Isiyaasi 48:18 - Kafa Linguistics Project

¹⁸ Ta geteenaꞌon ne waayeto gaata, ne diggoo tahaani aacoommon, ne cadiqittinoo baharee aachi aayoommon tuneshone.

Isiyaasi 48:18 ပူးပေါင်းရင်းမြစ်များ

Shoddo 119:165

Ne sheeroon shunnii beetinaꞌoyich ooge diggoo beetone; boonoshin tephemmi amee mooyolla aalloone.

Shoddo 36:8

Ne kexeexi beshaa beshe maayoochee gifiroon maaheete; emirikkiibeeti ne aacoochee boonoshi uchemmoyich tuniihine.

Isiyaasi 33:21

Ebi aroochaa, Doono Yeeri ogooge aacinaꞌonaa aachi xuupheenaꞌonoommon tuneree, bi oogee yiiroona noonna tookki beeyemmone; no etteenaꞌochi markabeenaꞌo aree toommona tegaachemminaꞌone.

Isiyaasi 42:24

Yaaqobin boggoyich, Israꞌeelin bokkoyich beshii immito konine? Ebin tuniito Doono Yeeri toone? Ebiyoo, axaaxoon no shuunetoyich, bi daaggoona hamon no qajjetoyich, bi sheeroyichoo deꞌa geto no qajjetoyichiye.

Isiyaasi 45:8

“Shimaayeenaꞌote, cadiqoon dambee kindiibote; gumeenaꞌo amiyochoommon dichibeete; showoo qecheebe; wodoonaa cadiqoona collebe; Doono Yeeri ta ebin hallito taane.

Isiyaasi 54:13

Ne bushiisheenaꞌo Doono Yeer waanee doyitinaꞌon tunemminaꞌone; ne bushiisheenaꞌochi diggoo woddemmone.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Isiyaasi 61:11

Showee maayoon bi colliyoommon, bechee budo arooch shookkeeton bi kophiiyoommon, Nuggishoo Doono Yeeri cadiqoonaa galletoonon, aageteenaꞌo bulli aafooch colliyemmone.

Isiyaasi 62:1

Bi cadiqittino haree bekkoochoommon, bi wodoo gippee aaxxoochoommon, bi bekkammi wottoon, Tsiyoonichon cikkaache; Yerusaalemichonoo kasheyaache.

Isiyaasi 66:12

Doono Yeeri ishichiye: “Diggoon woce aacochoommon biich woddiyemmo taane; aageteenaꞌo gaannoonoo ceeni aacochoommon bi waan wochemmo taane; aroochee xammemmo ittoshine; bi sheenooch tiqqeyemmo ittoshine; bi doshee toommoochaa capphemmo ittoshine.

Hosee'i 10:12

Ittoshi qellich cadiqoon shoohote; shoodeyee aafoon qecote; gocheyaani showoon goyote. Ebiyoo ta waaꞌa cadiqoon ittoshi toommooch amiyochoommon ta dichimmi wottoon Doono Yeeri ta waan ittoshi wottemmi aabo bi tunetoyichiye.

Amootsi 5:24

Ebiyee, dayinneto aachi xuuphoochoommon, cadiqoo tahaani aacochoommon ufebe!

Maatiyoosi 23:37

Daakkiꞌi Yesuusi ishichiye: “Hini Yerusaalemi asheenaꞌote! Keemechinaꞌon wuxii beetinaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin ikkooch kicoyich ambiche wottoon shunnetote! Tunetaa ittoshi qaawaano ittoshine.

Roomi 14:17

Ebiyoo Yeerichi taatittino cadiqoonaa diggoona, Yaafe Ayaanoochee tuneti emiroonalli, maayoonaa uyoonochi mooyo tuno bi qajjitoyichiye.

Yibbaatoo 32:29

Shalligechinaꞌo gaata, ebin shalligeshinaꞌone; boonoshi ciiro amo bi tunemmo gaata gabeshinaꞌone.

Yibbaatoo 5:29

Boonoshinaa boonoshi shiijjereenaꞌonoyich bulli yemeenoon mooyo bulli kaamemmoyich, taan boonoshi shattemmonaa bulli aaboon ta getoon boonoshi quyemmonoyich, ebiyoommi gaboo bulli aaboon abo boonoshichoo beeba!