Isiyaasi 46:1 - Kafa Linguistics Project

¹ “Beeli goyinnete; Neebi goobete; boonoshi shahalleenaꞌo gijjeenaꞌo toommooch xaaneeteete; taahiti gijjeenaꞌoyichoo maggetinaꞌone.

Isiyaasi 46:1 ပူးပေါင်းရင်းမြစ်များ

Iyoobi 39:11

Giidecho bi tunetoyich, biin gibeneree, magge ne shuunoon bi shuunemmoyich biich bulliyenne?

Keyo 12:12

“Tawoo aroobee xum Gibitsee showee daggoona beshemmo taane; ashoochee gutenee bushiishoon, gijjoochee shiichii shiijjeti qaabboo bullin wuxemmo taane; Gibitseenaꞌo goyinneebeeti nuggisheenaꞌo bulli toommooch nallemmo taane. Ta, Doono Yeeri taane.

Isiyaasi 2:18

Shahalleenaꞌo ciroona aallemminaꞌone.

Isiyaasi 2:20

Arooba asheenaꞌo, goyinneya boonoshi shuuneti birewoonaa aachoonoochee shuuneeti shahalleenaꞌon, ecceenaꞌonaa shakishakeenaꞌonoyich duppemminaꞌone.

Isiyaasi 21:9

Ebiyoche, gutti gutteꞌi gaarinaꞌon gasheebeeti hareshechinaꞌo waa beetinaꞌone” iye; biyoo wochiꞌi, “Baablooni dihitane; dihitane. Bi shahalleenaꞌo bulliyoo tiishee buriceꞌi showooch dihiteete” iye.

Isiyaasi 30:6

Negeeb beeti cooxinaꞌochon Doono Yeer waanee getteeti wocho ebine: “Daahereenaa daaheroona, xekereenaa awureebeeti dingeroona beeti iritee showoonaa xuuxee showoonon besheree, boonoshi gaannoon kuree toommooch, boonoshi yaaphoon gaalee toommooch xaaniree boonoshich gaacaani asheenaꞌo waan hammemminaꞌone.

Isiyaasi 45:20

“Aageteenaꞌoochee muriccitinaꞌote, wobote; ikkooch kiceeree giddebote. Mixoochee shuuneeti shahalloon shaaggii beetinaꞌoyich, wodiyoon hakkaaneenaꞌo waan corootii beetinaꞌoyich, mullo aalloone.

Isiyaasi 46:7

Tiijjiꞌi boonoshi gogooch shaggiyeete. Ikke xaaꞌooch boonoshi neechigaata, arooch neexehe; bi beeti xaaꞌoochee shuuroon hakkaache. Ikke asho bi waan bi corootigaata, waayee wochaache; bi iritoochee wodiyoon hakkaache.

Erimiyaasi 10:5

Boonoshi shahalleenaꞌo buqqee budooch beeti, kafoon keqqichiibeeti mooyoomminaꞌone; yibbaatoon hakkaaneenaꞌone; shaꞌoon hakkaaneenaꞌo boonoshi tunetoyich shaaggeeheete; gondoon tuneba deꞌoon tuniyoon hakkaaneenaꞌo boonoshi tunetoyich, boonoshin shattaahote” iye.

Erimiyaasi 50:2

“Aageteenaꞌo daggooch getote! Awaajjibote, baanderoon tiijji awaajjibote! Aachiyaahote, ishichibote: ‘Baabloonee showoo yechetone; Beeli yeelletone; Merodaaki keqqitone; bi misileenaꞌo yeelletinaꞌone; bi shahalleenaꞌo keqqiteete’ getote.

Erimiyaasi 50:38

Baablooni shahallee showoo bi tunetoyich, shattiiti shahalleenaꞌona ceennito bi tunetoyich, bi aacinaꞌo bulli shuuqqemminaꞌone!

Erimiyaasi 51:44

Baabloonee nuggishoo Beelin naxemmo taane; bi qooxxiton aaphiyemmo taane; ebiyee bekk aageteenaꞌo arooch oriheyaachemminaꞌone. Baablooni xaqqee uxeroo dihemmone.

Erimiyaasi 51:47

Ebich shuuneeti Baabloonee shahalleenaꞌon ta naxemmi yemeeno waa beetone; bi showoo bulli yeellemmone; koyaa qititinaꞌo bi daggooch dihemminaꞌone.

Erimiyaasi 51:52

Ebich Doono Yeeri ishichiye: “Shuuneeti bi misilo naxeyemmi yemeeno woyemmone. Bi showoo bulliichaa mayetinaꞌo gaashillemminaꞌone.

Daaneeli 11:8

Boonoshi nuggisheenaꞌochi misileenaꞌonaa aachoonaa birewoonoochee shuuneeti boonoshi qiiceenaꞌonon keciree, Gibits daammemmone; giisheche nati wottoon Sooriyee taatoon koyaanoon kotemmone.

Daaneeli 3:14

Nabukadinatsori boonoshich ishichiye: “Haanoshite! Sidiraaq, Misaaq, Abidinago! Ta nuggisheenaꞌoyich maddaachone ittoshi getonaa aachoochee shuuniyaꞌa ta neechiti misiloyich goyinneyaachone ittoshi getona iberoone?

Naahoomi 1:14

Doono Yeeri Asooreenaꞌochon ishichitone: “Boonoshi shigoon ceekkiyemmi shiijjeroo boonoshich daneyaachemmone; qiicaa shuuneetonaa xuuroochee wociitaa shuuneetona tuneti, nuggishoochi misiloon, boonoshi nuggisheenaꞌo kexoochee aalliyemmo taane. Beeyi bedaaneenaꞌo boonoshi tunetoyich, maashoon boonoshich qanniibeeto taane” itone.

Haddoo 32:38

boonoshi shigo shaddeeti Neebin, Baꞌaal Meꞌooninaa Sibiminon shuuneheete. Ebi boonoshi shuuneti katemeenaꞌoyich bare shigoon kichiyeete.

Maatiyoosi 23:4

Magge shaagoon cuchiꞌi ashi toommooch shaakkiiheete; tunetaa ikke yaphereenolla kettiyoon qaawaacheete.

1 Saameeli 5:3

Ashidoodi asheenaꞌo dechara maaddoona tiyii ciinniꞌi, Daagooni Doono Yeerichi taabootee aafooch, showooch guufeꞌi beeton beeggiyeete. Aroochee tiijjiꞌi bi xaaꞌooch wochii neechiyeete.