Isiyaasi 45:7 - Kafa Linguistics Project

⁷ Manderoonaa bekkoonon hallito taane; deꞌe yemeenoonaa gonde yemeenoonon deebaabeetoo taane; ebi bulli mooyon tuniyaabeeto Doono Yeeri taane.

Isiyaasi 45:7 ပူးပေါင်းရင်းမြစ်များ

2 Taateenaꞌo 19:25

“ ‘Xaqqee uxerechi katemeenaꞌon happiree, xaqqee gutoo ne tuniyemmoyich ta tuniyoon, ebin meeti aaboyee shiichaꞌa ta maacon, wonnee yemeenooch ta gaboon, hanaach shuunee toommooch ta heechiyoon, waayeyaano neene?

Iyoobi 10:13

“ ‘Tunebaani, mooyon ne mullooch yechehine; ne gaboo ebi bi tunoon ariito taane.

Iyoobi 2:10

Biyoo wochiꞌi, “Ne yibbaatoo mullaalli maacheenaꞌochi yibbaatoommone. Yeer waanee deꞌe mooyon deqqeto noone; ishigaata, magge mooyon deꞌaache getona?” iye. Ebi bulli daggooch Iyoobichi noonoochee gonde mooyo keyaanoone.

Iyoobi 34:29

Asho tuneba aagetoo, Yeeri cikkii qayigaata, biin ittibatemmo konine? Bi qelloon bi aachigaata, biin beeggemmo konine?

Shoddo 105:28

Manderoon deejjiꞌi showoo manderemmoyich tuniihe; tunebaani Gibitseenaꞌo bi qaaree toommooch tiyiyeete.

Shoddo 29:11

Doono Yeeri bi asheenaꞌoyich hakkoon immemmone; Doono Yeeri bi asheenaꞌon diggoona diiremmone.

Shoddo 74:16

Areddoo neechone; xumoo neechone; aabeenaa ageneenon manjiito neene.

Shoddo 75:7

Tunebaani nallecho Yeeri baachiye; biyoo koni giishemmo gaata, koni kaama oogemmo gaatoo maacciye.

Shoddo 8:3

Ne halliti, shimaayoon ta beeggemmona, boonoshi xaaꞌi xaaꞌooch ne kotiiti ageneenaa xojjeneenaꞌonon ta beeggemmona,

Keyo 14:20

Bi neexeto, Gibitseenaꞌonaa Israꞌeeleenaꞌonochi gutte daggoochiye. Qubo Gibitseenaꞌo beeto waan manderoo tuneechii, Israꞌeeleenaꞌo beeto waanaa bekko tunee beehe. Ebich aroobee xumo bullin Gibitseenaꞌonaa Israꞌeeleenaꞌona ikkoo baroo waan katinon hakkaanoone.

Isiyaasi 31:2

Tunebaani Doono Yeeri ariyechone; naxoon deebemmone; bi qaaroon shaddaachemmone; gondeenaꞌochi kechi asheenaꞌo toommooch, axaaxoon shuunee beetinaꞌon gaachee beetinaꞌochi toommoochoo tiyemmone.

Isiyaasi 42:16

Aaf doogeenaꞌon boonoshi ariyaani gommona yaabemmo taane; boonoshi ariyaani kaattoonoo boonoshin yaabemmo taane. Boonoshi aafooch beeti manderoon bekkooch shaddemmo taane; giyaa keye xaaꞌoon tachemmo taane; ebi mooyinaꞌon tuniyemmo taane; boonoshin dufaachemmo taane.

Isiyaasi 44:24

Ne indee maacoochoo neen halliti, neen Biishechi Doono Yeeri ishichiye: “Bullin hallito, shimaayeenaꞌon ta ikkeeto yaggito, showoon hecceto Doono Yeeri taane; ebiyooba taanna tookkii koniyoona aalloone.

Isiyaasi 47:11

Ne qaaxoona wokkiyoon ne hakkaani gonde mooyo, ne toommooch woyemmone; bayon ne hakkaani aallo ne toommooch shaggemmone; amoonolla ne ariyaan beetaa, diqqoona aallo neech shaggemmone.

