Isiyaasi 48:1 - Kafa Linguistics Project

¹ “Yaaqobichi yareenaꞌote, Israꞌeelichi shigoona ceekketinaꞌote, Yihudi yaroochee shiijjetinaꞌote, Doono Yeerichi shigoona wogee beetinaꞌote, iberoona woyee cadiqoona tuneyaanoon Israꞌeelee Nuggishoon ceeggii beetinaꞌote, waayebote.

Isiyaasi 48:1 ပူးပေါင်းရင်းမြစ်များ

Halloo 32:28

Uroo “Ebiyee bekk ne shigo Yaaqobi getteyaaye; Yeerinoo ashoonoo qiiccaꞌa ne wochitoyich, ne shigo Israꞌeeli getteebe” iye.

Halloo 35:10

Yeeriyoo Yaaqobin “Ne shigo Yaaqobine. Tunebaani ebiyee bekk ne shigo, Israꞌeeli getteebani, Yaaqobi getaa ceekkaye” iye. Ebich bi shigoon, Israꞌeeli ii shigiihe.

2 Taateenaꞌo 17:34

Hanaach beddaahaa aafi boonoshi doyoommon tunii beetinaꞌone. Doono Yeerich goyinneyaaneenaꞌone. Israꞌeeli iꞌi Doono Yeeri shigiiti Yaaqobichi yareenaꞌoyich bi gettiti qociyoon, doyoon, sheeroonaa getoonon dabbaaneenaꞌone.

2 Taateenaꞌo 5:20

Yeer asho Elisayichi aafee bushoo Giyaazi, “Ta doono ebi Sooriyee asho Naꞌimaanin maariye. Bi deebiti mooyoochee amoonolla deꞌaanoone. Beeyechi Doono Yeeri beege; bi hillooch woci hamiree, bi waanee ikke mooyon deqqemmo taane” iꞌi gabiye.

Shoddo 63:11

Tunebaani taatoo, Yeerina emiremmone; Yeerichi shigoona wogee beetinaꞌo Yeerin oogiyemminaꞌone; kootoon koottiibeeti noonoo hichemmone.

Shoddo 66:3

Yeerin “Ne shuunoo am shaahoon worganikkitone! Ne hakkoo oogeto bi tunetoyich, ne etteenaꞌo ne aafooch waagwaagiyemminaꞌone.

Shoddo 68:26

Boonoshiyoo, “Ooge iitee daggoochaa Yeerin galletebote; Israꞌeelichi shiijjereenaꞌote, Doono Yeerin galletebote” gettemminaꞌone.

Shoddo 68:27

Haddoona giishecho tuneti Biiniyaami yoodo shiichiye; arooch Yihudee iraasheenaꞌo, Zebulooninaa Nifitaalinochi iraasheenaꞌoo beetinaꞌone.

Keyo 23:13

“Ta getteto bullin manjiiree quyebe. Bare nuggisheenaꞌo waan corootiyaahine. Boonoshi shigoonona ceeggaahine.

Shaahiyoo 5:16

Ne tuneenaꞌo gaddooch, ne aacinaꞌo addibaabooch ufo qaawiyaache.

Isiyaasi 26:13

No Nuggishoo Doono Yeero, neyee bare dooninaꞌo noon hajjitinaꞌone; tunebaani no, ne shigoon baach oogiihone.

Isiyaasi 44:5

Ikkoo ‘Ta, Doono Yeericho taane’ gettemmone; baroo Yaaqobichi shigoona ceekkemmone; baroo wotta ‘Doono Yeericho’ geti bi kishooch kooremmone; Israꞌeeli shigoona shigemmone” iye.

Isiyaasi 45:23

Cadiqe ta noonoochee qaaro kechitone; ebiyoo shaddeyaachemmone; ‘Gutenoo bulli taach goyinnemmone; heciyoo bulli taanna wogemmone’ iyaꞌa, ta qelloona wogeto taane.

Isiyaasi 46:12

“Iberoochee wokkiti babbereenaꞌote, ta waanee waayebote.

Isiyaasi 51:1

Doono Yeeri ishichiye: “Cadiqoon dabbii beetinaꞌote, Doono Yeeri taan qaawii beetinaꞌote, ta waanee waayebote: Aroochee kuxaa ittoshi kechiti xaqqoon, aroochee iiyaa ittoshi kechiti oppoon ciinote.

Isiyaasi 51:2

Ittoshi nihoo Abrahamin, ittoshin shiyeti Saarinoo ciinote. Abrahamin ta ceeggiyooba bi ikkeetone; biin diiriyoye; bi yaroonoo meechiyoye.

Isiyaasi 58:2

Qemi qemona taan qaawiyeete; ta gommon ariyoonoo emiriyeete; tate mooyon tuniibeeti, boonoshi Nuggishoochi getoon qayaani asheenaꞌochoommon, dayinnetoon ta waanee qolleheete; ta waan katinonoo emiriyeete” iye.

Isiyaasi 62:8

Doono Yeeri bi qanne kishoona, giidechi bi mochoonoo ishichiꞌi wogehe: “Ne maayoon ne etteenaꞌo maayemmoyich ciroona wochinnoon tuniyaachemmo taane; ne aajjeti woyinee uyoonoo shiqqeenaꞌo ciroona wochinnoon uyaachemminaꞌone.

Isiyaasi 64:6

No bulliyona axaaxoona eeꞌeto noone; no deꞌittino dupphoona wooreti qoreddoommone; mocee waamochoommon shoollito noone; no axaaxoo yongoochoommon noon hidii daammitone.

