Isiyaasi 5:16 - Kafa Linguistics Project

¹⁶ Tunebaani Beshe Mawe Doono Yeeri, dayinnetoona nalloona bi oogoon bekkiyemmone; Yaafe Nuggishoo cadiqoona nalloona bi yaafittinoon bekkiyemmone.

Isiyaasi 5:16 ပူးပေါင်းရင်းမြစ်များ

1 Kiinoo 29:11

Doono Yeero, shimaayoonaa showoonooch beeto bulli neecho bi tunetoyich, oogo, giidoo, oogee yiiroonaa wudoona neechone; taatittinoo neechone. Newoo bulliyee beshiti taatoo neene.

Shoddo 21:13

Doono Yeero, ne giidoona ooge bekkebe! Ne hakkoyich shodde, neen galletemmo noone.

Shoddo 46:10

Kashebote; Yeeri ta tunoon ariibote; aageteenaꞌo daggooch oogemmo taane; showee toommooch oogemmo taane.

Shoddo 9:16

Doono Yeeri dayinnetechi nalloona bi qelloon arichiihe; gondeenaꞌo boonoshi gonde shuunoona olleeheete.

Isiyaasi 12:4

Arooba ishichemmo ittoshine: “Doono Yeerin galletebote; bi shigoonoo ceegote; bi tuniitonoo aageteenaꞌo daggooch arichiibote; bi shigo oogeto bi tunoon awaajjibote.

Isiyaasi 2:11

Cooddiibeeti asho giishemmone; geecechi asheenaꞌoo yittemminaꞌone; arooba Doono Yeeri baach oogemmone.

Isiyaasi 2:17

Ashi coodo kindemmone; asheenaꞌochi geecoo giishemmone. Arooba Doono Yeeri baach oogemmone.

Isiyaasi 2:9

Ebina asho bulli giisheree cooneyemmone. Boonoshin maariyaahine.

Isiyaasi 28:17

Nalloon qeellee woderoo, cadiqoonoo tumbin tuniyemmo taane; ‘Noon shoobi wodiyemmone’ iꞌi ittoshi gibeneebeeti kootoon baderoo hidemmone; ittoshi aashee xaaꞌoon aaco qooxxemmone” iye.

Isiyaasi 29:23

Ta kishee shuunoo tuneti boonoshi bushiishoon boonoshi daggooch boonoshi beegiyooba, ta shigoon yaafoo tuniyemminaꞌone; Israꞌeelee Yaafoon oogiyemminaꞌone; Israꞌeelee Nuggishoon shattemminaꞌone.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Isiyaasi 33:10

Doono Yeeri ishichiye: “And tiyemmo taane; ta giidoonaa ta oogoonon bekkiyemmo taane.

Isiyaasi 33:5

Doono Yeeri bulliyee beshoone; bi beeto damba shimaayoochiye. Biyoo Yerusaalemin dayinnetoona, cadiqoonoo ceechemmone.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 6:3

Boonoshinaa boonoshina ceegeebee, “Beshe Mawe Doono Yeeri yaafoo, yaafoo, yaafoone; bi oogee yiiroo showoo bulliich ceennitone” ii beeheete.

Isiyaasi 61:8

“Doono Yeeri ta, dayinnetoon shunnoye; bogoonaa gonde mooyonon shixxoye; gibeneeto ta tunoona boonoshich gaaccemmo taane; boonoshina tookki bulli aabee wogoon giyemmo taane.

Isiyaasi 8:13

Tunebaani Beshe Mawe Doono Yeeri ta, yaafoo ta tunoon gabibote; ittoshi shattemmo taan baachiye; ittoshi keqqemmoo taach baachiye.

Hiziqeeli 20:41

Aageteenaꞌo waanee ittoshin ta kichiyooba, ittoshi shaceti showoo bulliichee ittoshin ta kiciyooba, gaawe cinnechi mooyon shaahiiree ittoshin ciinnemmo taane; aageteenaꞌo ciini beetaa ittoshi daggooch ta yaafittinoon bekkiyemmo taane.

