Isiyaasi 45:19 - Kafa Linguistics Project

¹⁹ Ta, mandere showoochaa aashoona yibbaateyaano taane; Yaaqobichi yareenaꞌoyich, ‘Duuboon taan qaawibote’ getaano taane; Doono Yeeri ta, iberoon yibbaateho; tate mooyon awaajjiyo.

Isiyaasi 45:19 ပူးပေါင်းရင်းမြစ်များ

1 Kiinoo 28:8

“Andoo Doono Yeerichi iitoo tuneti Israꞌeelee asho bulli ciinnii beetaa, Yeeriyoo waayee beetaa, ittoshi Nuggishoo Doono Yeerichi geto bullin ittoshi quyemmoyich ittoshich gettoye. Ebin ittoshi tuniigaata, hini ittoshi woraashiti gaawe showooch beeyemmo ittoshine; ittoshi shiijjeroyichoo woraashiyemmo ittoshine.

2 Kiinoo 15:2

Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.

2 Kiinoo 7:14

ta shigoona ceekketi ta asheenaꞌo boonoshi qelloon giishiiꞌi boonoshi qollegaata, taan boonoshi qaawigaata, boonoshi gonde gommoochee boonoshi wottegaatoo, shimaayoochaa boonoshi qolloon waayemmo taane; boonoshi axaaxoon maaremmo taane; boonoshi showoonoo wodiyemmo taane.

Iziri 8:22

Ebiyee aaf taatoyich “Yeeri biin qaawii beetinaꞌon gaawe aafoona ciinnii beetone; tunebaani biin qajjitinaꞌo bulli toommooch bi kaaree shiixxoon kindiyemmone” iyaꞌa getteto noone. Ebich yeellaꞌa gommeexi etteenaꞌo waanee noon boonoshi quyemmoyich, ginee naayinaꞌonaa hareshechinaꞌonon taatoo waanee echeyaano taane.

Shoddo 12:6

Doono Yeerichi gibenee qaaro xalloone; qaaqqee gudoochaa ukkeeꞌi, shabaatte wottoon xalleti, birewoommone.

Shoddo 24:6

Biin qaawiibeeti shiijjeroo, Yaaqobichi Nuggishoon qaawiibeeto, ebiyoommone.

Shoddo 69:13

Doono Yeero, tunebaani ta, ne shunneti aabooba ne waan corootiyoye. Yeero, ne shoodee woddoona, xiisheeti ne wodiyoona, ta qolloon waayebe.

Shoddo 69:32

Xukketinaꞌo ebin beegiree emiremminaꞌone; Yeerich qeyitinaꞌote, ittoshi mullo goggebe.

Shoddo 78:34

Boonoshi daggooch qitoon bi geddimmona, bi waan wotteheete; mulloochee tiijjiꞌi bi waan wotteheete.

Shoddo 9:10

Doono Yeero, neen gibenee beetinaꞌon dufaano ne tunetoyich, ne shigoon arii beetinaꞌo bulli neen gibeneheete.

Shaahiyoo 1:21

Asho dulliibeeti xaaꞌoochaa ceeggaa beetine; katemee gimi kelloochaanoo ishichaa yibbaatee beetine:

Shaahiyoo 15:8

Gondeenaꞌochi deejjoo Doono Yeeri aafoochaa ciigeetone; tunebaani kaameenaꞌochi corooto biin emirikkiye.

Shaahiyoo 30:5

Yeerichi qaaro iberoone; biin gibenee beetinaꞌoyich gaachoone.

Shaahiyoo 8:6

Aafechi mooyon yibbaatemmi ta tunetoyich ellebote; kaame mooyo ta noonoochee kechemmone.

Isiyaasi 1:15

“Corootiya ittoshi kishoon ittoshi yaggigaata, ta aafoon ittoshi waanee badd wochemmo taane; woddiiꞌi ittoshi corootitaanona waayeyaachemmo taane; ittoshi kishoo damoona wooretone.

Isiyaasi 43:12

Gubb tunemmi mooyon shiichaꞌa getteto taane; awaajjito taane; ittoshinoo wodiito taane; ittoshi daggooch ebin tuniito dallaawe nuggishoo toonoone; ebich ittoshi ta miixoo ittoshine; ta, Nuggishoo taane” iye Doono Yeeri.

