Isiyaasi 47:5 - Kafa Linguistics Project

⁵ “Kalideenaꞌochi busheene, illa ‘Taatee showeenaꞌochi taatee’ getteyaachemmi neene; cikkiree kotebe; manderoochoo hambe.

Isiyaasi 47:5 ပူးပေါင်းရင်းမြစ်များ

Shoddo 31:17

Doono Yeero, neen ta ceeggetoyich yeellayone. Gondeenaꞌo yeellebeete; minnakanna getaanoon maash hambeete.

Shoddo 46:10

Kashebote; Yeeri ta tunoon ariibote; aageteenaꞌo daggooch oogemmo taane; showee toommooch oogemmo taane.

Isiyaasi 13:10

Shimaajji xojjeneenaꞌonaa guuphi xojjeneenaꞌona aaxxeyaachemminaꞌone; batt kechaabeeti aabe manderemmine; ageneyoo aaxxe bekkeyaachemmine.

Isiyaasi 14:23

“Baabloonin caayo beeyi xaaꞌoon, aachi taappoon tuniyemmo taane; hidii aalliibeeti kawoona hidi aalliyemmo taane” iye Beshe Mawe Doono Yeeri.

Isiyaasi 14:4

Baabloonee taatoo toommooch ishichibee coonemmo neene: “Neexxii hajjito aabichiꞌi kashehe! Ebiyee gubb koninolla hajjaachemmone.

Isiyaasi 21:9

Ebiyoche, gutti gutteꞌi gaarinaꞌon gasheebeeti hareshechinaꞌo waa beetinaꞌone” iye; biyoo wochiꞌi, “Baablooni dihitane; dihitane. Bi shahalleenaꞌo bulliyoo tiishee buriceꞌi showooch dihiteete” iye.

Isiyaasi 23:2

Markabechinaꞌo gaanniiti, buure showooch beetinaꞌote, Sidoonee showeexi giixechinaꞌonote, cikkibote.

Isiyaasi 47:1

Doono Yeeri ishichiye: “Baabloonee gidiideene, kindiree buttooch kotebe. Kalideenaꞌochi busheene, taatee qeenoochee kindiree showooch kotebe. Ebiyee bekk qeddi nire korootee, getaa ceekkeyaachemmi neene.

Isiyaasi 47:7

‘Bulli yemeenoon taatee tuneree beeyemmi taane’ itine; ebi mooyon ne mullooch kotiyaane neene; bi ciiroonoo shalligaane neene.

Erimiyaasi 25:10

Ebiyee wotta boonoshi waanee emiree qaaroonaa ililee qaaroonon, woꞌee kenoochi qaaroonaa woꞌee qaaroonon, maayi yiikkee qaaroonaa ceechee bekkoonon aalliyemmo taane.

Erimiyaasi 8:14

Yeerichi asheenaꞌoo “Cikkiree no kotemmo amoyichiye? Doono Yeerin no xuqqetoyich no Nuggishoo Doono Yeeri no aallemmoyich tuniitone; xuppattechi aaconoo nooch uchitone; ebich kicee ittoshi getaa manje katemeenaꞌooch gibone; aroochaanoo qitibone.

Shoosho 1:1

Asho ceenniti katemee, aabichaa shokko echahane! Aagetee daggooch oogee, aabichaa xuumee tunehane! Woraafee daggooch taatee, and aree gonnee tunehan.

Shoosho 2:10

Yerusaalemi katemee geeneenaꞌo cikkimmiꞌi shidooch kotetinaꞌone; boonoshi qellooch quttoon shakkitinaꞌone; dookoonoo tahetinaꞌone. Yerusaalemi katemee gidiideenaꞌo boonoshi qelloon showooch yittitinaꞌone.

Imbaaqoomi 2:20

Tunebaani Doono Yeeri yaafoo tuneti bi yaafee kexooch beetone; showee toommooch beeti asho bulli bi aafooch minnakanna gettaaye.

Zakaariyaasi 2:13

Doono Yeeri yaafeeti bi beeyi xaaꞌoochee tiyitone; ebich meeno taheti asho bulli bi aafooch minnakanna gettaaye.

Yihudi 1:13

Yeelliibeeti boonoshi shuunoo umboommo tunemmona, umboon aapphiibeeti giidechi baharee aachi aayoomminaꞌone; boonoshi gommon gawukkiꞌi yallyallimiibeeti xojjeneenaꞌoomminaꞌone; boonoshichoo bulli yemeenoon dunne manderooch boonoshi beeyemmi xaaꞌoon Yeeri qanniitone.

Yaaꞌoo 17:18

Ne beeggeti ure showee toommooch beeti taateenaꞌo bulli toommooch taataabeeti ooge katemeechi shaahiyeene” iye.

Yaaꞌoo 18:7

Bi qelloon bi oogiitoommonaa mashaamiti beemon bi beetoommonon xuuxoonaa muushenoonon bi toommooch shakkiibote. Bi mulloona ‘Taatee tunaꞌa qeenooch koteti taane; xuumee toonee taane; ciroona muusheneyaache’ itine.

1 Saameeli 2:9

“Biyoo biich gibeneetinaꞌochi kashoon quyee beetone. Tunebaani gondeenaꞌo manderee daggooch dufaa aallemminaꞌone. Asho wudoon bi danemmo, bi hajjee giidoona toonoone.