Isiyaasi 48:19 - Kafa Linguistics Project

¹⁹ Ne shiijjeroo haddaa ciireyaani, baharee gasheexi qacoommon tuneshone; boonoshi shigo ciroona ta aafoochee, kuxeree aalleyaacheshone” iye.

Isiyaasi 48:19 ပူးပေါင်းရင်းမြစ်များ

Halloo 13:16

Ne shiijjereenaꞌonoo showee toommeexi qacoochoommon meechemmo taane. Koniyoona showee toommeexi qacoon haddii ciichoon hakkaanoone. Ebiyoommon ne shiijjereenaꞌo haddaa ciyaaneenaꞌo tunemminaꞌone.

Halloo 22:17

iberoon neen diiremmo taane; ne shiijjereenaꞌonoo shimaajji xojjenoochoommon, baharee gasheexi qacoochoommonoo meechemmo taane. Ne shiijjereenaꞌo boonoshi etteenaꞌochi katemeenaꞌon koyi yeshiree hajjemminaꞌone.

1 Taateenaꞌo 9:7

Israꞌeeleenaꞌon boonoshich ta immeti showoochee aalliyemmo taane; ta shigo arooch bi beeyemmoyich ta yaafiti, hini yaafee kexon duppemmo taane; Israꞌeeleenaꞌo asho bulli daggooch cooqqiree tocheyemminaꞌone.

Iyoobi 5:25

Ne shiijjeroo meettemmone; ne yoodo mocee waamo woddoommon woddemmone.

Shoddo 109:13

Bi maanoo dooge; ikke shiijjeroyee gubb bi shigo hideebe.

Shoddo 9:5

Aageteenaꞌon kaarehine; gondeenaꞌon aalliihine; boonoshi shigo bulli yemeenoon batteyemmoyich tuniihine.

Isiyaasi 10:22

Israꞌeeleenaꞌo baharee gasheexi qacoommon boonoshi woddetaanona cureenaꞌo baach wottemminaꞌone. Doono Yeeri boonoshich aalloon maaccitone; boonoshich tun bede kupphe aallo boonoshich qannitone.

Isiyaasi 14:22

“Boonoshi toommooch tiyemmo taane” iye Beshe Mawe Doono Yeeri. “Bi shigoonaa bi curoonon, bi yaroonaa bi shiijjeroonon Baabloonee kuxxemmo taane” iye Doono Yeeri.

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Isiyaasi 44:4

Aacon gaawichii uchiti mocoochoommon, aachi gashooch beeti mixochoommon, uummemminaꞌone.

Isiyaasi 48:9

Ta shigoyicha geti ta kaaroon yagiyemmo taane; ta galletoyicha geti ittoshin aalliyoon qayiree, tooqqemmo taane.

Isiyaasi 54:3

Yoochinaa qanninooch ne gidoon gamichemmi neene; ne yareenaꞌo aageteenaꞌon woraashemminaꞌone; happeeti katemeenaꞌoochoo wochinnoon kotemminaꞌone.

Isiyaasi 56:5

ta kexonaa ta uxeree daggoonoochee anaami bushiishoonaa maache bushiishoonoyee beshe shalligeyoonaa shigoonon boonoshich immemmo taane; bulli aabooch batteyaani shigoon boonoshich immemmo taane” iye.

Isiyaasi 66:22

“Ta hallemmi andire showoonaa andire shimaayoona ta aafooch manjiree beeyemmo bi tunoommon, ittoshi yaroonaa ittoshi shigoona manjiree beeyemmone.

Isiyaasi 9:14

Ebich Doono Yeeri qelloonaa ceeroonon, yeebbee waamonaa kohoonon Israꞌeeleenaꞌo waanee ikke areddoon kuxxemmone.

Erimiyaasi 33:22

Ta guuno Daawitichi yaroonaa taach maddeebeeti Leweenaꞌo tuneti qeesheenaꞌonon haddaa hakkeyaani xojjenoomminaꞌonaa qeellee hakkeyaani baharee gasheexi qacoomminaꞌonon tuniyemmo taane” iye.

Hosee'i 1:10

“Israꞌeeleenaꞌo haddaa woyee qeelletaa ciyaani baharee gasheexi qacoochoommon meettemminaꞌone. ‘Ta asho toono ittoshine’ boonoshi getteeti ebi xaaꞌoochaa ‘Beeyechi Nuggishoo Yeerichi bushiisheenaꞌo’ getteyemminaꞌone.

Sofoniyaasi 1:4

“Yerusaalemi asheenaꞌonaa Yihudee asheenaꞌo bullinoyich ta mochoon bekkiyemmo taane. Baꞌaaloyich goyinneebeeti asheenaꞌon curooch beddaahaa aalliyemmo taane; ebi nuggishoyich maddeebeeti qeesheenaꞌon ta aalliitaa boonoshi shigo batteyemmone.

Roomi 9:27

Keemechi Isiyaasi bi macaafoochaa “Israꞌeeleenaꞌo baharee gasheexi qacoommon boonoshi woddeteenona, giishecheenaꞌo baach wodemminaꞌone.

Yibbaatoo 9:14

Ne qayaa boonoshin hidi aalliibona; boonoshi shigoonoo showee toommoochee aalliibona. Neennaa ne shiijjeroonon boonoshiyee beshe meetonaa giidechona tuneti aagetoon tuniyemmo taane’ iye.

Yaasi 7:9

Kanaaneenaꞌonaa hini showee daggeexi asheenaꞌo bullina ishin waayeree noon giichemminaꞌone; noon wuxi aalliyemminaꞌone. Illa ooge ne shigoyicha getiree amooniye ne tuniyemmo?” iye.

Ruuti 4:10

Wotta qititi Mahilooni mechee, Moꞌabee showoochee waati Ruutin woraashito taane. Ebiyoo Mahiloonichi shigo bi maneenaꞌonaa bi showee daggoonooch bi aalleyaachemmoyich, bi hajjiti showee toommoochoo aricheree bi beeyemmoyichiye. Ebi mooyoyich hanaach miixoo ittoshine” iye.