Isiyaasi 45:18 - Kafa Linguistics Project

¹⁸ Shimaayeenaꞌon halliti Doono Yeeri, showoon halliti, shuuneti, manjiiti, beeyi xaaꞌoon bi tunemmoyichani, shokkoon bi tunemmoyich hallaani Yeeri ishichiye: “Ta, Doono Yeeri taane; tayee bare nuggishoo aalloone.

Isiyaasi 45:18 ပူးပေါင်းရင်းမြစ်များ

Halloo 1:1

Shiichiꞌi Yeeri shimaayoonaa showoonon halliye.

Halloo 1:2

Ebiyooba showoo malletaalloonaa amolla bi toommooch aalli hulloonane. Dunne manderoo wotta aacinaꞌo toommooch beehe. Yeerichi Ayaanoo aacinaꞌo toommooch dogii beehe.

Halloo 1:26

Aroyee gubb Yeeri “Ashoon no malletoona, noon shaahoonoo tunii hallibone; bahareexi haasheenaꞌon, shimaayoona yoobbiibeeti yoobbereenaꞌon, gijjeenaꞌonaa cooxinaꞌonon, showee toommona yuummiibeeti yuummere halleenaꞌo bullinoo hajjibeete” iye.

Halloo 1:28

Bi hallitoyee gubb, Yeeri boonoshin “Shiijje shiijjerebote; showoona ceenote; showee toommooch beetinaꞌo bullin hajjibote. Haasheenaꞌo toommooch, yoobbereenaꞌo toommooch, showee toommona shaꞌeebeeti halleenaꞌo bulli toommoochoo taatebote” ii diiriye.

Halloo 9:1

Yeeri Noohinaa bi bushiishoonon ishichiꞌi diiriye: “Shiijje shiijjerebote; showoo bulliichoo ceenote.

Shoddo 115:16

Shimaayeexi shimaayoo Doono Yeerichone; tunebaani showoon ashi bushiishoyich immiye.

Shaahiyoo 30:4

Shimaayooch kechii kindito konine? Yongoon bi kishooch uppii yechito konine? Aacon bi tahooch qulleto konine? Showee tuggeenaꞌo bullin manjiito konine? Bi shigoonaa bi bushoochi shigoona konine? Eke ne ariyaabeeto gaata gete.

Isiyaasi 42:5

Shimaayoon halliꞌi yaggiti, showoonaa bi daggooch beetinaꞌo bullinon shuuneti, aree toommooch beeti asheenaꞌoyich kashee hiinnoon immiti, arooch shaꞌee beetoyich ayaanoon immiti, Doono Yeeri ishichiye:

Isiyaasi 44:24

Ne indee maacoochoo neen halliti, neen Biishechi Doono Yeeri ishichiye: “Bullin hallito, shimaayeenaꞌon ta ikkeeto yaggito, showoon hecceto Doono Yeeri taane; ebiyooba taanna tookkii koniyoona aalloone.

Isiyaasi 45:12

Showoon shuuneto, ashoon aree toommooch hallito, taane; shimaayeenaꞌon yaggito ta kishoone; shimaajji halleenaꞌon qociito taane.

Isiyaasi 48:13

Ta kishoo showee hecoon heccitone; ta qanne kishoo shimaayoon yaggitone; boonoshin ta ceeggemmona, ikkittinoona neexeheete.

Isiyaasi 51:13

Shimaayoon yaggiti, showoonoo kottiti, ittoshin halliti Doono Yeeri taan batteto ittoshine; aalliiya qanniꞌi ittoshin xuqqii beetochi naboona bulli aaboon keqqoona beehote; ishigaataa, boonoshi kaaro aaye?

Erimiyaasi 10:12

Showoon bi hakkoona hallito, bi ariyoona showee tuggeenaꞌon manjiito, bi shalligoona shimaayoon yaggito, biine.

Erimiyaasi 51:15

Showoon bi hakkoona hallito, bi ariyoona showee tuggeenaꞌon manjiito, bi shalligoona shimaayoon yaggito, biine.