Isiyaasi 45:22 - Kafa Linguistics Project

²² “Nuggishoo ta baachalli baroo aallo bi tunetoyich, showee tuggo bulliich beetinaꞌote, ta waan wotteree wodibote.

Isiyaasi 45:22 ပူးပေါင်းရင်းမြစ်များ

2 Kiinoo 20:12

No Nuggishoocho, noon kochiibeeti ebi dofee ginee naayon kochii wochoon hakkaano no tunetoyich, ne boonoshi toommooch nallibe; no tuniyemmonoo tuushito noone. Tunebaani noon ne gaachemmoyich neen ciinaabeeto noone” iye.

Shoddo 22:17

Ta shaawusho haddeehe; ta etteenaꞌo manjii xogii taan ciinniyeete.

Shoddo 22:28

Ebiyoo taatittino Doono Yeericho bi tunetoyich, aageteenaꞌonoo qeejjiibeeto bi, tunetoyichiye.

Shoddo 65:5

Yeeri noon Wodiyechocho, worganikkiti cadiqe mooyon tuniyoona no corootoon waayehine. Showee tuggooch beddaahaa, wohooch beeti baharooch beddaahaa, beetinaꞌoyich gibeno neene.

Shoddo 65:6

Ne giidoona guudinaꞌon manjiito neene; hakkoonoo ginee qiicoochoommon cuyeto neene.

Isiyaasi 30:15

Israꞌeelee Yaafoo tuneti Nuggishoo Doono Yeeri ishichiye: “ ‘Ta waan wottoonaa tooqqii kashoona wodemmo ittoshine; tooqqii kotoonaa taan gibenoona hakkoon danemmo ittoshine’ iyoye; tunebaani ittoshi qajje iyote.

Isiyaasi 41:22

Ittoshi shahalleenaꞌon deebote; gubb tunemmo amo gaata nooch geteete; boonoshi ciiroon no ariyemmoyich, eboshin kichi no kindiyemmoyich wonnee mooyon nooch geteete.

Isiyaasi 43:6

Ta anaami bushiishoonaa ta maache bushiishoona wohi showoochee, showee toommo bulliichee boonoshi woyemmoyich, dambi-waani showee asheenaꞌon, gawukkibote, deshi-waani showee asheenaꞌonoo bajjaahote, gettemmo taane.

Isiyaasi 45:21

Getote; ittoshi taggoon yaaꞌote; ikkotteree koceebote. Ebin shiichiꞌi gettito konine? Ebin wonna awaajjito konine? Doono Yeeri ta toone? Tayee bare nuggishoo aalloone; Cadiqoonaa Wodiyechona tuneto, tayee bare nuggishoo aalloone.

Isiyaasi 45:5

Ta, Doono Yeeri taane; tayee baroo aalloone; tayee bare nuggishoo aalloone; taan ariyoo ne qajjetaanona neen kupphiyemmo taane;

Isiyaasi 49:12

Ta asheenaꞌo wohi showoochee, eboshiyoo dambi-waaninaa aabi-gimonoochee, wotta eboshiyoo Aswaanee woyemminaꞌone” iye.

Isiyaasi 52:10

Doono Yeeri yaafe bi mochoon, aageteenaꞌo bullich bekkiyemmone; showee tuggeenaꞌo no Nuggishoochi wodiyoon beeggemminaꞌone.

Isiyaasi 55:5

Israꞌeelee Yaafoo, ne Nuggishoo Doono Yeeri ta, neen ta oogiitoyich, ne ariyaani aageteenaꞌon ceeggemmo neene; neen ariyaani aageteenaꞌo ne waan wocibee woyemminaꞌone” iye.

Isiyaasi 55:6

Bi danee beehooba Doono Yeerin qaawibote; bi katinnii beehooboo biin ceegote.

Isiyaasi 60:3

Aageteenaꞌo ne bekkooch, taateenaꞌo ne haree gaargaarooch woyemminaꞌone.

Isiyaasi 66:18

Boonoshi shuunoonaa boonoshi gaboonon ta ariyaa beetoyich, aageteenaꞌonaa baribare noonoona yibbaateebeeti asheenaꞌonon kicoyich woyemmo taane; boonoshiyoo waaree ta oogoon beeggemminaꞌone;

Erimiyaasi 33:16

Ebiyoobee yemeenooch Yihudee showeexi maccoo wodemmone; Yerusaalemi katemeexi asho diggoona beeyemmone; katemoo ceekkemmo ‘Doono Yeeri No Cadiqoone’ getenane” iye.

Hosee'i 13:4

Doono Yeeri ishichiye: “Tunebaani ta, Gibitsee ittoshin kichiti, ittoshi Nuggishoo Doono Yeeri taane. Tayee besh bare nuggishoo ittoshich aalloone. Tayee besh wodiyecho baroo aalloone.

Mikiyaasi 5:4

Biyoo qiddoo bi bagoon quyoommon, Doono Yeerichi giidoona, bi Nuggishoo Doono Yeerichi oogee yiiroona, bi asheenaꞌon quye qeejjemmone. Bi oogo showee toommo bulliich aricheto bi tunetoyich, bi asheenaꞌo keqqaalloon beeyemminaꞌone.

Mikiyaasi 7:7

Tunebaani ta, Doono Yeerin gibenemmo taane; taan wodiyechi Yeerin quye beeyemmo taane. Ta Nuggishoo ta qolloon waayemmone.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

Yowannisi 6:40

Yeerichi Bushoo taan ciinniꞌi bi mulloon ta toommooch tooꞌiibeeto bulli, bulli yemeenee kashoon bi danemmoyich ta Nihoochi daaggoo ebine; tawoo ciireexi aabooba qitoochee biin tiijjemmo taane” iye.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich: