Isiyaasi 5:5 - Kafa Linguistics Project

⁵ Ta woyinee goyee toommooch ta tuniyemmi mooyon ittoshich getona; uxeroon waaxxemmo taane; xaqqee uxeroonoo happemmo taane; kubbi cooxo aalliyemmonaa kuppemmonoyich tuniyemmo taane.

Isiyaasi 5:5 ပူးပေါင်းရင်းမြစ်များ

Halloo 11:7

Wobote; kindibone. Boonoshinaa boonoshina ikkoo gettiibeeto baroyich bi giyaachemmoyich, boonoshi noonoon aroochaa baccibone” iye.

Nehimi 2:3

taatoyichoo “Taatoocho, hume naton taatebe! Ta qaabbechinaꞌochi maasho beeti katemee tiishetaa, bi kello qaaqqoona micaa, aabichiree buuchoo qayote?” iyo.

Shoddo 89:40

Bi xaqqee uxeroo bullin tiichehine; bi mishigeenaꞌonoo happihine.

Shoddo 89:41

Aroona beshemmo bulli biin boggiye; bi giyeenaꞌonoo cooneehe.

Shaahiyoo 24:31

Ebiyoche, angixo arooch ceennitone; shuyoo showoon guuppitone; xaqqee uxeroo tiishetone.

Dojjecho 3:3

wuxoyich gooroo beete; wodiyoyich gooroo beete; happoyich gooroo beete; hagoyich gooroo beete;

Isiyaasi 10:6

Boonoshi gaannoon bi boggemmoyich, kecoon hohi bi daammemmoyich, gommeexi dengoochoommon boonoshin bi neexxemmoyich, Yeerich qeyaani asheenaꞌo toommooch biin daachiito taane; ta kaaremmoyich tuniiti asheenaꞌo toommooch biin wocheto taane.

Isiyaasi 25:10

Doono Yeerichi kishoo hini guudi toommooch tunemmone; tunebaani Moꞌabee asheenaꞌo buyo dengooch gedaa koteyoommon koteyemminaꞌone.

Isiyaasi 28:18

Qitoona tookkii ittoshi giyiti wogo echemmone; maashoona tookkii ittoshi shuneti shunoo manjaachemmone; kupphe naxo bi beshehooba, ittoshin kotemmone;

Isiyaasi 28:3

Efreemee mashechinaꞌochi geecee gubbichoo baatoona neechemmone.

Isiyaasi 32:10

Hini keqqaalloon koteti maacheenaꞌote, woyino aafeyaachemmo, maayi aafo maceyemmi gooroo waataachemmo bi tunetoyich, nato beshemmona, qewemmo ittoshine.

Erimiyaasi 18:11

Andoo Yihudee asheenaꞌonaa Yerusaalem beeti asheenaꞌonoyich ishichibe: ‘Doono Yeeri ishichiye: Gonde mooyon ittoshi toommooch qanniibeeto taane; gondoonoo ittoshi toommooch gabiibeeto taane; andoo ittoshi bulli ittoshi gonde gommoochee wottebote; ittoshi shuunoonaa ittoshi gommonon kaachibote’ gete!

Erimiyaasi 21:4

“Sedeqiyaasich ishichi getote: Israꞌeelee Nuggishoo Doono Yeeri ishichiye: ‘Baabloonee taatoonaa uxeroyee maachaa ittoshin giichiti Baabloonee asheenaꞌonon ittoshi kochiibeeti, ittoshi kisheexi ginee qiicoon ittoshi toommooch wochi ballemmo taane; boonoshin kiciree hini katemee daggooch deebemmo taane.

Erimiyaasi 28:8

Wonnee tiijjiꞌi, neennaa taannoyee shiichiꞌi tiyiti keemechinaꞌo, meeti showeenaꞌonaa ogooge taatittineenaꞌonochi toommooch, gineechon, aalleechonaa naxeechonon keemmitinaꞌone.

Erimiyaasi 45:4

“Baaruukich Doono Yeeri ishichiye: ‘Ebiyoche ta haggeton happemmo taane; ta bechiton waaxxemmo taane; ebinoo showee toommo bulliich tuniyemmo taane.

Shoosho 1:15

“Doono, ta ginee anaaminaꞌo bullin duppiye; ta gurimaasheenaꞌon buricoyich, ta toommooch ginee naayinaꞌon kiciye; oppoochaa woyinoon kotoommon Doono Yihudee asheenaꞌon kotehe.

Shoosho 2:6

Bi yaafee kexon, budeexi bashoochoommon happii aalliihe; baaree xaaꞌoon aalliihe; Doono Yeeri Tsiyoonichi nati baaroonaa shambetoonon battiihe; bi kaaree shiixxoona taatoonaa qeeshoonon giishiihe.

Shoosho 4:12

Showee taateenaꞌo woyee showee toommooch beetinaꞌo bulli, shixecho woyee etto Yerusaalemi xaqqee uxeree kelloona giyemmone iꞌi iberiyaaneenaꞌone.

Daaneeli 8:13

Aroochee gutte maraakeenaꞌo yibbaatee beetaa waayeho. Ikkoo ishichiꞌi echehe: “Ebi yaaꞌoona bekketi mooyo tune bi beeyemmo, aati wottooniye? Ebi ciigiiti axaaxoo qemi qemona micciibeeti deejjoon keriree bi beeyemmo, aati wottooniye? Yaafee kexonaa Yeerichi asheenaꞌona neeche beeyemmo, aati wottooniye?” iye.

Hosee'i 2:12

‘Ta shunechinaꞌo waanee ta daneti gatiyoone’ bi ii beeti, woyinee qomboonaa balaasee mixinaꞌonon aalliyemmo taane. Eboshinoo kubboon tuniyemmo taane. Kubbi cooxinaꞌoo maayemminaꞌone.

Hosee'i 2:14

“Ebich areen dachiree barahooch daammemmo taane; maanjoona biin yibbaatiyemmo taane.

Luqaasi 21:24

Goraadoona qitemminaꞌone; kecceree aagetoo bulliichoo shacemminaꞌone; ebi are boonoshin kecciti Aageteenaꞌochi yemeeno ciiremmi wottoonoo Yerusaalemin yiikkeree neexi hajjemminaꞌone” iye.

Yaaꞌoo 11:2

Yaafee kexoyee maach beeti addibaaboo Aageteenaꞌoyich icheto bi tunetoyich qaye; qellayiyaahine. Boonoshiyoo aabbaa gutte agenoon yaafe katemeen neexi hajjemminaꞌone.