonoo qitemminaꞌone.

Isiyaasi 50:2 ပူးပေါင်းရင်းမြစ်များ

Halloo 18:14

Iberoon Doono Yeerin mawemmi mooyo beete? Waabeeti natooch ebi goora ne waan wotteree woyemmo taane; Saari anaami bushoon shiyemmine” iye.

2 Kiinoo 32:15

Andoo Hiziqiyaasi ittoshin dachaaye; ittoshin muriciyaaye; Hiziqiyaasin iberiyaahote. Bi asheenaꞌon ta kishoochee woyee ta qaabbechinaꞌo kishoochee wodiyoon hakkiti, amee showee asheenaꞌochi woyee taatoochi nuggisholla aalloone. Ittoshi nuggishochi, ta kishoochee ittoshin wodiyoon bi hakkemmo, aabichireeshiye?’ iiniye” iye.

Shoddo 106:9

Ceelle baharoon bi noggetaa shuuqqiye; shuuꞌi showoona boonoshin yaabii kichiye.

Shoddo 107:33

Doono Yeeri aacinaꞌon barahoo, aachi tuneenaꞌonoo shuuꞌi showoo, tuniihe.

Keyo 14:21

Muusiyoo bi kishoon baharee toommooch yaggiye. Doono Yeeriyoo aabi-keyo waanee yongeebeeti, giidechi yongoon deebiꞌi, xumo bullin baharoon gubb wochiye; baharoon gutte beera qoodiꞌi, shuuꞌi showoon tuniihe.

Keyo 14:29

Tunebaani Israꞌeeleenaꞌo baharee aaco boonoshi qanninaa yoochinooch daabboochoommon neexeechaa, baharee daggeexi shuuꞌi showoona kimmitinaꞌone.

Keyo 7:18

Aachi daggeexi haashoo bulli qiti ciiremmone; aacoo shaaqqemmone. Ebich Gibitseenaꞌo ebi aacon uyon hakkaachemminaꞌone gete” iye.

Keyo 7:21

Abbaayi aachi daggooch beeti haasheenaꞌo qitii ciireheete; aacoo shaaqqiye. Ebich Gibitseenaꞌo ebi aacon uyon hakkaaneenaꞌone. Gibitsee showoo bulliich aaco damoon tunehe.

Shaahiyoo 1:24

Ta ceegiyooba waayemmon ittoshi qajjitoyich, ta kishoon ta yaggiyooba koniyoona aaxxiyoo bi qajjitoyich,

Isiyaasi 11:15

Doono Yeeri Gibitsee baharoon shuuꞌiyemmone; bi kishoon yaggi Efiraaxisi aachi toommooch gaame yongoon deebi gishiishi aacon tuniiree, shabaatte xaaꞌoona qoodemmone; ebich asheenaꞌo baatoona kimmemminaꞌone.

Isiyaasi 19:5

Abbaayi aacinaꞌo tahemminaꞌone; woce aacoo shappi hami tahemmone.

Isiyaasi 23:11

Doono Yeeri baharee toommooch bi kishoon yaggiꞌi, taatittineenaꞌon shuurikkiye; Kanaaneenaꞌochi mishigeenaꞌo happeyemmoyich gettiye.

Isiyaasi 36:20

Ebi aagetee showeenaꞌochi nuggisheenaꞌo bulli daggoochee boonoshi showoon ta kishoochee wodiyoon hakkito beete? Doono Yeeri Yerusaalemin ta kishoochee bi wodiyemmo aabichireeshiye?’ itone” iye.

Isiyaasi 41:28

Ta ciinnemmona ikkolla aallehe; boonoshi daggooch boyoon hakkito aalloone; ta echeti echoon wochito aalloone.

Isiyaasi 42:15

Guudinaꞌonaa geppeenaꞌonon aalliyemmo taane; arooch colleto bullin shuuꞌiyemmo taane; aacinaꞌon shuuꞌi showoon tuniyemmo taane; kote aacinaꞌon shuuꞌiyemmo taane.

Isiyaasi 43:16

Baharee daggooch gommon halliti, giidechi aachi daggooch boochoon kichii,

Isiyaasi 44:27

Aachi gejjeenaꞌon ‘Shuuꞌote; ittoshi aacinaꞌon takkemmo taane’ gettemmo taane.