Isiyaasi 44:8

Shattaahote; keqqiyaahote; wonnee tiijjaꞌa ittoshich getaano taane? Ittoshi ta miixoo ittoshine; tayee bare nuggishoo beete? Tayee bare Xaqqee Inderoo aalloone; koninolla ariyaache” iye.

Isiyaasi 45:23

Cadiqe ta noonoochee qaaro kechitone; ebiyoo shaddeyaachemmone; ‘Gutenoo bulli taach goyinnemmone; heciyoo bulli taanna wogemmone’ iyaꞌa, ta qelloona wogeto taane.

Isiyaasi 45:25

Israꞌeelee yareenaꞌo bulli, Doono Yeeri taanna cadiqemminaꞌone; oogoon danemminaꞌone” iye.

Isiyaasi 48:16

“Ta waan katiniree ebin waayebote: Wonnee tiijjaꞌa aashoona yibbaateyaano taane; bi tuneti aaboochee tiijjaꞌa ta arooch beeto taane” iye. Andoo Nuggishoo Doono Yeerinaa bi Ayaanoona taan wochee deejjitone.

Isiyaasi 63:1

Edoomee showooch beeti Botsiri katemoochee ceelle tahoon taheꞌi ebi waabeeto konine? Oogoon taheto, bi giidoona shaaddeebee waabeeto ebi konine? “Cadiqo, giidechi Wodiyecho tuneti, taane.”

Isiyaasi 65:9

Yaaqob waanee shiijjeroon, Yihudi waanee ta guudinaꞌon woraashemminaꞌon deebemmo taane. Ta kaaccetinaꞌo showoon woraashemminaꞌone. Ta guuninaꞌoo arooch beeyemminaꞌone.

Isiyaasi 8:19

Asheenaꞌo ittoshin “Daccdacciibeeti, wottoo shaashikkeebeeti qaaxechinaꞌonaa allaameenaꞌonon echebote” gettemminaꞌone. Asheenaꞌo boonoshi Nuggishoon echi bedaacheete? Kashechochon qitoon echo qaawiyehe?

Erimiyaasi 2:31

Hini shiijjereenaꞌote, Doono Yeeri ta qaaroon waayebote. Iberoochaa Israꞌeelich shuuꞌi showoo woyee mandere showoo tunetote? Ta asho amoyich ‘No, gawukkoo noone; illa ne waan wotteyaachemmo noone’ iye?

Amootsi 5:4

Doono Yeeri Israꞌeeleenaꞌoyich ishichiye: “Ta waan wottebote; kashoona beeyemmo ittoshine.

Yowannisi 18:20

Yesuusiyoo wochiꞌi, “Asheenaꞌo bullich kaacha getteto taane; Ayihudeenaꞌo kiceebeeti kexonaa boonoshi bulli ikkooch kiceebeeti yaafee kexonoochaa bulli aaboon dojjito taane; aashoona gettaa ariyaano taane.

Yowannisi 7:26

Ebiyoche, kaacha gettii beehe amoone! Boonoshiyoo amoonolla getaacheete. Iberoon ukkireenaꞌo hini uro Kiristoosi bi tunoon ariiꞌi tunehe?

Yowannisi 7:28

Ebich Yesuusi yaafee kexoochaa dojjiibee bi qaaroon oogichiꞌi ishichiye: “Taanoo ariibeeto ittoshine; amoochee ta waato gaata ariibeeto ittoshine. Ta, ta qelloona waataano taane; tunebaani taan wocheto gibeneetone; ittoshi biin ariyaano ittoshine.

Yibbaatoo 29:29

“Gaxxeyaani mooyo no Nuggishoo Doono Yeerichone; tunebaani noonnaa no shiijjeroona bulli yemeenoon no quyemmoyich, Doono Yeeri bi sheeroon nooch gaxxitone” iye.

Yibbaatoo 32:4

Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.

Yaaqobi 4:3

Ittoshi qaatiibeeti mooyon Yeeri ittoshich bi immemmoyich qollehote; tunebaani ittoshi qaatoon ceechoyicha iꞌi gonde gaboona ittoshi qollee beetoyich, bi waanee daneyaachote.