Isiyaasi 49:23 - Kafa Linguistics Project

²³ Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.

Isiyaasi 49:23 ပူးပေါင်းရင်းမြစ်များ

Halloo 27:29

Aageteenaꞌo neech hajjeebeete; aagetee asheenaꞌo neech goyinnebeete. Ne maneenaꞌo toommooch doonon tunebe. Ne indee shiyetinaꞌo neech yiti goyinnebeete. Neen uppimmo koniyoona uppeto tunebe; neen diirimmo koniyoona diireeto tunebe” iye.

Halloo 43:26

Yooseefi kexooch giyimmona, deebii bi kexooch boonoshi giijjiti mattaayoon immiyeete; showooch guufee biich goyinneheete.

Shoddo 138:4

Doono Yeero, ne qaaroon boonoshi waayetoyich, showee toommooch beeti taateenaꞌo bulli neen galletebeete.

Shoddo 25:3

Neen gibenee beetinaꞌo yeelleyaachemminaꞌone; baad cikkii dawushii beetinaꞌo yeellemminaꞌone.

Shoddo 34:22

Doono Yeeri, bi guuninaꞌochi kashoon biishehe; bi shoobooch giyito toommooch nalleyaachemmone.

Shoddo 68:31

Iraasheenaꞌo Gibitsee woyemminaꞌone; Topphiyee bi kishoon Yeer waan yaggemmine.

Shoddo 69:6

Beshe Hakkechi Nuggishoo Doono Yeero, neen gibenee beetinaꞌo ta naboona yeellayeete; Israꞌeelee Nuggishoo Yeero, neen qaawii beetinaꞌo ta naboona cooneyaayeete.

Keyo 6:7

Ittoshin ta maccoo tuniyemmo taane; ittoshichoo Nuggishoon tunemmo taane. Gibitseenaꞌochi guuchittinee waanjoochee ittoshin kichiti, ittoshi Nuggishoo Doono Yeeri ta tunoon ariyemmo ittoshine.

Isiyaasi 14:1

Doono Yeeri Yaaqobich ariqqemmone; Israꞌeelinoo wochinnoon kaaccemmone; boonoshi hajjee showooch boonoshi beeyemmoyich tuniyemmone. Shiqqeenaꞌo boonoshi waan waaree, Yaaqobichi yareenaꞌona tookki ikkottemminaꞌone.

Isiyaasi 14:2

Meeti aageteenaꞌo Israꞌeeleenaꞌon boonoshi showooch deeni daammemminaꞌone; Israꞌeelee yareenaꞌo aageteenaꞌon Doono Yeerichi showoochaa guunonaa gonneenon tuniiree hajjemminaꞌone; boonoshin keccitinaꞌon keccemminaꞌone; neexxii hajjitinaꞌon hajjemminaꞌone.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Isiyaasi 26:8

Doono Yeero, ne sheeroon quyoona neen gibenehone; no mullee qaatoo, ne shigoon aricheto tuniyoone.

Isiyaasi 29:22

Ebich Abrahamin biishee wodiiti Doono Yeeri Yaaqobichi yareenaꞌochon ishichii beetone: “Yaaqobi ebiyee bekk yeelleyaachemmone; yeelleree ceelleyaachemmone.

Isiyaasi 41:20

Ebiyoo, ebin tuniito Doono Yeerichi mochoo bi tunoon, Israꞌeelee Yaafoo ebin bi halloon, asheenaꞌo bulli ciini ariyemmoyich, gabi boonoshi shalligemmoyichiye” iye.

Isiyaasi 43:10

“Nuggishoo ta tunoon shalligiree, taan ittoshi ariyemmonaa ittoshi gibenemmonoyich, ta kaacceti ta guuno, ta miixoo ittoshine” iye Doono Yeeri. “Tayee aaf nuggishoo aalloone; tayee gubboo beetaachemmone.

Isiyaasi 45:14

Doono Yeeri ishichiye: “Gibitsee gaanno, Topphiyee giixee qiicoo ittoshicho tunemmone; neexi genje Saabee asheenaꞌo ne waan waaree, neech hajjeyemminaꞌone; sansalatoona cuyaa waaree neen dabbemminaꞌone; neen qollebee neech goyinneree: ‘Yeeri beeto neenna tookkiiniye; biyee bare nuggishoo aalloone’ gettemminaꞌone” iye.

