Isiyaasi 49:7 - Kafa Linguistics Project

⁷ Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Isiyaasi 49:7 ပူးပေါင်းရင်းမြစ်များ

Halloo 27:29

Aageteenaꞌo neech hajjeebeete; aagetee asheenaꞌo neech goyinnebeete. Ne maneenaꞌo toommooch doonon tunebe. Ne indee shiyetinaꞌo neech yiti goyinnebeete. Neen uppimmo koniyoona uppeto tunebe; neen diirimmo koniyoona diireeto tunebe” iye.

Shoddo 47:9

Abrahami Nuggishoochi asheenaꞌochoommon, maccee iraasheenaꞌo kiceeheete. Ebiyoo showee iraasheenaꞌo Yeerichinaꞌo boonoshi tunetoyichiye; bi oogeti oogechone.

Shoddo 68:31

Iraasheenaꞌo Gibitsee woyemminaꞌone; Topphiyee bi kishoon Yeer waan yaggemmine.

Shoddo 69:19

Ta naakkeyoon, ta yeelloonaa cooneyoonon, ne ariibeeto neene; ta etteenaꞌo bulliyoo ne ariyaa beetinaꞌone.

Isiyaasi 14:1

Doono Yeeri Yaaqobich ariqqemmone; Israꞌeelinoo wochinnoon kaaccemmone; boonoshi hajjee showooch boonoshi beeyemmoyich tuniyemmone. Shiqqeenaꞌo boonoshi waan waaree, Yaaqobichi yareenaꞌona tookki ikkottemminaꞌone.

Isiyaasi 19:21

Doono Yeeri Gibitseenaꞌoyich, koni bi gaata arichiyemmone; boonoshiyoo arooba Doono Yeerin ariyemminaꞌone; deejjoonaa maayi buuroonon giddiyoona biich goyinnemminaꞌone; Doono Yeerich mookkoon mookkemminaꞌone; boonoshi mookketonoo ceechemminaꞌone.

Isiyaasi 19:23

Arooba Gibitsee showoochee Asooree showooch gamini gommo kechemmone; Asooreenaꞌo Gibitsee showooch, Gibitseenaꞌo Asooree showooch hammemminaꞌone; Gibitseenaꞌonaa Asooreenaꞌona ikkotteree goyinnemminaꞌone.

Isiyaasi 27:13

Arooba, ooge shameto hukkemmone; Asooree showooch aallee hammitinaꞌo, Gibitsee showooch kecaa hammitinaꞌoo wottemminaꞌone; yaafeeti guudo Yerusaalemaa Doono Yeerich goyinnemminaꞌone.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Isiyaasi 48:17

Ittoshin Biishee Wodiyechi Israꞌeelee Yaafoo, Doono Yeeri ishichiye: “Neech gaaccemmon neech dojjaabeeti, ne hammaabeeti gommooch neen yaabaabeeti, ne Nuggishoo Doono Yeeri taane.

Isiyaasi 48:7

Eboshi halleeto andalli wonna toonoone; ‘Boonoshin ariyaabeeto taane’ ittoshi getaachemmoyich, boonoshichon ebiyee aaf waayeyaano ittoshine.

Isiyaasi 49:1

Baharee gasheexi buure showooch beetinaꞌote, ta waanee ellebote; wohi showooch beeti aageteenaꞌote, waayebote: Doono Yeeri, ta shiijjeyaan beetaa, taan ceeggiye; ta indee maacooch ta beetaa, taach shigoon shigiihe.

Isiyaasi 49:23

Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.

Isiyaasi 49:26

Neen neexxii hajjitinaꞌo boonoshi hajjee meenon boonoshi maayemmoyich, boonoshi hajjee damoonoo woyinee uyoochoommon boonoshi uchemmoyich, tuniyemmo taane. Ebina Doono Yeeri ta, neen Shiwechonaa Biishee Wodiyechona, Yaaqobi goyinneebeeti Giidechi Nuggishoo ta tunoon, asho bulli ariyemmone” iye.

Isiyaasi 50:6

Xoobbii beetinaꞌoyich ta gubboon, ishaanoon shettee beetinaꞌoyich ta gaakkoon, immehoye; taan coonee, ta aafooch cuddii beetinaꞌo waanee, ta aafoon bara wochaano taane.

Isiyaasi 52:15

Boonoshich getteyaanoon beeggemminaꞌo boonoshi tunetoyich, boonoshi waayeyaanoon shalligemminaꞌo boonoshi tunetoyich, bi naboona meeti aageteenaꞌo worganemminaꞌone; taateenaꞌo bi naboona worganemminaꞌone” iye.

