Isiyaasi 48:20 - Kafa Linguistics Project

²⁰ Baabloonee keyote; Kalidee showoochee gooyote; “Doono Yeeri bi guuno Yaaqobin biishetone” geti, ililoona showee toommo bulliich awaajjibote.

Isiyaasi 48:20 ပူးပေါင်းရင်းမြစ်များ

2 Saameeli 7:23

Ne hajjee asheenaꞌon tuniyoyich guuchittinoochee ne biisheti Israꞌeeleenaꞌoommi asho showee toommooch aalloone. Boonoshich ne tuniiti, oogeti, worganikkiti mooyona ne shigo showee toommo bulliich arichetone. Ne hajjee asheenaꞌo boonoshi tunemmoyich, Gibitsee ne biisheti asheenaꞌo aaf boonoshi hammimmona, bare asheenaꞌonaa boonoshi nuggisheenaꞌonon boonoshi aafoochee gashaa kichihine.

Iziri 2:1

Baabloonee taatoo Nabukadinatsori Baabloon keccii bi daammiti asheenaꞌoochee Yerusaaleminaa Yihudee showooch beeti boonoshi katemi katemoonooch wotteti asheenaꞌo eboshine:

Shoddo 126:1

Doono Yeeri, kecoochee Yerusaalem noon wochii bi deebiyooba gumonalli iberoon nooch shaahaanoone.

Isiyaasi 12:1

Arooba ishichemmo neene: “Doono Yeero, neen galletehoye; taan ne kaaretaanona, and ne kaaroochee wotteto neene; taanoo goggiito neene.

Isiyaasi 12:4

Arooba ishichemmo ittoshine: “Doono Yeerin galletebote; bi shigoonoo ceegote; bi tuniitonoo aageteenaꞌo daggooch arichiibote; bi shigo oogeto bi tunoon awaajjibote.

Isiyaasi 24:14

Aalloochee muriccii woditinaꞌo emiroona ililemminaꞌone; aabi-gimo waan beetinaꞌo bulli Doono Yeerich oogoon immemminaꞌone.

Isiyaasi 26:1

Arooba ebi shoddo Yihudee showoochaa ishichaa shoddeyemmone: “Mishigechi katemoo nooch beetone; Yeerichi wodiyoo, xaqqee uxeroonaa mishigoonon nooch tunetone.

Isiyaasi 42:10

Doono Yeerich andire shoddoon shoddebote; bi galletoon showee toommo bulliichaa shoddebote. Baharee toommona shaꞌee beetinaꞌo bulli, baharee daggooch beeti halleenaꞌo bulli, galletebote. Baharee gashooch, buure showoonaa arooch beetinaꞌonote, shoddebote.

Isiyaasi 43:1

Yaaqobo, Israꞌeelo, neen halliti, Doono Yeeri and ishichii beetone: “Neen biisheto taane; shattaahine; ne shigoona neen ceeggeto taane; ne taacho neene.

Isiyaasi 44:22

Ne axaaxoon quboochoommon, ne xuꞌoon quboochoommon, shoterekkayiree aalliyemmo taane; neen ta biishetoyich ta waan wottebe” iye.

Isiyaasi 48:6

Ta getteton waayeto ittoshine; bi ceenon beeggito ittoshine. And ebin iberiyaachote? “Illa and, ittoshi ariyaani aacheeti mooyon, ittoshi waayemmoyich tuniyemmo taane.

Isiyaasi 49:13

Doono Yeeri bi asheenaꞌon goggiyemmo bi tunetoyich, iritechinaꞌoyichoo ariqqemmo bi tunetoyich, shimaayoocho, emiroona shoddebe; showeene, emiribe; guudinaꞌote, ililibote.

Isiyaasi 51:14

Cucheꞌi goobetinaꞌo biichemminaꞌone; qitiree maash hamaachemminaꞌone; koshonoo mucceyaachemminaꞌone.

Isiyaasi 52:10

Doono Yeeri yaafe bi mochoon, aageteenaꞌo bullich bekkiyemmone; showee tuggeenaꞌo no Nuggishoochi wodiyoon beeggemminaꞌone.

Isiyaasi 52:11

Doono Yeerichi yaafee kechi qiiceenaꞌon shaaggii beetinaꞌote, Baabloonee keyote; bi waanee baribote! Eeꞌe mooyon yechaahote. Aroochee keyiree ittoshi qelloon xalliibote.