Isiyaasi 45:17

Tunebaani Doono Yeeri, bulli yemeenee wodoon, Israꞌeeleenaꞌon wodiyemmone; ittoshiyoo bulli yemeenoon yeelleyaachemmo ittoshine; giisheyaachemmo ittoshine.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Isiyaasi 50:7

Nuggishoo Doono Yeeri taan gaachee bi beetoyich, cooneyaachemmo taane; ebich, ta aafoon xaqqo kupphoommon kupphiyemmo taane; yeelleyaachemmo ta tunoon ariyaabeeto taane.

Isiyaasi 52:15

Boonoshich getteyaanoon beeggemminaꞌo boonoshi tunetoyich, boonoshi waayeyaanoon shalligemminaꞌo boonoshi tunetoyich, bi naboona meeti aageteenaꞌo worganemminaꞌone; taateenaꞌo bi naboona worganemminaꞌone” iye.

Isiyaasi 52:6

“Ebiyooba ta asheenaꞌo ta shigoon, ebin gettaabeeto ta tunoonoo ariyemminaꞌone; ebin gettaabeeto taane” iye.

Isiyaasi 60:14

Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.

Isiyaasi 60:16

Bushiishoo xanon xamoommon, aageteenaꞌonaa taateenaꞌonochi gaannoon xammemmi neene; Doono Yeeri ta, Yaaqobi goyinneebeeti Giidechi Nuggishoo, neen Wodiyechonaa neen Biishechona ta tunoon ariyemmi neene.

Isiyaasi 60:3

Aageteenaꞌo ne bekkooch, taateenaꞌo ne haree gaargaarooch woyemminaꞌone.

Isiyaasi 62:2

Aageteenaꞌo ne cadiqoon, taateenaꞌo bulli ne oogoon, beeggemminaꞌone; Doono Yeeri neen shigiyemmi, andire shigoona ceekkemmi neene.

Isiyaasi 64:4

Wonnee tiijjiꞌi, neen gibenee beetinaꞌoyich ne tuniiti ebiyoommi mooyon tuniiti nuggishoo, neyee besh baroo waayeyaanoone; bi waamona waayeto, bi aafoonoo beeggito aalloone.

Hiziqeeli 37:6

Maqqoonaa meenonon ittoshich imiree achee gooqqoona qeremmo taane; ittoshi kashooch kashee hiinnoon giijjemmo taane; kashoonoo beeyemmo ittoshine; ta, Doono Yeeri ta tunoon ariyemmo ittoshine’ gete” iye.

Yoꞌeeli 2:27

Israꞌeelee asho ittoshi daggooch ta beemon, Doono Yeeri ta, ittoshi Nuggishoo ta tunoon, tayee bare nuggishoo aallo bi tunoon, ariyemmo ittoshine. Ta asheenaꞌo ciroona wochinnoon yeelleyaachemminaꞌone” iye.

Mikiyaasi 7:17

Dingeroochoommon, showoona yuummiibeeti mooyinaꞌochoommonoo buttoon baaxxemminaꞌone. Qewebee boonoshi mishigoochee keyi woyemminaꞌone. Shatona no Nuggishoo Doono Yeeri ne waan wottemminaꞌone; neenoo shati beeyemminaꞌone.

Haddoo 11:12

Dichindee bushoon tiqqoommon ta sheenooch tiqqeree, boonoshi qaabbechinaꞌoyich wogaꞌa ne gibenikkiti showooch ta giijjemmoyich ne gettaabeeto, iberoochaa eboshi bullin taane yeqqefeto? Boonoshi bullin taane shiyeto?

Maatiyoosi 25:16

Uuche makilitoon deqqito daammii giixeꞌi bare uuche makilitoon shiijjiye.

Roomi 10:11

Yaafe Macaafo “Bi toommooch mulloon tooꞌiimmo koniyoona yeelleyaachemmone” itone.

Roomi 5:5

Nooch icheti Yaafe Ayaanoona Yeeri bi shunoon no mullooch bi ceechitoyich hini gibeno noon yeelliyaache.

1 Pheexiroosi 2:6

“Yeeri ‘Ebiyoche, kexon deggii neechiibeeti, giimbee guummoommon tuniiꞌa ta kaacceti, taach aaxxoo tuneti xaqqoon Tsiyoon kotiyemmo taane; bi toommooch mulloon tooꞌiibeeto yeelleyaachemmone’ itone” getaa Yaafe Macaafooch kooreetone.

Yaaꞌoo 3:9

Ayihudo tuneyaanoon, ‘Ayihudo noone’ iꞌi koottiibeeti, Sheexaanoyich maddeebeeti guuphoochee tunetinaꞌon ne baatooch waaree boonoshi dihemmoyich tuniyemmo taane; ebinoo neen ta shunon ariyemminaꞌone.