Isiyaasi 45:9 - Kafa Linguistics Project

⁹ “Biin shuunetona tookkii kaaree beetoyich woowo! Aroo nuuqqee qiicoommone; nuuqqoo biin hacheton, ‘Amooniye ne shuuneebeeto?’ Woyee ‘Neech kishoo aalloone?’ gettehe?

Isiyaasi 45:9 ပူးပေါင်းရင်းမြစ်များ

Iyoobi 10:9

Nuuqqee qiicoochoommon taan ne shuunoon batteyaahine; and taan wochiree buttoon tuniyane ne iyaabeeto?

Iyoobi 33:13

‘Ashi cookoon ciroona waayeyaanoone’ iyaꞌa, biinna ne taggaabeeto amoyichiye?

Iyoobi 40:2

“Beshe Hakkechi Yeeri taan, taggeree wochemmo danehe? Eke Yeerina tookkii taggeebeeto, and wochibe” iye.

Iyoobi 9:12

Bi qaawiton bogi bi daamaa, bayon hakkemmo konine? ‘Ebi amooniye ne tuniyaabeeto?’ gettemmo konine?

Iyoobi 9:4

Yeeri shalligechonaa giidechonane; biinna tookkii gajjiteeꞌi diggeto konine?

Shaahiyoo 21:30

Asho bi shalligoona, bi gaboona, bi ariyoonoo, Doono Yeeri toommooch timon hakkaache.

Dojjecho 6:10

Hini showee toommooch beeti mooyo bulli shigechone; asho koni bi gaata arichetone; asho biyee beshiton taggee wochoon hakkaache.

Isiyaasi 10:15

Qofiyo, biinna qecceebeeti ashi toommooch geecii beete? Magaazo, biinna maacciibeeto toommooch ciixee beete? Ebin tuniyoo, gumbo biin gumbee beeton yeshi shuurikkiya, yaaboo ashoon kaama tiijjiya qiiccoommone.

Isiyaasi 29:16

Ittoshiyoo bulli mooyon shinnaawunniyote; iberoochaa nuuqqee hachechonaa nuuqqoonoochee aabine besho? Shuuneeti mooyo shuuneton, “Ne taan shuuneyaano neene” gettehe? Woyee “Ne tunii beeton ariyaachine” gettehe?

Isiyaasi 45:10

Bi nihoon ‘Amoyichiye taan ne shiyeto?’ bi indeenoo ‘Amoyichiye taach maaxoo ne manjeto?’ ii beetoyich woowo!” iye.

Isiyaasi 64:7

Ne aafoon no waanee ne wochitoyich, no axaaxee daggooch noon ne qajjetoyich, ne waan corootiibeeto aalloone; neenna yesheya qaawiibeeto aalloone.

Isiyaasi 64:8

Tunetaa Doono Yeero, ne, no Nihoo neene; no, nuuqqoo noone; newoo noon hacheto neene; no bulli ne kishee shuunoo noone.

Erimiyaasi 18:6

“Israꞌeelee asheenaꞌote, ebi nuuqqee hachecho shuunee beetoommon iberoochaa ittoshin shuuno taan womehe? Nuuqqoo nuuqqee hachecho kishooch beemoommon ittoshi beeto ta kishoochiye.

Erimiyaasi 36:29

Yihudee taatoo Yoyaqiimichoo ishichibe: Doono Yeeri ishichiye: ‘ “Baabloonee taatoo iberoochaa woyemmone; hini showoon, aroochoo beeti ashoonaa gijjoonon aalliyemmone” iyaꞌa ne koorito amoyichiye?’ getona qoddeti macaafoon michito neene.

Erimiyaasi 50:24

Baabloono, shaachoon neech shaachito taane; newoo ebin ariyaano neene; Doono Yeeri toommooch tiyaꞌa ne danetoyich, yecheto neene.

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

1 Qorontoosi 10:22

Ebin tuniyoona Doonon Kiristoosin qanaatiibona? Nooch biyee beshe giidoo beete?