Isiyaasi 5:25 - Kafa Linguistics Project

²⁵ Doono Yeeri kaaro bi asheenaꞌo toommooch cufiye; bi mochoon tiijjiꞌi boonoshin yexxiye; guudinaꞌo qeweheete; asheenaꞌochi dubenoo guudoochoommon gommooch dihitone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 5:25 ပူးပေါင်းရင်းမြစ်များ

1 Taateenaꞌo 14:11

Yeroboꞌami yaroochee katemoochaa qitimmon kunaaneenaꞌo maayemminaꞌone; gaddoochaa qitimmon shimaajji gaceenaꞌo maayemminaꞌone. Doono Yeeri ta, ebin getteto taane’ itone gete.

1 Taateenaꞌo 16:4

Ne yaroochee katemoochaa qitimmon kunaaneenaꞌo maayemminaꞌone; gaddoochaa qitimmon shimaajji gaceenaꞌo maayemminaꞌone” iye.

1 Taateenaꞌo 21:24

“Akaabi yaroochee katemoochaa qitimmon kunaaneenaꞌo maayemminaꞌone; gaddoochaa qitimmonoo shimaajji gaceenaꞌo maayemminaꞌone” iye.

2 Taateenaꞌo 13:3

Doono Yeeri kaaro Israꞌeeleenaꞌo toommooch cufiye; ebich Sooriyee taatoo Hazaheelinaa bi bushoo Been Hadaadinochi kishooch meeti yemeenoon boonoshin beshiiꞌi immiye.

2 Taateenaꞌo 9:37

bi meeno Yezireeli katemee daggooch iboochoommon shacemmo bi tunetoyich, koniyoona, “Hini Elizabeeline” getiree bariyoon hakkaachemmone’ iꞌi bi gettiti qaaro hinine” iye.

2 Kiinoo 36:16

Tunebaani boonoshi, Doono Yeerichi wocheyechinaꞌon cooneheete; bi qaaroonoo hoxeheete; bi keemechinaꞌonoo qallayiyeete. Ebich Doono Yeeri kaaro bi maccee toommooch kindiye; ebi shaahe kaaroochee muricon hakkaaneenaꞌone.

Iyoobi 9:13

Yeeri bi kaaroochee wotteyaachemmone; Rahaabichi gaacheenaꞌo, bi baatooch dihemminaꞌone.

Shoddo 106:40

Ebich Doono Yeeri kaaro bi asheenaꞌo toommooch aaxxehe; bi hajjee asheenaꞌonoo tiyaarehe.

Shoddo 114:7

Showoocho, Doono aafooch, Yaaqobichi Nuggishoo aafooch, qewebe.

Shoddo 18:7

Showoo qewehe; shuuriinoo iye; guudi koteenaꞌo shuuriyeete; qeweenoo iyeete; ebiyoo Yeeri kaaretoyichiye.

Shoddo 68:8

Siini Nuggishoo Yeeri aafooch, Israꞌeelee Nuggishoo Yeeri aafooch, showee shuuriyan; shimaayeenaꞌoo amiyon dudiiheete.

Shoddo 77:18

Ne gigee qaaro yubee yongee daggoochaa waayeehe; ne xeeyo alemo bulliich phaqqiye; showoo shuuriye; qeweenoo iye.

Shoddo 78:38

Ebi tunetaanoona bi boonoshich ariqqehe; boonoshi axaaxoon maariyani boonoshin aalliyaanoone. Bi kaaroon meeti aaboon shuuchehe; kupphe bi kaaro bullin kindiyaanoone.

Shoddo 83:10

En Dooraa boonoshin aalliihine; boonoshi dubeno showooch duppeꞌi oqqiye.

