Isiyaasi 5:20 - Kafa Linguistics Project

²⁰ Gondoon gaaweto, gaaweton gondo ii beetinaꞌoyich, manderoon bekko, bekkoonoo manderoo tunii beetinaꞌoyich, caamoon nooco, noocoonoo caamo tunii beetinaꞌoyich woowo!

Isiyaasi 5:20 ပူးပေါင်းရင်းမြစ်များ

Iyoobi 17:12

Ta nuucheenaꞌo, xumoon ‘Areddee aaboone’ iyeete; mandereton beeggiibee, ‘Showoo bekkee beetone’ iyeete.

Keyo 23:7

Koote taggoon ashi toommooch yaaqqaahine. Xuꞌo bi toommooch aalli, kaame ashoon wuxiyaahine. Ebiyoommi gondoon shuuneebeeti ashoon maaraachemmo taane.

Shaahiyoo 17:15

Gonde ashoon xallii beetonaa cadiqoon gondii beetona, guttiyona Doono Yeeri aafoochaa ciigeetinaꞌone.

Shaahiyoo 4:17

Axaaxee koshon maaheete; xuꞌee woyinee uyoonoo uchiyeete.

Isiyaasi 24:9

Woyinee uyoon uyibee duubi emiraachemminaꞌone; kashi uyo, uchii beetinaꞌoyich caammemmone.

Isiyaasi 29:21

Ashoon gondii beetinaꞌo, taggee xaaꞌoochaa ashich olloon ollee beetinaꞌo, koote miixoona xalle ashi dayinnetoon dabii beetinaꞌo aallemminaꞌone.

Isiyaasi 30:10

Boonoshiyoo yaaꞌee beeggechinaꞌon “Yaaꞌoon beeggaahote” iyeete; keemechinaꞌonoo “Ibere mooyon nooch keemmaahote; kootolla bi tunetaa, noon emirikkiibeeti mooyon baach nooch getote.

Isiyaasi 32:5

Ebiyee bekk, yeexeroo ooge asho getteyaachemmone; xummoo moogeyaachemmone.

Hiziqeeli 13:19

Ittoshi kootoon waayaabeeti ta asheenaꞌoyich koottiibee, qita bedaani kasheen wuxoona, woda bedaani kasheenoo wodiyoona ikke ushi sheqoonaa ikke tiishi koshonoyicha iꞌi ta shigoon eeꞌiito ittoshine.

Amootsi 5:7

Dayinnetoon dabiibeeti, cadiqoon showooch duppiibeeti ittoshich woowo!

Mikiyaasi 3:2

Ittoshiyoo deꞌoon shixxiichii gondoon shunniyote; ta asheenaꞌochi gooqqoon gaxxiyote; boonoshi meenon shaawushoochee maaccii kichiyote.

Imbaaqoomi 1:4

Ebich sheeroo niretone; dayinnetoo dabitone. Gonde asheenaꞌo kaamoo tuneti asheenaꞌon giichitinaꞌone; ebich dayinneto xummetone.

Milikiyaasi 2:17

Ittoshi yibbaatoona Doono Yeerin shewiito ittoshine. Ittoshiyoo “Aabichaꞌa biin shewiihone?” ito ittoshine. Biin ittoshi shewiito, “Gonde mooyon tuniibeeto bullin Doono Yeeri gaawe aafoona ciinnii beetone; biyoo boonoshina emirii beetone” ittoshi getonane. Biin ittoshi shewiito wotta, “Dayinnetechi Yeeri aaye?” iꞌi echoonane.

Milikiyaasi 3:15

Illa and, geecechinaꞌo diireetinaꞌone; gonde shuunechinaꞌoyich mooyo kaamee beetone; Doono Yeerin phiree beetinaꞌo muriccii beetinaꞌone’ ito ittoshine” iye.

Luqaasi 16:15

Ebich Yesuusi boonoshich ishichiye: “Asheenaꞌo ittoshin beegiree, ‘Am shaahe cadiqeenaꞌone’ geton shunniibeeto ittoshine; tunebaani Yeeri ittoshi mullee gaboon arii beetone. Ashi gaboochaa oogetone getteebeeti mooyon Yeeri ciigemmone.

Yibbaatoo 25:1

“Ashoonaa ashoona kaareꞌi taggooch, nallee gabberooch boonoshi giddegaata, nallechinaꞌo xukketoyich nalliree xuqqiton xoobiibeete.

2 Pheexiroosi 2:1

Wonna Israꞌeeleenaꞌo daggooch kootoon keemmiibeeti keemechinaꞌo beetinaꞌone; ebiyoommon wotta koote dojjechinaꞌo ittoshi daggoochee tiyemminaꞌone. Eboshiyoo boonoshin biishee wodiiti Doono Yesuus Kiristoosin nookkeree, kittinneenaꞌochi mullee tooꞌiyoon aalliibeeti koote doyoon shokiibee giijjemminaꞌone; ebina kaatee aalloon boonoshi toommooch deebemminaꞌone.