Isiyaasi 46:2 - Kafa Linguistics Project

² Ikkittinoona goobee goyinneheete; boonoshi misileenaꞌon wodiyoon hakkaaneenaꞌone; boonoshiyolla kecaa hammiteete.

Isiyaasi 46:2 ပူးပေါင်းရင်းမြစ်များ

2 Saameeli 5:21

Filsixeemeenaꞌo boonoshi shahalleenaꞌon arooch duppiichii hammitinaꞌone. Daawitinaa bi asheenaꞌona eboshin shaaggiꞌi daammiyeete.

Isiyaasi 30:6

Negeeb beeti cooxinaꞌochon Doono Yeer waanee getteeti wocho ebine: “Daahereenaa daaheroona, xekereenaa awureebeeti dingeroona beeti iritee showoonaa xuuxee showoonon besheree, boonoshi gaannoon kuree toommooch, boonoshi yaaphoon gaalee toommooch xaaniree boonoshich gaacaani asheenaꞌo waan hammemminaꞌone.

Isiyaasi 37:12

Ta qaabbechinaꞌo aalliiti Gozaan, Haraaninaa Retsefinooch beeti aageteenaꞌochi nuggisheenaꞌo, Telasaar beeti Edenee asheenaꞌochi nuggisheenaꞌoo boonoshin wodiiteete?

Isiyaasi 37:19

boonoshi nuggisheenaꞌochi misilonoo qaaqqooch duppiꞌi michitinaꞌone; mixonaa xaqqoonoochee shuuneeti, ashi kishee shuuneenaꞌoani, nuggisheenaꞌo tuno boonoshi qajjitoyich, aalletinaꞌone.

Isiyaasi 44:17

Aroochee echetona shahalloon shuunehe; bi aafoochoo guufee goyinnehe; bi waan corootiibee, “Ne, ta nuggishoo ne tunetoyich taan wodiibe” iye.

Isiyaasi 45:20

“Aageteenaꞌoochee muriccitinaꞌote, wobote; ikkooch kiceeree giddebote. Mixoochee shuuneeti shahalloon shaaggii beetinaꞌoyich, wodiyoon hakkaaneenaꞌo waan corootii beetinaꞌoyich, mullo aalloone.

Erimiyaasi 48:7

Ittoshi hakkoonaa ittoshi gaannoonon ittoshi gibenetoyich, ittoshiyoo kecceyemmo ittoshine; Kemooshiyoo bi qeesheenaꞌonaa bi iraasheenaꞌona tookki kecaa hammemmone.

Erimiyaasi 51:47

Ebich shuuneeti Baabloonee shahalleenaꞌon ta naxemmi yemeeno waa beetone; bi showoo bulli yeellemmone; koyaa qititinaꞌo bi daggooch dihemminaꞌone.

Daaneeli 11:8

Boonoshi nuggisheenaꞌochi misileenaꞌonaa aachoonaa birewoonoochee shuuneeti boonoshi qiiceenaꞌonon keciree, Gibits daammemmone; giisheche nati wottoon Sooriyee taatoon koyaanoon kotemmone.

Naahoomi 1:14

Doono Yeeri Asooreenaꞌochon ishichitone: “Boonoshi shigoon ceekkiyemmi shiijjeroo boonoshich daneyaachemmone; qiicaa shuuneetonaa xuuroochee wociitaa shuuneetona tuneti, nuggishoochi misiloon, boonoshi nuggisheenaꞌo kexoochee aalliyemmo taane. Beeyi bedaaneenaꞌo boonoshi tunetoyich, maashoon boonoshich qanniibeeto taane” itone.

Woraaferasheenaꞌo 18:24

Biyoo wochiꞌi, “ ‘Akkiꞌaane?’ ittoshi ii beeto, ebi ama getone? Ta shuuneti ta nuggisheenaꞌonaa ta qeeshoonon yechiꞌi hammito ittoshine. Illa taach echeti amee mooyo beete?” iye.

1 Saameeli 5:3

Ashidoodi asheenaꞌo dechara maaddoona tiyii ciinniꞌi, Daagooni Doono Yeerichi taabootee aafooch, showooch guufeꞌi beeton beeggiyeete. Aroochee tiijjiꞌi bi xaaꞌooch wochii neechiyeete.