Isiyaasi 5:24 - Kafa Linguistics Project

²⁴ Beshe Mawe Doono Yeerichi sheeroon boonoshi hoxetoyich, Israꞌeelee yaafoo gettitonoo boonoshi qallayitoyich, guudoon qaaqqoo mamoommon, galloon qaaqqee aaxxo michii aalliyoommon, boonoshi xeppho oqqemmone; boonoshi bungoo shuuꞌiree quttoochoommon kaama quttemmone.

Isiyaasi 5:24 ပူးပေါင်းရင်းမြစ်များ

2 Taateenaꞌo 19:22

Koniniye ne hoxaa naaggeto? Koni toommoochiye, ne goohito? Koni toommoochiye, geecoona aafoon ne ciixxeto? Israꞌeelee Yaafoo Yeeri ta toommoochiye.

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Iyoobi 18:16

Biyoo, dechi bi cammo qitiibeeti, tookki bi waamo shuuqqiibeeti mixoommon, tunemmone.

Iyoobi 8:17

boonoshi cammon awureꞌi xaqqee gutoon kaappii yechiibeeti, xaqqee guudi toommooch xogeebeeti, bechoomminaꞌone.

Shoddo 50:17

Kaaraa ta ciicaa shixxehine; ta qaaroon gubb duppehine.

Keyo 15:7

Oogeti ne oogee yiiroona ne toommooch tiyitinaꞌon duppaabeeto neene. Ne kaaree shiixxoonoo kindiibeeto neene; galloon michoommon boonoshin michaa beetone.

Keyo 5:12

Ebich asheenaꞌo maayi tulloon qaawi deeba Gibitsee showoo bulliich shaceheete.

Isiyaasi 1:31

Kupphe asho galloommon, bi shuunoo qaaqqee xeeroommon tunemmone; guttiyona tookki miccemminaꞌone; qaaqqoonoo takkemmo aalloone.

Isiyaasi 1:4

Hini axaaxoona ceenniti aageteenaꞌote, xuꞌoon miꞌeti asheenaꞌote, gonde asheenaꞌochi shiijjereenaꞌote, xummoo tuneti bushiisheenaꞌote, ittoshich woowo! Doono Yeerin qajjito ittoshine; Israꞌeelee Yaafoon qallayito ittoshine; biich gubboon wochito ittoshine.

Isiyaasi 24:6

Ebich ufo showoon aalliyemmone; arooch kotetinaꞌo boonoshi xuꞌee naboona xuuxemminaꞌone; ebich arooch beetinaꞌo miccemminaꞌone; echemminaꞌo giisheche asheenaꞌone.

Isiyaasi 26:11

Doono Yeero, ne mochoo kaama tiyitone; tunebaani ne etteenaꞌo beegaaneenaꞌone. Ne asheenaꞌoyich am shaahoon ne qanaataabeeto gaata, ciiniree yeellebeete; boonoshich ne qanniiti qaaqqoo, ne etteenaꞌon mame.

Isiyaasi 30:12

Ebich Israꞌeelee Yaafoo ishichiye: “Ebi qaaroon ittoshi hoxetoyich, xuꞌoonaa xummittinoonon ittoshi gibenetoyich, aroona ittoshi degeetoyich,

Isiyaasi 30:9

Ebiyoo hukkechi asheenaꞌo, koote bushiisheenaꞌo, Doono Yeerichi qociyoon waayo qaawaaneenaꞌo boonoshi tunetoyichiye.

Isiyaasi 47:14

Boonoshi galloomminaꞌone; qaaqqoo boonoshin michemmone; qaaqqee aaxxoochee boonoshin wodiyoon hakkaacheete; ebiyoo asho kachiibeeti gachoommo woyee asho bi aafooch koteebeeti qaaqqoommo toonoone.

Isiyaasi 7:9

Efreemi shimbo Shamaarine; Shamaarichi shimbo Remaliyichi bushoone. Illa taan gibenoona kuppho ittoshi qayigaata, ciroona manjiree neexeyaachemmo ittoshine’ gete” iye.

Isiyaasi 8:6

“Hini asheenaꞌo nibboona wocciibeeti Salihoomi aacinaꞌon qajjiichii, Resininaa Remaliyichi bushoona boonoshi emiritoyich

Isiyaasi 9:18

Gonde shuunoo, guccinonaa angixonon michiibeeti qaaqqoommone; manje shaaroo micaa tuqii kaama kechiibeeti cufoommone.

Isiyaasi 9:19

Beshe Mawe Doono Yeeri kaaroona showoo miccemmone; ashoo qaaqqooch shookkeebeeti mixoommon tunemmone; koniyoona bi manoyich aaxxiyaachemmone.

Erimiyaasi 6:19

Showoocho waayebe; ta qaaroon waayo boonoshi qajjitoyich, ta sheeroonoo boonoshi duppitoyich, boonoshi gabeechi aafo tuneti gonde mooyon boonoshi toommooch deebemmo taane.

