Isiyaasi 47:8 - Kafa Linguistics Project

⁸ “Hini cunnenniti, carahaanoo koteti, ne mulloonoo ‘Taane; tayee baroo ikkolla aalloone; xuumechoommon koteyaachemmi taane; bushoon wuxii ciichitin tuneyaachemmi taane’ itine; and ebin waayebe:

Isiyaasi 47:8 ပူးပေါင်းရင်းမြစ်များ

Isiyaasi 14:14

qubeenaꞌoyee tookk kechemmo taane; Beshoo Yeerin shaahemmo taane’ iyine.

Isiyaasi 32:11

Hini mashaamiti beemon beeti maacheenaꞌote, qewebote; hini keqqaalloon kotetinaꞌote, qewebote; ittoshi tahoon shooti shokkaachoon tunebote; ittoshi shimetooch dookoon eddebote.

Isiyaasi 32:9

Hini mashaamiti beemon beeti maacheenaꞌote, tibote; ta qaaroon waayebote; hini keqqaalloon koteti maacheenaꞌote, ta yibbaatoon ellebote.

Isiyaasi 45:18

Shimaayeenaꞌon halliti Doono Yeeri, showoon halliti, shuuneti, manjiiti, beeyi xaaꞌoon bi tunemmoyichani, shokkoon bi tunemmoyich hallaani Yeeri ishichiye: “Ta, Doono Yeeri taane; tayee bare nuggishoo aalloone.

Isiyaasi 45:5

Ta, Doono Yeeri taane; tayee baroo aalloone; tayee bare nuggishoo aalloone; taan ariyoo ne qajjetaanona neen kupphiyemmo taane;

Isiyaasi 45:6

Ebiyoo aabi-keyoochee aabi-gimooch beddaahaa beeti asheenaꞌo, Doono Yeeri ta baach tunoon, tayee bare nuggishoo aallo bi tunoonoo, boonoshi ariyemmoyichiye.

Isiyaasi 47:10

Ne gonde shuunoon gibeneti neene; ‘Koniyoona taan beegaanoone’ iti neene; ne aconaa ne ariyoona neen muriciitone; ne mulloonoo ‘Tayee besho koniyoona aalloone’ iti neene.

Erimiyaasi 49:31

“Tibote, keqqaalloon diggoona beeti ashoon koyote” iye Doono Yeeri. “Kelloonaa tuggoona aalloon bi ikkeeto koteꞌi beeton koyote.

Erimiyaasi 50:11

Doono ishichii beetone: “Ta hajjoon boggii beetinaꞌote, ittoshi emiritoyich, emiroona ittoshi wucwuccitoyich, gaddooch beeti gidereen ittoshi shaahitoyich, ittoshi coonderetoyich, giidechi hareshoochoommon ittoshi gashigishitoyich,

Erimiyaasi 51:53

Baablooni shimaayooch bi kechetaanona, bi mishigoon bi manjiitaanona aalliyechinaꞌon deejjemmo taane” iye Doono Yeeri.

Hiziqeeli 16:49

“ ‘Ne manee Sodoomichi xuꞌo ebine: Biinnaa bi bushiisheenaꞌona geecechinaꞌone; wodde maayoonaa mashaamiti beemona boonoshich beetaa girechinaꞌonaa iritechinaꞌonon gaacheyaacheete.

Hiziqeeli 28:2

“Ashi bushoocho, Xiroosi taatoyich, Nuggishoo Doono Yeeri ishichiye, gete: ‘Ne mullo geecitoyich, “Ta, nuggishoo taane; baharee daggooch, nuggisheenaꞌo taatee qeenooch kotemmo taane” ito neene. Ne mulloona nuggishoo taane iyaꞌa ne gabitaanona ne, asho nealli nuggishoo toono neene.

Hiziqeeli 30:9

“ ‘Ebiyooba amoonolla keqqaanoon koteꞌi beeti Topphiyeenaꞌon keqqichoyich wocheyechinaꞌo markaboona ta waanee hammemminaꞌone; Gibitsi aalloona xuuxo boonoshi toommooch tunemmone; illa ebiyoche, ebi tunemmone.

Daaneeli 11:36

“Ebi Sooriyee taatoo bi shunniton shuunemmone; nuggisheenaꞌoyee damba bi qelloon oogiyemmone; nuggisheenaꞌochi Nuggishoo toommooch naagee yibbaatoon yibbaatemmone. Yeeri gabito bulli tuno echeyaano bi tunetoyich, Yeerichi kaaree yemeeno tunemmi wottoon ebin tunii beeyemmone.

