Isiyaasi 5:26 - Kafa Linguistics Project

²⁶ Doono Yeeri wohooch beeti aageteenaꞌon bi ceeggemmi malletoon neechemmone; showee tuggoochee shennoona ceeggemmone; boonoshiyoo daappibee afaafinoona woyemminaꞌone;

Isiyaasi 5:26 ပူးပေါင်းရင်းမြစ်များ

Shoddo 60:4

Maꞌoochee boonoshi muriccemmoyich, neen shattii beetinaꞌoyich malletoon bekkiitine.

Shoddo 72:8

Baharoochee baharooch beddaahaa, Efiraaxisi aacoochee showee tuggooch beddaahaa, qeejjibe.

Isiyaasi 10:3

Naxo ittoshi toommooch kindiyooba, aallo wohoochee waahooba amooniye ittoshi tuniyemmo? Ittoshin gaachemmon danoyichoo koni waaniye ittoshi hammemmo? Ittoshi gaannoonochi amoochiye ittoshi aachemmo?

Isiyaasi 11:12

Aageteenaꞌoyich malletoon neechemmone; Israꞌeeleenaꞌoochee duppetinaꞌon kicemmone; Yihudee asheenaꞌoocheenoo shacetinaꞌon showee awudde kelloochee kicemmone.

Isiyaasi 13:2

Shokkaachoo tuneti geppee toommoochaa malletoon tiijjibote; qaaroon oogichiree cookibote; ogoogeenaꞌochi kelloonoo boonoshi giyemmoyich, kishoona malletebote.

Isiyaasi 13:3

Ta kaaroon boonoshi ceechemmoyich, taacho tuneti yaafeetinaꞌon wocheto taane; wudoon ta dano boonoshin emirikkiibeeti ta ginee naayinaꞌon ceeggeto taane.

Isiyaasi 13:4

Guudinaꞌo toommooch dofee aageteenaꞌo qaaro waayee beeton ellebote; taatee showeenaꞌoochee kiceeti, caageebeeti asheenaꞌochi qaaroon waayebote. Beshe Mawe Doono Yeeri ginechinaꞌon ginee koyooch qannii beetone.

Isiyaasi 13:5

Boonoshiyoo showee tuggooch beddaahaa beeti, wohi showoochee waa beetinaꞌone; Doono Yeeri boonoshin, bi kaaroon bi bekkiyemmi ginee qiiceenaꞌo tuniiꞌi, showoo bullin aalliyoyich waa beetone.

Isiyaasi 18:3

Showee toommo bulliich beeti asheenaꞌote, malletoo guudi toommoochaa bekkoon, ciinote; shameto hukkoonoo waayebote.

Isiyaasi 30:16

Ittoshiyoo ‘Hareshoon yebberee wocishalli no gettemmo ebin tuniyaachone’ iyote; ebich woccemmo ittoshine. ‘Afaafinechi hareshoona muriccemmo noone’ iyote; ebich ittoshin yookkii beetinaꞌo afaafinechinaꞌo tunemminaꞌone.

Isiyaasi 31:9

Boonoshi mishigo keqqoona dihemmone; boonoshi ginee iraasheenaꞌo baanderoon beegiichi keqqoona aallemminaꞌone” iye bi qaaqqoo Tsiyoon, bi qaaqqee sheelloo Yerusaalem beeti Doono Yeeri.

Isiyaasi 39:3

Ebiyooba keemechi Isiyaasi taatoo Hiziqiyaas waan waaꞌi, “Ebi asheenaꞌo waato, amoocheeniye? Neech boonoshi gettito, amooniye?” iꞌi echehe. Hiziqiyaasiyoo “Boonoshi waato, wohi showoochee, Baablooneeniye” iꞌi wochiye.

Isiyaasi 7:18

Aroobee yemeenooch Doono Yeeri Abbaayi aachi gashoochee Gibitseenaꞌon yaammochoommon, Asooreenaꞌonoo boonoshi showoochee maxochoommon shennoona ceeggemmone.

Erimiyaasi 4:13

Ebiyoche etto quboochoommon woyemmone; bi gaarinaꞌoo yubee yongoomminaꞌone; bi haresheenaꞌo booyoyee beshe afaafinechinaꞌone. Nooch woowo, aalleto noone!

Erimiyaasi 5:15

“Israꞌeelee kechi asheenaꞌote, wohi showoochee aageteenaꞌon ittoshi toommooch deebemmo taane” iye Doono Yeeri. “Eboshiyoo giidechinaꞌo, wonneechinaꞌo, boonoshi yibbaatoon ittoshi ariyaaneenaꞌonaa amoon boonoshi gettiibeeto gaata, shalligoon ittoshi hakkaaneenaꞌonane.

Erimiyaasi 51:27

Koyee malletoon damba tiijjibote; aageteenaꞌo daggooch tiroon hugote; biin koyoyich aageteenaꞌonoo qanniibote; Araraatichi, Miinichi, Ashikenaazichi taatee showoonoo bi toommooch kicibote; ginee iraashoonoo bi toommooch iraashiibote; gechoommon shiwureebeeti haresheenaꞌonoo bi toommooch daachiibote.

Shoosho 4:19

Noon yookkii beetinaꞌo shimaajji booyoyee beshe afaafinechinaꞌone; guudinaꞌochi toommoochaa noon yookkii dabbiyeete; barahoochaanoo noon ottii quyeheete.

Hiziqeeli 38:17

“ ‘Nuggishoo Doono Yeeri ishichiye: Boonoshin kocha neen deebemmo ta tunoon wonnee yemeenooch ta guuninaꞌo tuneti Israꞌeelee keemechinaꞌo wodde naton keemmiti asho ne toono neene?’ itone gete” iye.

Yoꞌeeli 2:7

Ginee koyechinaꞌochoommon koyemminaꞌone; ginee naayinaꞌochoommon xaqqee uxeree toommooch kechemminaꞌone; bulliyona okk hach getaanoon, boonoshi gommon yeshiree qaxiremminaꞌone.

Imbaaqoomi 1:8

“Boonoshi haresheenaꞌo wocona maahoyee besheenaꞌone; shaaceti okeroyee beshoonoo shayinaꞌone. Hareshechinaꞌo guufeebee wohi showoochee waaheete; bi maayemmon yecha yoobbii kindiibeeti booyochoommon yoobbiyeete.

Zakaariyaasi 10:8

Boonoshin shennoona ceegiree, kicemmo taane; boonoshin biishemmo taane; ebiyee aafichoommon, meettemminaꞌone.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Yibbaatoo 28:49

“Doono Yeeri booyo afaafinoona kindoommon kindiibeeti, boonoshi noonoon ne ariyaani aagetee asheenaꞌo wohoochee, showee tuggoochee waaree neen boonoshi kochemmoyich, tuniyemmone.