Isiyaasi 47:6 - Kafa Linguistics Project

⁶ Ta asheenaꞌon kaarehoye; boonoshin ne kishooch beshiyaa imona, ta hajjee asheenaꞌo giishemmoyich tuniihoye; newoo boonoshich ariqqeyaane neene; geeneenaꞌo toommooch waanjoon maggiihine.

Isiyaasi 47:6 ပူးပေါင်းရင်းမြစ်များ

2 Saameeli 24:14

Aroochee Daawiti Gaadich ishichiye: “And oogeton xuuxeto taane. Bi ariqqo woddoo bi tunetoyich, Doono Yeeri kishooch dihoo nooch gaawiye. Tunebaani ashi kishooch dihoon qaawaache” iye.

2 Kiinoo 10:11

Ta nihoo magge waanjoon ittoshi toommooch minjitone; tunebaani ta, aroyee beshoon ittoshich maggiyemmo taane. Ta nihoo arengoona ittoshin xoobbitone; tunebaani ta, barahee machoona ittoshin xoobbemmo taane’ gete” iyeete.

2 Kiinoo 28:9

Are Shamaara Odeedi getteebeeti Doono Yeerichi keemecho beehe. Shamaara waabeeti ginee naayinaꞌona daneya hammiꞌi, boonoshich ishichiye: “Ittoshi qaabbechinaꞌochi Nuggishoo Doono Yeeri Yihudee asheenaꞌon bi kaaretoyich, ittoshi kishooch boonoshin beshiiꞌi immiye. Ittoshiyoo ariqqaalloon boonoshin wuxiyote.

2 Kiinoo 36:17

Ebich Doono Yeeri Baabloonee taatoon boonoshi toommooch deejjiye. Ebi taatoo boonoshi gurimaasheenaꞌon yaafee kexoochaa goraadoona guuriye. Biyoo gurimaashoon tuneba gidiideen, geeneton tuneba geenee baayeton, ariqqaalloon wuxiye. Doono Yeeri bullinolla Nabukadinatsorichi kishooch beshiiꞌi immiye.

2 Kiinoo 36:20

Goraadoochee muricciti cureenaꞌon kecciꞌi, Baabloonee showooch daammiye. Faariisee taatoo taatemmi wottoon, biinnaa bi shiijjereenaꞌonoyich guuno tuneꞌi maddee beeheete.

Iziri 5:12

Tunebaani no qaabbechinaꞌo shimaajji Nuggishoon boonoshi ippiitoyich, Kalidee asho tuneti, Baabloonee taatoo Nabukadinatsori kishooch boonoshin beshiiꞌi immiye. Biyoo hini kexon happiꞌi, asheenaꞌon Baabloonee showooch keccii daammiye.

Shoddo 69:26

Ebiyoo ne naxeti asheenaꞌon boonoshi duꞌitoyich, ne mayiitinaꞌonoo daakkiꞌi boonoshi shooddiitoyichiye.

Isiyaasi 10:6

Boonoshi gaannoon bi boggemmoyich, kecoon hohi bi daammemmoyich, gommeexi dengoochoommon boonoshin bi neexxemmoyich, Yeerich qeyaani asheenaꞌo toommooch biin daachiito taane; ta kaaremmoyich tuniiti asheenaꞌo toommooch biin wocheto taane.

Isiyaasi 13:16

Boonoshi ciini beetaa, boonoshi nallefeenaꞌo ceqqetaa qitemminaꞌone; boonoshi kexinaꞌo bosheyemminaꞌone; boonoshi mecheenaꞌoo qeyeyemminaꞌone.

Isiyaasi 14:17

showoon barahoo tuniiti, katemeenaꞌon happiti, qoppeenaꞌonoo boonoshi kexooch wochaani uro hinine?’ gettemminaꞌone.

Isiyaasi 43:28

Ebich yaafee kechi ukkireenaꞌon cooniihoye; Yaaqobi aallemmoyich, Israꞌeeliyoo naakkeyemmoyich tuniihoye” iye.