Isiyaasi 51:10

Ne biishetinaꞌo beshemmoyich, baharo, ooge aachi duchoo, shuuqqemmoyich tuniito, aachi duchoochoo gommon geddeto ne toono neene?

Isiyaasi 54:6

Ne, bushaa bi beetaa keno gawukkiti mechechoommon, duppaꞌa ayinoona bi mullo tiisheti maachechoommon, Doono Yeeri wochinnoon neen bi waan ceeggemmone” iye ne Nuggishoo.

Isiyaasi 59:1

Doono Yeerichi mochoo wodiyoon mawiyaanoone; bi waamo waayoyich ulleyaanoone.

Isiyaasi 59:16

Ebi xukketinaꞌon gaachemmi asho ikkolla aallo tunoon beeggiꞌi worganehe; bi hajjee mochoo wudoon deebiye; bi cadiqoo biin deggii yechiye.

Isiyaasi 63:13

aachi dechi duchoona boonoshin yaabito aaye?” iyeete. Boonoshiyoo barahooch beeti hareshoochoommon tepheyaanoon besheheete.

Isiyaasi 64:6

No bulliyona axaaxoona eeꞌeto noone; no deꞌittino dupphoona wooreti qoreddoommone; mocee waamochoommon shoollito noone; no axaaxoo yongoochoommon noon hidii daammitone.

Isiyaasi 65:12

goraadoyich beshiiree immemmo taane; ittoshi bulliyona guureyoyich yittemmo ittoshine. Ta ceegaa, ittoshich ta yibbaatetaanoo waayo qajjito ittoshine; ta aafooch gonde mooyon tuniihote; taan emirikkaani mooyonoo shunniyote” iye.

Isiyaasi 66:4

Ta ceegaa koniyoona wochoo bi qajjitoyich, ta yibbaatetaa elloon boonoshi qajjitoyich, ta aafoochaa gonde mooyon boonoshi tuniitoyich, ta emiraanee mooyon boonoshi shunnitoyich, iritoo boonoshi toommooch shaggemmoyich tuniyemmo taane; boonoshi shattiti mooyon boonoshi toommooch deebemmo taane” iye.

Erimiyaasi 14:9

Biich yoocheti ashoommon, wodiyoon hakkaani ginee anaamoommon ne tunaabeeto amoyichiye? Tunebaani Doono Yeero, ne andoo no daggooch neene; nowoo ne shigoona ceekketo noone; noon qajjaahine.

Erimiyaasi 35:14

Rekaabichi bushoo Yonadaabichi yareenaꞌo uyoon boonoshi uyaachemmoyich bi gettito ceenniye; boonoshi qaabbechoyich deꞌa boonoshi itoyich hanaach beddaahaa uyaaneenaꞌone; ta ittoshich wochii wochii gettehoye; tunebaani waayeyaano ittoshine.

Erimiyaasi 35:15

Keemechinaꞌo tuneti ta guuninaꞌo bullin wochii wochii ittoshi waan deejjaꞌa, boonoshina “Ittoshi ikkikkoona ittoshi gonde gommoochee wottebote; ittoshi shuunoon gaawichibote; boonoshich goyinnoyich bare nuggisheenaꞌon dabbiyaahote; ittoshinaa ittoshi qaabbechinaꞌonoyich ta immeti showooch kotemmo ittoshine” iyoye; tunebaani ittoshi, ittoshi waamon ta waan gaꞌiyaano ittoshine; taachonoo waayeyaano ittoshine.

Erimiyaasi 5:1

“Dayinnetoona nalliibeeti, ibere mooyonoo qaawiibeeti ashoon, danemmo ittoshi tunegaata, Yerusaalemi gommona okk hach shaꞌebote; xiishi ciinote; bi addibaaboochoo qaawibote; ittoshi danegaata, Yerusaalemin maaremmo taane.

Erimiyaasi 7:13

And ebin ittoshi tuniitoyich, ta gettehooba waayoon ittoshi qajjitoyich, ta ceeggehooboo eekkoon ittoshi qajjitoyich,

Erimiyaasi 7:27

“Ebi qaaro bullin boonoshich gettemmo neene, tunebaani waayeyaachemminaꞌone; ceeggemmo neene, tunebaani neech eekkeyaachemminaꞌone.

