Isiyaasi 5:11 - Kafa Linguistics Project

¹¹ Mashiibeeti uyoon uyoyich haree yaaꞌooch tiyii beetinaꞌoyich woowo! Boonoshi kashooch bi qeeccimmi wottoon, uchiibee harii beetinaꞌoyich woowo!

Isiyaasi 5:11 ပူးပေါင်းရင်းမြစ်များ

2 Saameeli 19:35

And ta shinne nati asho taane. Illa ebiyee damba taan emirikkemmi mooyo beete? Ne guuno ta, ta maabeeti maayoonaa ta uchaabeeti uyoonochi shaawon ariyehote? Anaaminaꞌo tunebeeta maacheenaꞌochi duubbi qaaroon waayehote? Ishigaata, taatoo ta doono neech shaago ta tunemmo, amoyichiye?

Shaahiyoo 20:1

Woyinee uyo ashoon cooqqirecho, kashi uyo yexecho tuniihe; eboshina muriccito bulli ariyecho toonoone.

Shaahiyoo 23:32

Ciiroochaa dingeroochoommon, xekerechoommonoo neen qoppemmone.

Isiyaasi 22:13

Tunebaani emiroo, wucwuco, maaꞌoon guuroo, bagoon bashoo, meenon mamonaa woyinee uyoon uyona tunehe; “Yaach qitemmo no tunetoyich maa uyone” iyote.

Isiyaasi 24:9

Woyinee uyoon uyibee duubi emiraachemminaꞌone; kashi uyo, uchii beetinaꞌoyich caammemmone.

Isiyaasi 28:1

Efreemee mashechinaꞌoyich geecee gubbichoo tuneti, qeemi bambee toommooch beechaa woyinee uyoona yexxetinaꞌoyich oogee malleto tuneti, shoolle bechee bunggoommi Shamaarich woowo!

Isiyaasi 28:3

Efreemee mashechinaꞌochi geecee gubbichoo baatoona neechemmone.

Isiyaasi 5:22

Woyinee uyoon uyoyich beelleenaꞌo, mashiibeeti uyoon baccoyichoo kuppho tunetinaꞌoyich woowo!

Isiyaasi 56:12

Boonoshiyoo, “Ittoshi waataa woyinee uyoon qaawi uyone; kashi uyoonoo uyi miyone; yaachoo hanaachiyoommon tunemmone; halla beshoonoo tunemmone” iyeete.

Imbaaqoomi 2:15

Boonoshi achoon beegoyich, ittoshi giyeenaꞌo kaaree shiixxee xoofoochee woyinee uyoon uyiree mashemmoyich tuniibeeti ittoshich woowo!

Imbaaqoomi 2:5

Gaanno ashoon dawushii beetone. Woddelleenaꞌo geecechinaꞌonaa kotee kasheyaaneenaꞌonane. Boonoshiyoo maashoommi woddelleenaꞌone; qitoochoommon beddiye geton ariyaaneenaꞌone. Aagetee asheenaꞌo bullin boonoshi waan kiciyeete; asheenaꞌo bullinoo keccii daammiyeete.

Luqaasi 21:34

“Tunebaani ittoshi mullo miyona, mashoonaa mashaamiti beemi qaatoona dingiraate bi beetaa, Ashi Bushoochi aabo diqqoona shaachoochoommon ittoshin bi yeshaachemmoyich, ittoshi qelloon quyebote.

Roomi 13:13

Areddee bekkoona shaꞌeebeeti asheenaꞌochoommon gaawe qocoona beebone; qelloon battiibeeti duubonaa mashoona tunaaye; shunee mamonaa yeelliibeeti kaayona tunaaye; kaaroonaa qanaatoona tunaaye.

1 Qorontoosi 6:10

gaayeenaꞌo, hiriggechinaꞌo, mashechinaꞌo, naagechinaꞌo, boggechinaꞌo, eboshi daggoochee ikkolla Yeerichi taatittineen woraashaachemmone.

Galaati 5:21

ashi wodoon shixo, masho, qelloon battiibeeti duubo, eboshinoo shaahiibeeti mooyone. Shiichaꞌa ittoshich ta gettetoommon, ebiyoommi mooyon tunii beetinaꞌo Yeerichi shimaajji taatittineen woraashaachemminaꞌone.

1 Saameeli 25:36

Abigeli Naabaal waan wottaa bi waahaa, taatee gifiroommi gifiroon geddiꞌi kexooch bi beetaa danahan. Biyoo oogichii bi mashetoyich, emiree toommoochiye bi beeto. Ebich showoo harimmi wottoon amoonolla biich getaaneene.