Isiyaasi 5:17 - Kafa Linguistics Project

¹⁷ Ebi arooba, bagee bushiisheenaꞌo kexo happeeti xaaꞌoochaa mocoon maayemminaꞌone; bagee baaddeenaꞌonaa emmishee bushiisheenaꞌona ebi aroochaa mocoon maayemminaꞌone.

Isiyaasi 5:17 ပူးပေါင်းရင်းမြစ်များ

Nehimi 9:37

No axaaxee naboona are showoochee daneebeeti gaanno giyiibeeto, no toommooch ne taatiiti taateenaꞌoyichiye; no ashittinoonoo hajjiyeete; no gijjeenaꞌon boonoshi shunnitoommon tuniiheete. Nowoo ooge iritoochiye no beeto.

Shoddo 119:70

Boonoshi mullo manje muumoone; tunebaani ta, ne sheeroona emiriyoye.

Shoddo 17:10

Boonoshi mulloon muumiitinaꞌone; boonoshi noonoo geecoona yibbaatehe.

Shoddo 17:14

Doono Yeero, asheenaꞌo waanee, boonoshi ixee qoodoo showee toommeexi kasho baach tuneti asheenaꞌo kishoochee, ne kishoona taan wodiibe. Ne shunnaa beetinaꞌo michemmoyich tuniibe; boonoshi bushiisheenaꞌoyich, boonoshi bushaa bushiisheenaꞌoyichoo wodde maayo beeyemmoyich tuniibe.

Shoddo 73:7

Boonoshi aafo aangiꞌi maach curixehe; gonde mooyo boonoshi mullooch ceennii aphirehe.

Isiyaasi 1:7

Ittoshi showoo ashaallo tunetone; ittoshi katemeenaꞌo qaaqqoona miccitinaꞌone; ittoshi ciini beetaa maachi asheenaꞌo ittoshi showoon boggemminaꞌone; bulli mooyon aalliiree shokko echiyemminaꞌone.

Isiyaasi 10:16

Ebich Doono, Beshe Mawe Doono Yeeri, xaqqijje bi ginee naayinaꞌo toommooch muujjiibeeti biiyoon deejjemmone; qaaqqoochoommon, bi oogee yiiree dechiichaa aaxxemmone.

Isiyaasi 17:2

Aroꞌeeri katemeenaꞌo bulli yemeenooch shokko echemminaꞌone; bago quyeebeeti gaddoon tunemminaꞌone; bago, koniyoona biin keqqichaanoon arooch miqqe kashemmone.

Isiyaasi 32:14

Taatee kexo onoo tunemmone; asho ceenniti katemoo aqqemmone; geppoonaa dilaaloona happaa bulli yemeenooch aallemmone; kubbi kureenaꞌonaa gijjeenaꞌona bahemmi gaddoon tunemmone.

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Isiyaasi 65:10

Taan qaawiibeeti ta asheenaꞌoyich, Shaarooni bagee gaddo, Akoori bamboo miiminaꞌo miqqee xaaꞌoo tunemmone.

Isiyaasi 7:25

Guccinonaa angixonon shatiree, kootteroona gocheebee echeti geppeenaꞌo bulliich koniyoona hamaachemmone; miimonaa bageenaꞌonochi kuppee budon tunemmone.

Erimiyaasi 5:28

Aangitinaꞌone; awujjiinoo itinaꞌone; boonoshi gondo oogichii beshitone. Nihaalloochi dayinnetoyich neexeyaacheete; girechinaꞌochi taggoonoo taggeyaacheete.

Shoosho 5:2

No iristo bare showee asheenaꞌoyich, no kexo dallaaweenaꞌoyich tunehe.

Hosee'i 4:16

Israꞌeeleenaꞌo babbere gidereyoomminaꞌone. Ishigaata, Doono Yeeri boonoshin bagee baaddeenaꞌochoommon gamini gaddooch bi quyemmo aabichireeshiye?

Hosee'i 8:7

Boonoshiyoo yongoon shoohiree yuboon qeccemminaꞌone. Shaggiti maayooch yuulloo aalletoyich manjeyemmi maayo aroochee daneyaachemmone. Bi danetaanona maayemminaꞌo dallaaweenaꞌone.

Mikiyaasi 2:12

“Curo tunee echeti Israꞌeeleenaꞌote, bago bi dogooch, bageenaꞌoo gaddooch kiceyoommon ittoshin ikkooch kicemmo taane. Ittoshi showooch wochinnoon asho ceennemmone” iye.

Sofoniyaasi 2:14

Gijjoonaa baribare yarechi kubbi cooxona qeyi xaaꞌoon tunemmone. Yuyeenaꞌo bi kechi guummon qeyi beeroo tuniyemminaꞌone; mallee kelloochaanoo qaaddemminaꞌone. Kurecheenaꞌo shaaqqee shagoochaa qaaddemminaꞌone. Kexo hakketi yigee mixo happaa hammemmone.

Sofoniyaasi 2:6

Baharee gashooch beeti ittoshi showoo xalle gaddo tunemmone; wotta qiddeenaꞌochi bashee xaaꞌoonaa bageenaꞌochi qeyi xaaꞌoona tunemmone.

Luqaasi 21:24

Goraadoona qitemminaꞌone; kecceree aagetoo bulliichoo shacemminaꞌone; ebi are boonoshin kecciti Aageteenaꞌochi yemeeno ciiremmi wottoonoo Yerusaalemin yiikkeree neexi hajjemminaꞌone” iye.

Yibbaatoo 28:33

Ne aajjaa yulletaa ne showooch shaggiti maayoon ne ariyaani bare showee asho maayemmone. Neech danemmo bulli aaboon xuuxoonaa xukkoona baach tunemmone.

Yibbaatoo 32:15

“Israꞌeeleenaꞌote, ittoshiyoo gaannee michiꞌi Doono Yeeri toommooch tiyiyote; ittoshiyoo aangii nuuriꞌi gaannehote. Aroochee ittoshin halliti Yeerin qajjiyote; ittoshin wodiyechi Xaqqee Inderoon qallayiyote.