Erimiyaasi 8:6

Tawoo manjii ellehoye; ibere mooyon yibbaateyaaneenaꞌone; koniyoona ‘Ebi ta tuniito amooniye?’ iꞌi gondoochee wotteto aalloone. Koyee xaaꞌooch wocciibeeti hareshoochoommon bi ikkikkoona bi gommi gommona hammiye.

Daaneeli 3:15

Andoo xurumbee qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon ittoshi waayemmona, ta neechiti misiloyich baroona guuferee goyinneya ittoshi qannigaata, gaawiye. Goyinno ittoshi qayigaata, aaxxeebeeti qaaqqee sheellooch bekkech duppeyemmo ittoshine. Ta kishoochee ittoshin wodiyemmi nuggishoo, konine?” iye.

Daaneeli 3:29

“Ebich ebiyoommon wodiibeeti bare nuggishoo aallo bi tunetoyich, Sidiraaqi, Misaaqinaa Abidinaginochi Nuggishoo toommooch gonde mooyon yibbaatemmi, ashi yaroo bulliichee, aagetoo bulliichee, asho yibbaateebeeti noonoocheenoo tuneti asho koniyoona, bi ashittino qecciqeccaayaa bi kuchemmonaa bi kexo happaa bi aallemmonoyich getteto taane” iye.

Daaneeli 6:20

Daaneeli beeti oppooch katinnii, ayinee qaaroona Daaneelin ceeggiꞌi, “Beeyechi Nuggishoochi guuno tuneti Daaneelo! Bulli aaboon biich ne goyinnaa maddeebeeti Nuggishoo daahereenaꞌo waanee neen wodiyoon hakkite?” iye.

Daaneeli 6:27

Biyoo shiwehe; wodiihe; showoonaa shimaayoonoochaa worganikkiti malletoonaa gaakkechi shuunoonon shuunehe. Daaneelinoo daahereenaꞌo kishoochee wodiitone” iye.

Hosee'i 11:2

Tunebaani Israꞌeeli woddii ta ceeggemmona, woddiiꞌi ta waanee wokkiye. Ta asheenaꞌoo Baꞌaaloyich deejjoon deejjiyeete; shahalleenaꞌoyichoo ixaanoon shookkiyeete.

Hosee'i 11:7

Ta asheenaꞌo ta waanee bara wottoon qaawiyeete; gaachee danoyichoo damba cookiyeete; tunebaani boonoshin gaachemmo koniyoona aalloone.

Naahoomi 1:4

Biyoo baharoon noggeꞌi bi shuuqqemmoyich tuniihe; woce aacinaꞌonoo shuuꞌiihe. Bashaaninaa Qermeloosinooch beeti mocoonaa mixona shuuqqiye; Libanoosi beeti mocee bungoo oojjiye.

Imbaaqoomi 3:8

Doono Yeero, ne kaaremmoyich tuniitinaꞌo aacinaꞌone? Ne kaareto aacinaꞌoniye? Ne kaaree shiixxoon ne kindiito bahareenaꞌo toommoochiye? Ne asheenaꞌo wudoon danemmoyich ne tuniihooba, quboon hareshoochoommon, gaarichoommonoo yebbehine.

Haddoo 11:23

Doono Yeeri Muusich, “Iberoochaa Doono Yeeri ta kishoo qaminone? Ta qaaroo bi ceenonaa ceeni qayonon and beeggemmo neene” iye.

Maariqoosi 4:39

Yesuusi tiyiꞌi yongoon noggehe; baharoonoo “Cikkibe; shuuraaye” iye. Yongoo bekkech neexehe; bulli mooyoo shashewimiye.

Yowannisi 1:11

Bi asheenaꞌo waan waahe; bi hajjee asheenaꞌo biin qajjiyeete.

Yowannisi 3:19

Bekko showee toommooch waahe; tunebaani asheenaꞌo boonoshi shuunoo gondo bi tunetoyich, bekkoyee manderoon shunniyeete; bi nallito ebichiye.

Yaasi 3:16

wocciibeeti aaco neexehe. Tsaretaani katemee gaꞌooch beeti, Addaami getteebeeti wohi katemee katinooch aaco kiceeꞌi guteehe; dugilloon Arabee baharo, ebi geto Kiikki baharo waan, wocciibeeti aaco ciroona kuxee neexehe. Asheenaꞌoo Yaariki ciino waanaa kimmiyeete.