Daaneeli 4:22

taatoocho, are mixo geto, neene. Newoo arichetonaa giidechonon tunehine. Ne oogo beshiꞌi shimaayooch shaggiye; ne giidoo showee tuggooch beddiye.

Daaneeli 4:27

Illa ebich taatoocho, ta ciicoon waayebe: Axaaxee shuunoon qayiree kaamoo tuneti mooyon tuniibe; gondee shuunoon qayiree xukketinaꞌoyich ariqqebe. Ebin ne tuniitaa, diggoona ne beeyemmi yemeeno diqqich neech daakkeyemmone” iye.

Daaneeli 4:30

ishichiye: “Ebi Baablooni am shaahe ooge katemoo gaata ciinote. Ebi katemoon ooge ta giidoona taatoo beeyi xaaꞌoon tuniyaꞌa ta shuuniito, ta oogee yiiroon bekkiyoyichiye” iye.

Daaneeli 4:4

Ta, Nabukadinatsori, bulli mooyo taach mashaamaa, oogeti gaannoona emiriibee, ta taatee kexooch beehoye.

Daaneeli 5:23

Ne qelloon shimaajji Nuggishoyee damba tuniyaꞌa, bi yaafee kechi uyee qiiceenaꞌo woyemmoyich tuniihine. Ne, ne iraasheenaꞌo, ne mecheenaꞌonaa ne naamacheenaꞌona aroona woyinee uyoon uchiyote. Uchiibee birewoochee, aachoochee, gooshoochee, xuuroochee, mixonaa xaqqoonoochee shuuneeti, ciinon, waayoonaa ariyoonon hakkaani, nuggisheenaꞌochi misiloon galletehote. Tunebaani ne kashoon, ne shaaddo bullinoo bi kishooch yechiti Nuggishoon oogiyaano neene.

Daaneeli 5:30

Aroobee xum Baabloonee taatoo Belshasoorin wuxiyeete.

Naahoomi 1:10

Biinnaa biinna wutireeti angixonaa maayi tulloonochoommon, qaaqqoo ittoshin michi aalliyemmone.

Naahoomi 3:4

Nanawi katemee yahechi ureyoommi bi tunetoyich, Doono Yeeri biin naxee beetone; macecikkitonaa ashoon wuxiibeetona tuneti qaaxoona ceennetine; bi qaaxoona aageteenaꞌon bi waan giddiyaꞌa, bi guunon tuniihan.

Imbaaqoomi 1:7

Boonoshiyoo shattii giiriitinaꞌone. Oogeti geecechinaꞌo boonoshi tunetoyich, boonoshi qelloona boonoshi sheereenaꞌone.

Sofoniyaasi 2:15

Are katemee asheenaꞌo geecechinaꞌo boonoshi tunetoyich, “No achooch amolla shagaachemmone” ii beetinaꞌone. Boonoshiyoo “Showee toommooch aricheti katemoo, no katemoo baachiye” iꞌi gabii beetinaꞌone. Tunebaani are katemoo happaa aallemmone; kubbi coochi beeyi xaaꞌoo tunemmone. Aroona beshemmi asheenaꞌo bulli boonoshi qelloon qeeqqerebee coonemminaꞌone.

2 Tasaloonqi 2:4

Hini are hukkecho nuggisheenaꞌo getteetinaꞌo bulliyee, asheenaꞌo goyinneebeeti mooyo bulliyee bi qelloon besho tuniiree, boonoshin qeexxee kiin bechaachemmone. Yaafee kexooch giyi koteree, “Taane Yeeri” getooch beddaahaa beddemmone.

Woraaferasheenaꞌo 18:27

Boonoshiyoo Miki shuuneti shahalleenaꞌonaa qeeshoonon yechii Layish hammiꞌi, keqqaalloon diqqoona beeti asheenaꞌon goraadoona wuxiyeete. Are katemoonoo qaaqqoona michiyeete.

Woraaferasheenaꞌo 18:7

Ebina ebi uuche asheenaꞌo aroochee kechii, Layishi katemooch hammiyeete. Sidoonee asheenaꞌochoommon are katemeexi asheenaꞌo keqqaalloon diqqoona beemon beeggiyeete. Ebi asheenaꞌo diggoona beeti asheenaꞌo, diqqeenaꞌonaa koninolla kaaraalli asheenaꞌonane. Qaawiibeeti mooyo bulli boonoshich beetone. Boonoshiyoo Sidooneenaꞌo waanee wokkiꞌi, asho bulliyeenoo bariꞌiniye boonoshi beeto.