Isiyaasi 65:16

Ebich showoochaa diiroon qollaabeeto, ibere Nuggishoochi shigoona ebin tuniyemmone; showoochaa wogeebeeto ibere Nuggishoona wogemmone; ebiyoo wonnee xuuxo batteetonaa ta aafoochee ikitona bi tunetoyichiye” iye.

Erimiyaasi 4:2

‘Beeyechi Doono Yeeri beege’ iyaꞌa iberoona, dayinnetoona, cadiqoonoo ne wogegaata, aageteenaꞌo taanna diireyemminaꞌone; taannoo yebenemminaꞌone” iye.

Erimiyaasi 44:26

Gibits koteti Yihudee asheenaꞌote, ebich Doono Yeerichi qaaroon waayebote; Doono Yeeri ishichiye: Gibits koteti Yihudee asho bulli ebiyee bekk ta shigoona ‘Beeyechi Nuggishoo Doono Yeeri beege’ geti bi wogeyaachemmoyich ooge ta shigoona wogeto taane.

Erimiyaasi 5:2

‘Beeyechi Doono Yeeri beege’ ii boonoshi wogeebeeto kootooniye” iye.

Leweenaꞌo 19:12

“ ‘Ta shigoon ceegiree kootoon wogeyaahote. Ebin tuniyoona ta shigoon naakkiyaahote. Ta, Doono Yeeri taane.

Mikiyaasi 2:7

Israꞌeeleenaꞌo uppetinaꞌo neech shaahii beeteete? Doono Yeeri haaꞌiyecho toone? Iberoochaa ebi mooyon tuniyehe? Kaamoo tuneti ashich, bi yibbaateebeeto gaawe mooyon toone?” iyeete.

Sofoniyaasi 1:5

Kechi toommooch kechiichii aabeyich, ageneenaa xojjenoonoyich goyinnee beetinaꞌon aalliyemmo taane. Doono Yeeri taach goyinnee ta shigoona wogeechii, hammii Milikoomi getteebeeti nuggishoochi shigoona wogee beetinaꞌonoo aalliyemmo taane.

Zakaariyaasi 5:3

Aroochee bi taach ishichiye: “Ebi arooch showee toommo bulliich woyemmi ufo kooreetone; ebi macaafooch ikke baddaa kooreetoommon gaajjiibeeto bulli aallemmone; wotta bare baddaa kooreetoommon, kootoon wogeebeeto bulli aallemmone.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Haddoo 24:7

Boonoshi gaanneenaꞌoochee aaco kechemmone; boonoshi yareenaꞌoo wodde aacon danemminaꞌone. “Boonoshi taatoo, Agaagiyee beshemmone; boonoshi taatittinoo oogemmone.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Yowannisi 1:47

Naatinaꞌeeli bi waan womon Yesuusi beeggiꞌi ishichiye: “Dawushoon ariyaani ibere Israꞌeelee asho hinine” iye.

Yowannisi 4:24

Yeeriyoo Ayaanoone; biich goyinnee beetinaꞌo Yaafe Ayaanee hakkoonaa iberittinoona goyinno boonoshich qaawiihe” iye.

Roomi 2:17

Ayihudo ne getteegaata, Muusichi Sheeroona ne degee gaata, Yeerinoo ne geeci gaata,

Roomi 9:6

Tunebaani Yeerichi gibenee qaaro shaddeetone geto toonoone. Ebi Israꞌeelee yareenaꞌo bulli ibere Israꞌeeleenaꞌo tooneenaꞌone.

Roomi 9:8

Ebi geto Yeeri gibenikkiti gibenee qaaroona shiijjeti bushiisheenaꞌo ibere bi yaroo tuneꞌi haddeeteetalli, ebi meenona shiijjeti bushiisheenaꞌo Yeerichi bushiisheenaꞌo tooneenaꞌone getone.

Yibbaatoo 10:20

Ne Nuggishoo Doono Yeerin shate. Biich baach goyinne maddebe. Biinna tookki ikkottebe. Bi shigoonoo wogebe.

Yibbaatoo 33:28

Ebina Israꞌeeli diggoona, Yaaqobichi sheeyo keqqaalloon, maayoonaa woyinee uyoona ceenniti, shimaayoo doshoon (caagibanoon) kindiibeeti showooch beehe.

Yibbaatoo 5:28

“Doono Yeeri ittoshi yibbaatoon waayeꞌi taach ishichiye: ‘Ebi asheenaꞌo neech gettiti mooyon waayeto taane. Ebi boonoshi gettiti mooyo tatoone.

Yibbaatoo 6:13

“Ne Nuggishoo Doono Yeerin shate. Biich baach goyinne maddebe. Bi shigoona baach wogebe.

1 Ximootiyoosi 4:2

Ebiyoommi doyoo bi waa beeto, gaamiti xuuroona micciti ashittino dingiraatoommon, boonoshi mullo dingiraateti, maacaa xalloo shaahiibeeti kooteenaꞌo waaneeniye.

Yaaꞌoo 2:9

Ne toommooch shaggiti duꞌoon, ne giroonoo ariibeeto taane; tunebaani gaannecho neene. Ayihudo tuneyaanoon ‘Ayihudo noone’ ii beeti, Sheexaanoyichoo maddeebeeti guupho ne shigoon gondiyoon ariibeeto taane.

Yaaꞌoo 3:9

Ayihudo tuneyaanoon, ‘Ayihudo noone’ iꞌi koottiibeeti, Sheexaanoyich maddeebeeti guuphoochee tunetinaꞌon ne baatooch waaree boonoshi dihemmoyich tuniyemmo taane; ebinoo neen ta shunon ariyemminaꞌone.