Keyo 7:19

Doono Yeeri daakkiꞌi Muusich ishichiye: “Haroonin ‘Ne gumboon daamiree, Gibitsee showeexi aaco bulli toommooch, ebiyoo woce aachi toommooch, bobbeeti aachi toommooch, kote aachi toommooch, aachi gejjee toommoochoo ne kishoon yaggibe’ gete. Aacoo damoon tunemmone. Xaqqoonaa mixonoochee shuuneeti aachi kicee qiiceenaꞌooch beeti aaco bulliyona echeyaanoon, Gibitsee showeexi aaco bulli damoon tunemmone” iye.

Isiyaasi 10:4

Qoppeenaꞌo daggooch gutenoyee, guureetinaꞌo daggooch dihoyee besh, ittoshich echeto amolla aalloone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 10:6

Boonoshi gaannoon bi boggemmoyich, kecoon hohi bi daammemmoyich, gommeexi dengoochoommon boonoshin bi neexxemmoyich, Yeerich qeyaani asheenaꞌo toommooch biin daachiito taane; ta kaaremmoyich tuniiti asheenaꞌo toommooch biin wocheto taane.

Isiyaasi 14:19

Tunebaani ne, duppeti michi atoochoommon ne oppoyee maach duppeto neene; ne dubeno ginoochaa qititinaꞌochi dubenoona qereetone; xaqqechi oppooch dufaa neechetone.

Isiyaasi 23:11

Doono Yeeri baharee toommooch bi kishoon yaggiꞌi, taatittineenaꞌon shuurikkiye; Kanaaneenaꞌochi mishigeenaꞌo happeyemmoyich gettiye.

Isiyaasi 25:11

Aachi waakkecho bi kishoon bi yaggoommon boonoshi kishoon aree daggoochaa yaggemminaꞌone; tunebaani Doono Yeeri boonoshi geecoon boonoshi maroona tookki giishiyemmone.

Isiyaasi 29:2

Tunebaani Arelin xuuxiyemmo taane; aroochoo ayinoonaa tuumona tunemmone; ebi katemee damoona wooreti deejjee gudoommon tunemmine.

Isiyaasi 42:25

Ebich bi kaaree shiixxoonaa giidechi koyoonon, no toommooch deejjiye; no guudoona qaaqqoon yeshiihe; tunebaani no ariyaano noone; noon michiye; tunebaani ebi nooch giyaanoone.

Isiyaasi 51:20

Ne bushiisheenaꞌo shaaweeꞌi dihitinaꞌone; dabbooch yecheti doollechoommon, gommo bulliich yacheetinaꞌone; boonoshi toommooch, Doono Yeeri kaaro, ne Nuggishoochi noggoo, kinditone.

Isiyaasi 64:3

Ebiyee aaf waaꞌa, tunemmone iyaꞌa no gabaani, oogeton shattiiti mooyinaꞌon ne tuniihooba, guudinaꞌo neen beeggiꞌi shatona qewetinaꞌone.

Isiyaasi 66:15

“Ebiyoche, Doono Yeeri qaaqqoona woyemmone; bi gaarinaꞌoo yubee yongoomminaꞌone; bi ippoon kupphe bi kaaroona, bi noggoonoo aaxxeebeeti qaaqqoona bekkiyemmone.

Isiyaasi 66:24

“Keyi hamibee ta toommooch hukkoon shuuneti asheenaꞌochi dubenoon beeggemminaꞌone; boonoshi hipperoo qitaachemmone; boonoshi qaaqqoo tahaachemmone; meeno taheto bullina ciigeyemmone” iye.

Isiyaasi 9:11

Ebich Doono Yeeri shixechinaꞌon boonoshi toommooch tiijjiye; boonoshi etteenaꞌonoo boonoshi toommooch tiijjiye.

Isiyaasi 9:16

Hini maccoon yaabii beetinaꞌo murice gommona yaabitinaꞌone; yaabeebeeti maccoo gommoochee kechiꞌi yallyallimitone.

