Isiyaasi 49:18 - Kafa Linguistics Project

¹⁸ Ne aafoon kaachiree, ne guudoona ciine; ne bushiisheenaꞌo kiceeree ne waan woyemminaꞌone. Doono Yeeri ta, beeyecho ta tunoona wogehoye; eboshi bullin shashoochoommon shashemmi neene; woꞌechoommon tahemmi neene.

Isiyaasi 49:18 ပူးပေါင်းရင်းမြစ်များ

Halloo 13:14

Looxi Abraamiyee bi baritoyee gubb, Doono Yeeri Abraamich ishichiye: “Ne beeti xaaꞌooch neexeechi, ne aafoon kaachiree aabi-keyonaa aabi-gimonooch, dambi-waaninaa deshi-waaninooch ciine.

Halloo 22:16

ishichiye: “Doono Yeeri ta ishichaꞌa taanna wogaabeeto taane: Ebi mooyon ne tuniitoyich, ne bushoon, ikke mixxe ne bushoon, taach woonaano ne tunetoyich,

Shaahiyoo 17:6

Geeneenaꞌoyich, bushaa bushiisheenaꞌo gubbichoomminaꞌone; bushiisheenaꞌoyichoo boonoshi niheenaꞌo oogee yiireenaꞌone.

Isiyaasi 45:23

Cadiqe ta noonoochee qaaro kechitone; ebiyoo shaddeyaachemmone; ‘Gutenoo bulli taach goyinnemmone; heciyoo bulli taanna wogemmone’ iyaꞌa, ta qelloona wogeto taane.

Isiyaasi 49:12

Ta asheenaꞌo wohi showoochee, eboshiyoo dambi-waaninaa aabi-gimonoochee, wotta eboshiyoo Aswaanee woyemminaꞌone” iye.

Isiyaasi 49:22

Nuggishoo Doono Yeeri ishichiye: “Aageteenaꞌon kappemmo taane; asheenaꞌo waanoo ta malletoon wochemmo taane; ittoshi anaami bushiisheenaꞌon boonoshi shoopphooch tiqqe, ittoshi maache bushiisheenaꞌon boonoshi gogooch shaagi, deebemminaꞌone.

Isiyaasi 52:1

Tsiyoone, tibe, tibe! Giidoon tahoochoommon tahebe. Yaafeeti katemee Yerusaaleme, kitte ne tahoon tahebe. Ebiyee bekk dokireyaanoonaa eeꞌoona, ne waan giyaachemmone.

Isiyaasi 54:7

“Giisheche aaboon neen duppeto taane; tunebaani oogeti ariqqoona neen wochi deebemmo taane.

Isiyaasi 54:9

“Ebi taach Noohi yemeenoommone; Noohi yemeenooba aaco wochinnoon showoon bi yexaachemmoyich, ta wogoommon, neen kaare ta noggeyaachemmoyich wogeto taane.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Isiyaasi 66:20

Doono Yeerich giddeebeeti buuroochoommon, ittoshi maneenaꞌon aagetoo bulliichee, haresheenaꞌona, baribare gaarinaꞌona, bicereenaꞌona, gaaleenaꞌona, yaafeeti ta guudo Yerusaalem deebemminaꞌone. Ebiyoo Israꞌeeleenaꞌo maayi buuroon xalle qiicoona Doono Yeeri taach yaafee kexooch boonoshi deeboommoniye” iye Doono Yeeri.

Erimiyaasi 2:32

Gidiidee bi shashoon, woꞌee bi tahoon battehane? Tunebaani meeti aaboon ta asho taan battetone.

Erimiyaasi 31:8

Dambi-waani showoochee boonoshin deebemmo taane; showee daaroochee boonoshin kicemmo taane; boonoshi daggooch wolloonaa baata sheqqoona, yeqqefechinaa maaxoo manjaa beetina, beeyemminaꞌone; ooge maccoo tuneree hiniich wottemminaꞌone.

Erimiyaasi 43:12

Biyoo Gibitsee nuggisheenaꞌo kexinaꞌooch qaaqqoon tuchemmone; michemmone; boonoshi nuggisheenaꞌon keci daammemmone; qiddoo daroon bi xappoommon Gibitsee showoon biichooch daakkemmone; boonoshi waanee diggoona kechemmone.

Hiziqeeli 33:11

‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.

Haddoo 14:21

Tunebaani, ta beeyecho ta tunetoyich, iberoon showoo bulli Doono Yeeri ta oogee yiiroona ceennito bi tunetoyich,

Yowannisi 4:35

Ittoshi ‘Batt maayi qecoyich awudde ageno echete’ ii beetaachote? Ittoshich gettoye: Gocheti maayoon manjii ciinote; maayo qecceya bedditone.

Yaaꞌoo 21:2

Yaafe katemee, andire Yerusaalemi, kenooch hamma macecikkiti tahoon tahaa qannaa tiyeti woꞌeen shaahaꞌa shimaajj beeti Yeer waanee bi kindaa beetaa beeggeho.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.