Hiziqeeli 28:22

‘Nuggishoo Doono Yeeri ishichiye: Sidoone, ne toommooch tiyeto taane; ne daggoochaa oogoon danemmo taane; ne toommooch ta nalliyooba, ta yaafittinoonoo ne daggooch ta bekkiihooba asheenaꞌo Doono Yeeri ta tunoon ariyemminaꞌone.

Hiziqeeli 28:25

Nuggishoo Doono Yeeri ishichiye: “Israꞌeelee macceenaꞌon boonoshi shaceti aageteenaꞌo daggoochee ta kiciyooba, aageteenaꞌo ciini beetaa boonoshi daggoochaa ta yaafittinoon ta bekkiihooba, ta guuno Yaaqobich ta immeti boonoshi hajjee showooch kotemminaꞌone.

Hiziqeeli 36:23

Aageteenaꞌo daggoochaa naakkeeti, boonoshi daggoochaa ittoshi naakkiiti, yaafe ooge ta shigee yaafittinoon bekkiyemmo taane; boonoshi aafoochaa ta yaafittinoon ittoshina ta bekkiihooba aageteenaꞌo Doono Yeeri ta tunoon ariyemminaꞌone; Nuggishoo Doono Yeeri ta, ebin getteto taane.

Hiziqeeli 38:16

Showoon guuppiibeeti quboochoommon ta asheenaꞌo tuneti Israꞌeeleenaꞌochi toommooch woyemmo neene; Googo, gubbi yemeenooch ta showoon ne kochemmoyich neen deebemmo taane; ebiyoo neenna ta yaafittinoon boonoshi aafoochaa ta bekkiihooba, aageteenaꞌo taan ariyemmoyichiye.

Hiziqeeli 38:23

Ebina ta oogoonaa ta yaafittinoonon bekkiyemmo taane; meeti aageteenaꞌoyichoo taan arichiyemmo taane; aroochee ta, Doono Yeeri ta tunoon ariyemminaꞌone.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Leweenaꞌo 10:3

Muusiyoo Haroonich ishichiye: “Doono Yeeri gettito ebine: ‘Ta waan giddee beetinaꞌo daggoochaa ta yaafittinoon bekkiyemmo taane; asheenaꞌo bulli aafoochaa oogemmo taane’ bi ito ebine” iye. Harooniyoo cikkii qajjiye.

Haddoo 20:13

Israꞌeeleenaꞌo Doono Yeerina kaareti, biyoo yaafoo bi tunoon boonoshich bi bekkiiti Meriibi aaco ebine.

Roomi 2:5

Tunebaani “Axaaxee gommoochee Yeer waan wotteyaache” ii beeti mulli manjoo ne tunetoommon, Yeeri kaamittinee nalloon bi bekkiyehoobinaa kaaree shiixxoon bi kindiyemmi aaboobinoyich kaaree shiixxoon ne toommooch kicaabeeto neene.

1 Pheexiroosi 2:15

Ebiyoo deꞌe shuunoon shuunebee, iberoon ariyaani mullaalleenaꞌo ittoshi toommooch boonoshi yibbaatemmi yibbaatoon ittoshi mucciyemmoyich, Yeerichi daaggoo bi tunetoyichiye.

1 Pheexiroosi 3:15

Tunebaani ittoshi mulloona Kiristoosi Doono bi tunoon shalligibee biich goyinnebote. “Gubbich ittoshich beeti gibeno amoone?” iꞌi ittoshin echemminaꞌochi echoon ittoshi wochemmoyich, bulli aaboon qanniton tunebote.

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye:

Yaaꞌoo 4:8

Ebi kashechi awudde halleenaꞌo boonoshi ikkikkoyich shiritti shiritte qoshoo beetone; boonoshi achee guudoonaa boonoshi qoshee maacinooch aafo ceennitone. Boonoshiyoo “Aafoo beeti, andoo beeti, gubboo beeyemmi, Beshe Mawe Doono Yeeri yaafoo, yaafoo, yaafoone” iibee areddoonaa xumoonon kasheyaaneenaꞌone.