Isiyaasi 52:9

Yerusaalemi buriceenaꞌote, Doono Yeeri bi asheenaꞌon bi goggiitoyich, Yerusaalemin bi biishetoyich, ikkittinoona emiroona shoddebote.

Isiyaasi 62:11

Doono Yeeri showee toommo bulliich ishichiꞌi awaajjitone; “ ‘Ittoshin Wodiyecho waa beetone; bi wojjoo bi kishoochiye; bi qoccemmi gatiyoo bi aafooch beetone’ getiree, Tsiyooni maache busheyich getote” iye.

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Erimiyaasi 31:10

“Aageteenaꞌote, Doono Yeerichi qaaroon waayebote; wohooch beeti baharee gashoonaa buure showeenaꞌonoyichoo ‘Israꞌeeleenaꞌon shaccito wochi kicemmone; qiddeenaꞌo boonoshi gijjoon boonoshi qiddoommon boonoshin qiddemmone’ getote.

Erimiyaasi 31:11

Doono Yeeri Yaaqobin biishetone; biyee beshe kuppheenaꞌo kishoochee wodiitone.

Erimiyaasi 31:21

“Ne gommooch malletoon gede; malletemmi xaqqee giimboon neechibe; ne hammeti gommon, qaxxee kaattoon, gaawichi ciine. Gidiideyoommi Israꞌeele, wottebe; ebi ne katemeenaꞌooch wottebe.

Erimiyaasi 50:2

“Aageteenaꞌo daggooch getote! Awaajjibote, baanderoon tiijji awaajjibote! Aachiyaahote, ishichibote: ‘Baabloonee showoo yechetone; Beeli yeelletone; Merodaaki keqqitone; bi misileenaꞌo yeelletinaꞌone; bi shahalleenaꞌo keqqiteete’ getote.

Erimiyaasi 50:28

No Nuggishoo Doono Yeerichi nichoon gaacon, bi yaafee kechi nichoon bi kichoon Tsiyooni katemooch getoyich, Baabloonee showoochee muriccii xuupphitinaꞌochi qaaroon waayebote!

Erimiyaasi 50:8

“Baabloonee asheenaꞌo daggoochee xuuphi keyote! Kalideenaꞌo showoochee hambote; emmisheenaꞌo aafooch shiichiibeeti emmishee baaddeenaꞌoommon tunebote!

Erimiyaasi 51:45

“Ta asheenaꞌote, bi daggoochee keyote; Doono Yeerichi kaaree shiixxoochee ittoshi qelloon wodiibote.

Erimiyaasi 51:48

Aalliyechinaꞌo biin koyoyich dambi-waanee woyemminaꞌo boonoshi tunetoyich, shimaayoonaa showoona, bi daggooch beeto bulli Baablooni toommooch ililemminaꞌone” iye Doono Yeeri.

Erimiyaasi 51:6

“Baablooni daggoochee keyi aallebote; ittoshi ikkikkoona ittoshi kashoon wodiibote; bi xuꞌee naboona aalleyaahote; hini Doono Yeerichi nichoon gaacci aaboone; bi kaalloon biich wochemmone.

Zakaariyaasi 10:8

Boonoshin shennoona ceegiree, kicemmo taane; boonoshin biishemmo taane; ebiyee aafichoommon, meettemminaꞌone.

Zakaariyaasi 2:10

Doono Yeeri ishichiye: “Yerusaalemi asheenaꞌote, ta, waaree ittoshi daggooch beeyemmo ta tunetoyich shoddebote; emirishoo getote” iye.

Yibbaatoo 30:4

Showee tuggooch beddaahaa ne shacetaanona, ne Nuggishoo Doono Yeeri ebi aroochee neen kicemmone; aroochee neen deebemmone.

Yaaꞌoo 18:20

Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.

Yaaꞌoo 18:4

Aroochee daakkiꞌi ishichiibeeti bare qaaroon shimaayoochee waayeho: “Ta macceenaꞌote! Bi axaaxee daggooch ittoshi bacceyaachemmoyich, bi toommooch kindemmi naxoo ittoshin bi xaaqqaachemmoyich, bi waanee bari keyote!