Isiyaasi 9:17

Ebich Doono Yeeri gurimaasheenaꞌona emiraachemmone; nihaalli bushiisheenaꞌonaa kenaalli maacheenaꞌonoyichoo ariqqeyaachemmone; bulliyona Yeerich qeyaaneenaꞌonaa gonde shuunechinaꞌonane; boonoshi bulli noonoochee gonde yibbaatoo kechiye; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 9:20

Qanni waanaa maaheete; tunebaani andoo shaacechinaꞌone; yoochi waanaanoo qooxxiyeete; tunebaani miyaacheete; asho bi ikkikkoona bi xiboochi meenon maayemmone.

Isiyaasi 9:21

Minaasi Efreemin, Efreemiyoo Minaasin maayemmone; Yihudi toommoochoo ikkittinoona tiyemminaꞌone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 15:3

“Aalliyechi awudde mooyinaꞌon boonoshi toommooch deejjemmo taane, iye Doono Yeeri. Eboshiyoo wuxoyich goraadoon, geechoyich kunaaneenaꞌon, mamonaa aalliyoonoyich, shimaajji kafeenaꞌonaa kubbi cooxinaꞌononiye.

Erimiyaasi 16:4

Gonde biiyoona qitemminaꞌone. Boonoshich eeppeyaachemmone; dukkeyaachemminaꞌone; showee toommooch guudoochoommon qixeyemminaꞌone; goraadoona, shaacoonoo aallemminaꞌone; boonoshi dubeno shimaajji gaceenaꞌonaa kubbi cooxinaꞌonoyich maayo tunemmone.

Erimiyaasi 17:4

Newoo neech ta immeti showoon muccemmo neene; ne ariyaani showoochaa ne etteenaꞌoyich ne maddemmoyich tuniyemmo taane; ebiyoo ta kaaro qaaqqoommon bulli aabooch aaxxemmo bi tunetoyichiye” iye.

Erimiyaasi 4:24

Guudinaꞌon ciinneho; ebiyoche qewee beetinaꞌone; geppeenaꞌoo okk hach shuuriyeete.

Erimiyaasi 4:8

Doono Yeerichi kupphe kaaro, no waanee wottoo bi qajjitoyich, dookoon tahebote; eefebote; woowo, getote” iye.

Erimiyaasi 6:12

Showooch beetinaꞌo toommooch ta kishoon yaggemmo ta tunetoyich, boonoshi kexinaꞌo, boonoshi goyeenaꞌonaa boonoshi mecheenaꞌona ikkittinoona bareenaꞌoyich tunemminaꞌone” iye Doono Yeeri.

Erimiyaasi 8:2

Boonoshi shunnii maddeti, boonoshi qaawii dabbiti, goyinneenoo iti aabeenaa ageneenochi, wotta shimaajji xojjeneenaꞌo aafooch boonoshin yachemminaꞌone; boonoshi shaawusho ikkooch kicaa duukkeyaachemmone; showee toommooch guudoochoommon qixeyemminaꞌone.

Erimiyaasi 9:22

Ishichishoo getote: “Doono Yeeri ishichiye: ‘Ashi dubeno, guudoochoommon gaddooch, koniyoona macaani, qeccechochi hillooch oojjiti, maayi ooyoochoommon dihemmone’ itone” getote.

Shoosho 5:22

Ebi tuno qayigaata, noon ciiroona duppetine, no toommoochoo oogichaa kaaretine, getone.

Hiziqeeli 15:6

Ebich Nuggishoo Doono Yeeri ishichiye: “Kubbeexi michi daggooch beeti woyino qaaqqooch bi shookkeyemmoyich ta tuniyoommon, Yerusaalem beetinaꞌon ebiyoommon beshiiree immemmo taane.

Hiziqeeli 30:25

Baabloonee taatoochi mochoon kupphiyemmo taane; Faroonichi mochoo dihemmone; ta goraadoon Baabloonee taatoo kishooch ta imiyooba, biyoo Gibitsee showee toommooch bi yaggiyooba, boonoshiyoo Doono Yeeri ta tunoon ariyemminaꞌone.

