Isiyaasi 50:1 - Kafa Linguistics Project

¹ Doono Yeeri ishichiye: “Ittoshi indeen ta yookketi gawukkee koorichoo aaye? Erettiyechinaꞌo daggoochee ittoshin ta kemmeto konichiye? Ebiyoche, ittoshi axaaxoona kecheto ittoshine; ittoshi xuꞌoona ittoshi indee yookketine.

Isiyaasi 50:1 ပူးပေါင်းရင်းမြစ်များ

1 Taateenaꞌo 21:25

Bi mechee Elizabeeli biin shuurikkaa, Doono Yeeri aafooch gonde mooyon shuunoyich bi qelloon kemmiti, Akaabiyoommi asho aalloone.

2 Taateenaꞌo 17:17

Boonoshi anaami bushiisheenaꞌonaa maache bushiisheenaꞌonon michii deejjiyeete; qaaxechinaꞌonaa kaayechinaꞌonon tuneheete; gonde mooyon tuniyoyich boonoshi qelloon beshii imona Doono Yeerin ippiiheete.

2 Taateenaꞌo 4:1

Ikke areddoon keemechinaꞌochi guuphi daggoochee ikkoochi mechee Elisayi waan hammaꞌa, “Ne guuno tuneti ta keno qititone. Ne guunoo Doono Yeerin shattiibeeto bi tunoon ne ariyaabeeto neene. Tunebaani hiishecho ta gutte anaami bushiishoon guuno tuniiree daamma waatone” iyaꞌa cookiyan.

Nehimi 5:5

Andoo no maneenaꞌonaa noonna ikke meenonaa damoonon no tunetaa, no bushiisheenaꞌo boonoshi bushiishoomminaꞌo boonoshi tunetaanoona, ebiyoche no bushiisheenaꞌon guunonaa gonneena boonoshi tunemmoyich immaabeeto noone; no maache bushiisheenaꞌoocheenoo gonnee tunetinaꞌo beetinaꞌone. Bare asheenaꞌo no showoonaa no woyinee goyoonon boonoshi yechitoyich, hakka guutoon tuneto noone” ii beeheete.

Asteeri 7:4

Guunonaa gonneenon tunoyich baach no kecheto gaata, cikki qajjeshi taane. Ebiyoommi no xuuxo neen yulliyoyich beddito tuneyaacheshone; tunebaani taannaa ta asheenaꞌona qitoonaa hidaa aalloonoyich kecheto noone” iyan.

Shoddo 44:12

Ne asheenaꞌon qalli gatiyoona kemmehine; bede gatiyoon qochiyaꞌa kemaano neene.

Keyo 21:7

“Ikke asho bi busheen gonnee bi tunemmoyich bi kemigaata, guuninaꞌochoommon baad gawukkaa hammaayuye.

Isiyaasi 1:28

Tunebaani hukkechinaꞌonaa axaaxechinaꞌona ikkittinoona buricemminaꞌone; Doono Yeerinoo qajjii beetinaꞌoo aallemminaꞌone.

Isiyaasi 27:8

Yeeri bi asheenaꞌon kecaa boonoshi hammemmoyich tuniyoona naxehe; aabi-keyo waanee giidechi yubee yongoochoommon boonoshin yookkiye.

Isiyaasi 43:27

Qaabbechi ne nihoo axaaxoon shuunehe; ne ukkireenaꞌoo ta sheeroon shaaddeheete.

Isiyaasi 46:8

“Hini axaaxechinaꞌote, ebin gabibote; shalligishoo getote; ittoshi mulloochoo gedote.

Isiyaasi 52:3

Doono Yeeri ishichiye: “Duuboon kecheto ittoshine; gatiyoo qocaanoon biisheyemmo ittoshine” iye.

Isiyaasi 54:6

Ne, bushaa bi beetaa keno gawukkiti mechechoommon, duppaꞌa ayinoona bi mullo tiisheti maachechoommon, Doono Yeeri wochinnoon neen bi waan ceeggemmone” iye ne Nuggishoo.

Isiyaasi 54:7

“Giisheche aaboon neen duppeto taane; tunebaani oogeti ariqqoona neen wochi deebemmo taane.

Isiyaasi 58:1

Doono Yeeri ishichiye: “Ne qaaroon qoophaanoon oogiiree cookibe; ne qaaroo shametoochoommon sharaalliibe; ta asheenaꞌoyich boonoshi xuꞌoon, Yaaqobichi yareenaꞌoyich boonoshi axaaxoon gete.

Isiyaasi 64:6

No bulliyona axaaxoona eeꞌeto noone; no deꞌittino dupphoona wooreti qoreddoommone; mocee waamochoommon shoollito noone; no axaaxoo yongoochoommon noon hidii daammitone.

Erimiyaasi 3:1

“Ikke asho bi mecheen bi gawukkaa, areyoo bi waanee hammaa bare kenoon bi shaagigaata, biin wochi deebi shaaggehe? Showoo ciroona eeꞌeyaachehe? Ne, meetinaꞌona tookkii shunoon maabee echaꞌa, and ta waan wottoon qaawii beetine?” iye Doono Yeeri.

Erimiyaasi 3:8

Ebi bi shunee mamo bullich biichi koorichoon immaꞌa, gibeneyaani Israꞌeelin ta biishon kootechi Yihudi beeggetine; ebi bi manee Yihudi shataaneene; areyoo hammaꞌa shunoo maahane.

Erimiyaasi 4:18

“Ne shaaddoonaa ne shuunoona ebin ne toommooch shakkiitone; ebi ne gondo mulloon tiichemmi oogeti magge caame mooyon ne toommooch deebitone” iye.

Hosee'i 4:5

Qeesheenaꞌote, ittoshi, areddee aaboona daafeebeeto ittoshine; keemechinaꞌoo ittoshina tookkii xumoona daafee beetinaꞌone. Ebich ittoshi indee tuneti Israꞌeelee showoon aalliyemmo taane.

Leweenaꞌo 25:39

“ ‘Israꞌeelee asho tuneti ne giyoo gireꞌi, guuno tunii bi qelloon neech bi yittiigaata, guunochoommon neech bi maddemmoyich tuniyaahine.

Maatiyoosi 18:25

Are uro bi maati gijjoon qocon bi mawiitaa, bi qelloona bi, bi mechee, bi bushiishoonaa biich beeto bullina kecheree hini hiishoo qochemmoyich taatoo gettiye.

Yibbaatoo 32:30

Ikke ginee naayo hume Israꞌeelee ginee naayinaꞌon yookkiye; gutte ginee naayinaꞌo wotta aashire hume Israꞌeelee ginee naayinaꞌon kochii wochiyeete. Ebiyoo bi tuneto, boonoshi Xaqqee Inderoo boonoshin bi duppitoyichiye; Doono Yeeri boonoshin bi qajjitoyichiye.