Erimiyaasi 10:16

Tunebaani Yaaqobichi Nuggishoo boonoshiyoommo toonoone; aroo bulli mooyon hallitone; Israꞌeeliyoo biich bariti maccoone; bi shigoo Beshe Mawe Doono Yeerine.

Erimiyaasi 13:16

Manderoon bi deebaan beetaa, mandereti guudinaꞌo toommoochaa ittoshi baateenaꞌo tepheyaan beetaa, gibenoona ittoshi quyeebeeti bekkoon, manderooch, dunne manderoochoo shaddaani bi beetaa, ittoshi Nuggishoo Doono Yeerin oogiibote.

Erimiyaasi 31:35

Areddoyich aaboon tuniito, xumoyich ageneenaa xojjenoonon qociito, baharee aayinaꞌo buugemmoyich baharoon shuurikkiibeeto, bi shigo Beshe Mawe Doono Yeeri ishichii beetone:

Erimiyaasi 51:20

Doono Yeeri ishichiye: “Baabloono, ne, ta modooshoo, ta ginee qiico neene; neenna aageteenaꞌon tiichoye; neenna taatittineenaꞌon aalliihoye;

Shoosho 3:38

Deꞌo tuneba gondo bi tunemmo Beshoo Yeeri getigaata baach toone?

Hiziqeeli 32:8

Shimaajji bekkeenaꞌo bullin ne toommooch manderiyemmo taane; ne showoo manderemmoyich tuniyemmo taane, iye Nuggishoo Doono Yeeri.

Daaneeli 2:22

Yeeri maggoo tunetonaa aacheeti mooyonon gaxxii bekkiihe; Yeeri manderooch aacheeti mooyon ariihe; biyoo bekkoochiye bi beeto.

Yoꞌeeli 2:2

Ebi aabo shitirippimii mandereti aabo, quboonaa dunne manderoona tuneti aaboone. Maaddee aabo guudinaꞌooch kooyoommon giidechi meeti ginee naayo woyemmone. Wonnee tiijjiꞌi ebiyoommi mooyo bekkee ariyaanoone; ebiyee bekkoo bekkeyaachemmone.

Amootsi 3:6

Katemee daggooch tiroo (waaringo) hukketaa waayeechi, asheenaꞌo keqqaacheheete? Doono Yeeri daaggaanoon, gonde mooyo katemee daggooch tunehe?

Amootsi 4:13

Guudinaꞌon shuuneto, yongoon hallito, bi gaboo amo gaata ashich arichiibeeto, hariton xumiibeeto, showee toommeexi tukki xaaꞌoona shaꞌeebeeto, bi shigoo, Beshe Mawe Nuggishoo Doono Yeerine.

Amootsi 5:6

Doono Yeer waan wottebote; kashoona beeyemmo ittoshine; ebi tuno qayigaata, Doono Yeeri qaaqqoo aaxxoommon aaxxeree Israꞌeeleenaꞌo toommooch kindemmone; Beeteeli asheenaꞌonoo michi aalliyemmone; ebi qaaqqoon koniyoona takkaachemmone.

Naahoomi 1:8

Guubbiibeeti ambamboochoommon, bi etteenaꞌon ciroona aalliyemmone; bi etteenaꞌon maash daachiyemmone.

Mishiraachechinaꞌo 4:28

Boonoshi kiceeti naboo, ne shiichaꞌa ne giidoonaa ne shalligoona bi tunemmoyich ne maacceto ceennemmoyichiye.

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.

Yihudi 1:13

Yeelliibeeti boonoshi shuunoo umboommo tunemmona, umboon aapphiibeeti giidechi baharee aachi aayoomminaꞌone; boonoshi gommon gawukkiꞌi yallyallimiibeeti xojjeneenaꞌoomminaꞌone; boonoshichoo bulli yemeenoon dunne manderooch boonoshi beeyemmi xaaꞌoon Yeeri qanniitone.

Yihudi 1:6

Ebiyoommon wotta boonoshich icheti ukkirittinoon qajjiꞌi boonoshi beeyi xaaꞌoochee kechiti maraakeenaꞌon dechi manderooch bulli yemeenoon sansalatoona cuchiꞌi, ooge nallee aabooba boonoshi toommooch bi nallimmi wottoon boonoshin quyee beetone.