Erimiyaasi 50:42

Maꞌoonaa ginoonon yechitinaꞌone; maacmanjeenaꞌone; ariqqaalleenaꞌone; boonoshi qaaroo baharoochoommon goohii beetone; haresheenaꞌon yebbemminaꞌone; Baabloonee macceenaꞌote, koyooch qanniti ginechochoommon, ittoshin kocha qannitinaꞌone.

Shoosho 1:14

“Ta axaaxoo, waanjoochoommon ta qettooch xandeetone; bi kishoona ta qettooch haxxii xanditone. Ta giidoo qajjemmoyich tuniihe; ta etteenaꞌo kishooch Doono taan beshii immiꞌi, boonoshi aafooch hakka guutoo taan tuniihe.

Shoosho 1:21

“Asheenaꞌo ta gaashiron waayeheete; tunebaani taan goggiito koniyoona aalloone; ta etteenaꞌo ta xuuxoon waayeheete; ne tuniiti mooyona emiriyeete. Ne getteti aaboon boonoshi toommooch ne deebaa, boonoshiyoo taan shaahibeete.

Shoosho 2:2

Doono, Yaaqobichi beeyi xaaꞌoo bullin amoonolla ariqqeyaanoon aalliihe; Yihudee asheenaꞌochi mishigoon bi kaaroona happiye; taatee showoonaa bi iraasheenaꞌonon showooch kindii cooniihe.

Shoosho 4:16

Doono Yeeri bi qelloona boonoshin shacciye; illa ebiyee bekk boonoshich aaxxiyaachemmone. Qeesheenaꞌoo oogoon daneyaachemminaꞌone; geeneenaꞌoo gaawe aafoona ciicheyaachemminaꞌone.

Shoosho 5:12

Iraasheenaꞌo kishoo cucheꞌi yooddeheete; geeneenaꞌoyichoo oogo bachehe.

Hiziqeeli 24:21

‘Israꞌeelee macceenaꞌoyich, Nuggishoo Doono Yeeri ishichiye: Ittoshi yebeneebeeti, kashkuxoon ittoshi shunniibeeti, wottoo ittoshi mullee emiroo tuneti ta yaafee kexo eeꞌemmoyich tuniyemmo taane; Yerusaalem echeti ittoshi anaami bushiisheenaꞌonaa maache bushiisheenaꞌona goraadoona dihemminaꞌone.

Hiziqeeli 28:16

Ne giixee woddoochee tiyitona xuꞌoona ceennehine; axaaxoonoo shuunehine. Ebich eeꞌe mooyochoommon Yeeri ta guudoochee neen yookkehoye; quyechi kiruuboocho, qaaqqee aaxxoommon aaxxeebeeti aaxxe xaqqeenaꞌochi daggoochee neen duppehoye.

Abidiyi 1:10

“Ne manoo Yaaqobichi shiijjereenaꞌon ne xuqqetoyich, oogichi yeellemmo neene; bulli yemeenoonoo aallemmo neene.

Abidiyi 1:16

Yaafeeti ta guudi toommoochaa, ta asheenaꞌo xuuxee xoofoochee uyoommon, guudoona beeti aageteenaꞌo bulli aaboon uchemminaꞌone; uchemminaꞌone; yiifemminaꞌone; aroocheenoo ciroona aallemminaꞌone.

Zakaariyaasi 1:12

“Aroochee Doono Yeerichi maraakoo ‘Beshe Mawe Doono Yeero, Yerusaaleminaa Yihudee showooch beeti katemeenaꞌonon ne sheerito shabe natone. Boonoshin ne maaraachemmo aati wottooniye?’ iye.

Zakaariyaasi 1:15

Tunebaani diggoona koteti aageteenaꞌo toommooch oogichii kaareto taane; giishechoon ta kaaremmona boonoshi ta asheenaꞌon woddoon duꞌiitinaꞌone” gete’ iye.

Yibbaatoo 28:50

Boonoshiyoo geenoon oogiyaani, bushoyichoo ariqqeyaani maacmanje asheenaꞌone.

Yaaqobi 2:13

Yeeri bi nallemmi aabooba ashoon maaraani ashi toommooch maaraalli nalloon nallemmone; maaroo nallee toommooch giidemmone.