Isiyaasi 47:10 - Kafa Linguistics Project

¹⁰ Ne gonde shuunoon gibeneti neene; ‘Koniyoona taan beegaanoone’ iti neene; ne aconaa ne ariyoona neen muriciitone; ne mulloonoo ‘Tayee besho koniyoona aalloone’ iti neene.

Isiyaasi 47:10 ပူးပေါင်းရင်းမြစ်များ

Shoddo 10:11

Biyoo bi mulloona, “Doono Yeeri battetone; bi aafoon bi qeritoyich, ciinaachemmone” iye.

Shoddo 52:7

“Yeerichi shoobooch gimon qajjiichii, bi gaannee woddoon gibeneebeeti, gondee shuunoona kupphee qeyiti asho, ebeegote” gettemminaꞌone.

Shoddo 64:5

Gonde mooyon tuniiya boonoshinaa boonoshina koceeheete; aashoona olloon olloyich yibbaateheete. “Noon koniyoona beeggaache” ii gabiyeete.

Dojjecho 8:8

Bi kashoon yechii neechoon, woyee bi qitee aaboon shaddoon hakkemmo koniyoona aalloone. Koyo koyee beetaa koniyoona ginoochee wottoon hakkaache; ebiyoommon bi gonde shuunoo gonde ashoon gawukkaache.

Isiyaasi 28:15

Ittoshiyoo, “Qitoona tookkaa wogoon giyeto noone; maashoona tookkaa shuneto noone; kootoon no shoobo, no aashee xaaꞌoonoo tuniito noone; kupphe naxo hidii bi daammii beegaata, no waan shagaachemmone” ito ittoshine.

Isiyaasi 29:15

Boonoshi yameti yamoon Doono Yeer waanee aachiya qaawii beetinaꞌoyich, “Noon beeggesho konine? No shuunaa beeton ariyesho konine?” getona manderoon deebeꞌi aashoona shuunee beetinaꞌoyich, woowo!

Isiyaasi 44:20

Tulloon baaxxiye; muricechi bi mullo biin muriciitone; bi qelloon wodiyoon woyee “Ebi ta qanne kishooch beeto koote mooyo toone?” geton hakkaache.

Isiyaasi 47:8

“Hini cunnenniti, carahaanoo koteti, ne mulloonoo ‘Taane; tayee baroo ikkolla aalloone; xuumechoommon koteyaachemmi taane; bushoon wuxii ciichitin tuneyaachemmi taane’ itine; and ebin waayebe:

Isiyaasi 5:21

Boonoshi qelloona boonoshin ariyechonaa yiitoonon tuniiꞌi ciinnii beetinaꞌoyich woowo!

Isiyaasi 59:4

Dayinnetoon qaawiibeeto, nallee gabberooch iberittinoona hammiibeeto aalloone; gaacaalli mooyon gibenetinaꞌone; kootoon yibbaateheete; gondoon yeqqefeꞌi axaaxoon shiyiheete.

Erimiyaasi 23:24

Asho bi qelloon aashe xaaꞌooch bi aachigaata, ta biin beegaachehote?” iye Doono Yeeri. “Showoonaa shimaayoonooch ceenneto toono taane?” iye Doono Yeeri.

Erimiyaasi 9:23

Doono Yeeri ishichiye: “Ariyecho bi ariyoona yebenaaye; hakkecho bi hakkoona yebenaaye; gaannecho bi gaannoona yebenaaye;

Hiziqeeli 8:12

Yeeriyoo taach ishichiye: “Ashi bushoocho, Israꞌeelee maccee qaabbeenaꞌo boonoshi shahalli shahallee kexoochaa manderoochaa boonoshi tunii beeton beeggetine? Boonoshiyoo ‘Doono Yeeri noon beegaanoone; Doono Yeeri hini showoon qajjitone’ itinaꞌone” iye.

Hiziqeeli 9:9

Aroochee taach ishichiye: “Israꞌeelee macceenaꞌonaa Yihudee macceenaꞌonochi xuꞌo oogichii woddetone; showoo damoona wooretone; katemoochoo hukkoo woddetone; ‘Doono Yeeri showoon duppitone; biyoo wottee ciinaanoone’ itinaꞌone.

Daaneeli 4:27

Illa ebich taatoocho, ta ciicoon waayebe: Axaaxee shuunoon qayiree kaamoo tuneti mooyon tuniibe; gondee shuunoon qayiree xukketinaꞌoyich ariqqebe. Ebin ne tuniitaa, diggoona ne beeyemmi yemeeno diqqich neech daakkeyemmone” iye.

Sofoniyaasi 2:15

Are katemee asheenaꞌo geecechinaꞌo boonoshi tunetoyich, “No achooch amolla shagaachemmone” ii beetinaꞌone. Boonoshiyoo “Showee toommooch aricheti katemoo, no katemoo baachiye” iꞌi gabii beetinaꞌone. Tunebaani are katemoo happaa aallemmone; kubbi coochi beeyi xaaꞌoo tunemmone. Aroona beshemmi asheenaꞌo bulli boonoshi qelloon qeeqqerebee coonemminaꞌone.

Roomi 1:22

“Ariyecho noone” iibee mullaalleenaꞌo tuneheete.

1 Qorontoosi 3:19

Hini alemeexi asho shalligoone iꞌi bi gabiibeeti mooyo Yeeri aafoochaa tuushittinoone. Ebiyoo “Yeeri shalligechinaꞌo getteetinaꞌon boonoshi acona boonoshin yechii beetone” getaa bi kooreetoommoniye.