Hiziqeeli 6:14

Ta mochoon boonoshi toommooch tiijjiree boonoshi beeyi xaaꞌoon barahoochee tiijji Ribila beddaahaa showoon shokko echiyemmo taane; ebina boonoshiyoo Doono Yeeri ta tunoon ariyemminaꞌone” iye.

Daaneeli 9:16

No axaaxee naboonaa no qaabbechinaꞌochi xuꞌee naboona no guudoona beeti bare yoodee asheenaꞌo ne katemoo Yerusaaleminaa ne asheenaꞌonon qallayitinaꞌone. Ta Doonocho, ebich ebiyee aaf ne shuuneti cadiqee shuunoommoona, ne yaafee geppoo tuneti Yerusaalemi toommoochee ne kaaroon wochibe!

Hosee'i 14:4

Doono Yeeri ishichiye: “Ta kaaro boonoshi waanee bi wottetoyich, ta asheenaꞌon ta waan wochemmo taane; cikkishoo boonoshin shunnemmo taane.

Amootsi 8:8

Ebich showoo qewemmoyich tuniyemmo taane; showee toommooch beeto bulli eefemmone. Showoo bulli shuuremmone; Abbaayi aaco phiceyoommon kaama tiyi kindibee phiceyemmone” itone.

Mikiyaasi 1:4

Gippoo qaaqqoona wocoommon, guudinaꞌo bi baataa woccemminaꞌone; aaco geppoochee dugilla wocoommon, dugilla wociree bambooch giyemminaꞌone.

Naahoomi 1:5

Bi aafooch guudinaꞌo qeweheete; geppeenaꞌoo muujjiyeete; bi aafooch showoo shuuriye; showoonaa showee toommooch beeto bullina qewehe.

Imbaaqoomi 3:10

Guudinaꞌo neen beeggiꞌi, qeweheete; ambamboo showoon machiꞌi beshee hammiye; baharee aacoo goohiye; aachi aayoo kaama tiyiye.

Sofoniyaasi 1:17

Doono Yeeri ishichiye: “Axaaxoon shuunoona taan boonoshi xuqqitoyich, aaf doogoochoommon boonoshi shaꞌemmi wottoon duꞌoon ashi toommooch deebemmo taane. Boonoshi damoo aacochoommon ufemmone; boonoshi dubenoo guudoo duppeyoommon, danemmooch duppeyemmone” iye.

Yibbaatoo 31:17

Ebi tunehooba, ta kaaro boonoshi toommooch cufemmone; boonoshin qajjemmo taane; boonoshin guudi ciinaachemmo taane; boonoshiyoo aalleminaꞌone. Meeti gonde mooyonaa iritoona boonoshi toommooch shaggemmone. Boonoshiyoo ebiyooba, ‘Ebi gonde mooyo no toommooch bi shaggito, no Nuggishoo noonna tookkii tuno bi qajjitoyich toonoone?’ gettemminaꞌone.

Yibbaatoo 31:18

Taan qajjiichii, bare nuggisheenaꞌoyich goyinnee maddoona boonoshi shuuneti gonde mooyoyich boonoshin ciroona ciinaachemmo taane.

1 Tasaloonqi 2:16

Aageteenaꞌo waayeree wodemmi Yeerichi qaaroon no getaachemmoyich bajja qiicceheete. Ebin tuniyoona bulli aaboon boonoshi shuuneebeeti axaaxee toommooch wotta hinin daakkiyeete. And ciiroochaa Yeerichi kaaree shiixxoo boonoshi toommooch shaggitone.

Yaaꞌoo 20:11

Aroyee gubb ooge nacce taatee qeenon, bi toommooch kotetonoo beeggeho; showoonaa shimaayoona bi aafoochee aalleheete; xaaꞌoo boonoshich daneyaanoone.