Erimiyaasi 8:9

Ariyechinaꞌo Doono Yeeri ta qaaroon qajjitinaꞌone; illa amee ariyoo boonoshich beete? Ebich boonoshiyoo yeelle keqqemminaꞌone; kecaanoo hammemminaꞌone.

Hiziqeeli 15:6

Ebich Nuggishoo Doono Yeeri ishichiye: “Kubbeexi michi daggooch beeti woyino qaaqqooch bi shookkeyemmoyich ta tuniyoommon, Yerusaalem beetinaꞌon ebiyoommon beshiiree immemmo taane.

Hosee'i 11:9

Ta kaaree shiixxoon ne toommooch kindiyaachemmo taane. Efreemin wochinnoon aalliyaachemmo taane. Ebiyoo boonoshi daggooch beeti, Yaafe Nuggishoo ta tunetoyich, asho tuno ta qajjetoyichiye. Naxoona ne waan waataachemmo taane.

Hosee'i 5:12

Illa ebich Efreemich piloommon, Yihudee yareenaꞌoyichoo qunoommon tuneto taane.

Hosee'i 9:16

Efreemi hosheeꞌi bi cammo shuuqqiti, aafoonoo aafeyaani mixoommon tunehe. Bushiishoon boonoshi shiyitaanona aaxxe boonoshi bushiishoon wuxemmo taane” iye.

Yoꞌeeli 2:5

Gaarinaꞌochi qaaroommi qaaroon waayiibee, guudi toommona capheheete; galloon yechiti qaaqqoo tatoommon, tatiyeete; giidechi ginee naayinaꞌo koyoyich qanniꞌi yaaroona keyoommon, kechiyeete.

Amootsi 2:4

Doono Yeeri ishichiye: “Yihudee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo ta sheeroon boonoshi qallayitoyich, ta qociyoonoo quyo boonoshi qajjitoyichiye. Boonoshi qaabbechinaꞌo goyinnee maddeti nuggisheenaꞌo boonoshin muriciitinaꞌone.

Amootsi 2:9

“Ta asheenaꞌote, ittoshicha iyaꞌa yigoommi genjeenaꞌo, uxeree mixoommi manjeenaꞌo tuneti Amooree asheenaꞌon cammona waaxeree boonoshi aallemmoyich tuniihoye.

Naahoomi 1:10

Biinnaa biinna wutireeti angixonaa maayi tulloonochoommon, qaaqqoo ittoshin michi aalliyemmone.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Maatiyoosi 3:12

Maayoon yooppiibeeti qiico bi kishoochiye; maayo bullin yooppiree xalliyemmone; are yooppaa xalleti teepphoon bi gotooch geddemmone; tunebaani maaxxoon tahaani qaaqqoona michemmone” iye.

Luqaasi 10:16

Ebiyee gubb, Yesuusi bi dabbeenaꞌon “Ittoshichon waayeebeeto, taachon waayee beetone; ittoshin qajjiibeeto, taan qajjii beetone; taanoo qajjiibeeto, taan wocheti Yeerin qajjii beetone” iye.

Luqaasi 3:17

Maayoon yooppiibeeti qiico bi kishoochiye; maayo bullin yooppiree xalliyemmone; are yooppaa xalleti teepphoon bi gotooch geddemmone; tunebaani maaxxoon tahaani qaaqqoona michemmone” iye.

Luqaasi 7:30

Tunebaani Fariseenaꞌonaa Muusichi Sheeree dojjechinaꞌona “Ebi nooch toonoone” iꞌi Yeerichi daaggoon hoxeꞌi Yowannisina afaalleyoon qajjiyeete.

Yowannisi 12:48

Taanoo qajje iꞌi ta qaaroon iberiyaano toommooch nallemmo beetone; ciireexi aabooba hini ta getteti qaaro bi toommooch nallemmone.

Mishiraachechinaꞌo 13:41

‘Hini cooqqirechinaꞌote, beegote! Worganebote! Aallebote! Koniyoona getaa, ittoshi iberiyaani shuunoon ittoshi yemeenooch shuunemmo taane’” iye.

Yibbaatoo 28:24

Doono Yeeri amichi qoodoyich quttoonaa qacoonon ne showooch dichemmone. Ebiyoo neen bi aalliimmi wottoon, ne toommooch dambee kindemmone.

1 Tasaloonqi 4:8

Illa ebi no dojjiti mooyon shixxiibeeti asho, bi shixxiibeeto, ittoshich bi Yaafe Ayaanoon immiibeeti Yeerinalli, ashoon toonoone.

1 Saameeli 15:23

Hukkoon shuuno kaayee axaaxoon shuunoommone; babberittinoo shahalloyich goyinnoommi gonde mooyone. Ne, Doono Yeerichi getoon ne qajjetoyich, biyoo taatoo ne tuneyaachemmoyich neen qajjitone” iye.

1 Saameeli 15:26

Saameeliyoo wochiꞌi, “Neenna tookki wotteyaache. Doono Yeerichi getoon ne qajjetoyich, Doono Yeeri Israꞌeelee taatoo ne tuneyaachemmoyich neen qajjitone” iye.