Isiyaasi 53:3

Biyoo ashoona shixxetonaa hoxeetonane; biiyoonaa xuuxoona biyee baraani ashoone; asho bi waanee aafoon badd wochiti, hoxeeti ashoone; nowoo biin oogiyaano noone.

Isiyaasi 60:10

“Dallaaweenaꞌo ne uxeroon wochi uxeremminaꞌone; boonoshi taateenaꞌo neech maddemminaꞌone. Ta kaaroona neen yexxeto taane; tunebaani and neech ariqqemmo taane.

Isiyaasi 60:16

Bushiishoo xanon xamoommon, aageteenaꞌonaa taateenaꞌonochi gaannoon xammemmi neene; Doono Yeeri ta, Yaaqobi goyinneebeeti Giidechi Nuggishoo, neen Wodiyechonaa neen Biishechona ta tunoon ariyemmi neene.

Isiyaasi 60:3

Aageteenaꞌo ne bekkooch, taateenaꞌo ne haree gaargaarooch woyemminaꞌone.

Isiyaasi 66:23

Agenee keyoochee agenee keyooch, shambetoochee shambetooch, asho bulli taach goyinnoyich ta aafooch woyemmone” iye Doono Yeeri.

Zakaariyaasi 11:8

Ikke agenee daggooch keejje qiddeenaꞌon yookkeho. Boonoshiyoo taan shixxiyeete; tawoo boonoshin sheeneho.

Maatiyoosi 20:28

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheebeete iꞌi waataanoone” iye.

Maatiyoosi 26:67

Arooba bi aafooch cuddiyeete; biinoo tukeheete; bareenaꞌo wotta tappeebee,

Luqaasi 22:27

Madooch kotee beetonaa wochee beetonoochee konine oogoo? Madooch koteebeeto toone? Tunebaani ta ittoshi daggoochee wochee bushoommo taane.

Luqaasi 23:18

Tunebaani boonoshi bulli ikkooch “Hini uroon no aafoochee wokkiibe! Barbaanin nooch biishe!” iibee cookiyeete.

Luqaasi 23:23

Tunebaani Yesuusin bi yooddiyemmoyich manjiiꞌi, “Yoode! Yoode!” iibee boonoshi qaaroon oogichiꞌi cookiyeete. Boonoshi cookee naboona Phelaaxoosichi mullo doojjiye.

Luqaasi 23:35

Aroochaa meeti asheenaꞌo neexeꞌi ciinnii beeheete. Ayihudee nallechinaꞌo wotta “Bareenaꞌon wodiihe; eke Yeeri kacciti Kiristoosi bi gaata, bi qelloon wodiibe” iibee cooqqiriyeete.

Yowannisi 18:40

Boonoshiyoo wochiꞌi, “Barbaani biicheballi, hini uro biichaaye” iibee cookeeheete; ebi Barbaani bokkoone.

Yowannisi 19:15

Tunetaa boonoshi “Wokkiibe! Wokkiibe! Yoode!” iibee cookeeheete. Phelaaxoosi “Ittoshi taatoon yoodote?” iye. Qeeshee ukkireenaꞌo “Qesaariyee damba bare taatoo nooch aalloone” iꞌi wochiyeete.

Yowannisi 19:6

Qeeshee ukkireenaꞌonaa yaafee kechi kellechinaꞌona beeggiꞌi, “Yoode! Yoode!” iibee cookeeheete. Phelaaxoosiyoo “Ittoshi daamiree yoodote; bi toommooch ta nallemmi amee gondoonona daneyaano taane” iye.

1 Qorontoosi 1:9

Bi Bushoo no Doono Yesuus Kiristoosina tookki ikkittino ittoshich bi beeyemmoyich, ittoshin ceeggiti Yeeri ebin ceechoyich gibeneetone.

Yibbaatoo 7:9

Ebich ne Nuggishoo Doono Yeeri baach Nuggishoo bi tunoon, gibeneeti Nuggishoo bi tunoonoo batteyaahine. Biin shunnii beetinaꞌonaa bi getoon quyee beetinaꞌonoyich hume shiijjerooch beddaahaa, bi wogoon ceechemmone; kuxeyaani bi shunoonoo bekkiyemmone.

1 Pheexiroosi 2:4

Ashi waanaa hoxetaa duppeti, tunetaa Yeer waanaa kaacheti kashechi aaxxe xaqqoommi Yesuus Kiristoos waan giddemmo ittoshine.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye: