Isiyaasi 45:15 - Kafa Linguistics Project

¹⁵ Wodiyechi Israꞌeelee Nuggishoocho, ne, ne qelloon aachaabeeti Nuggishoo neene.

Isiyaasi 45:15 ပူးပေါင်းရင်းမြစ်များ

Isiyaasi 8:17

Bi aafoon Yaaqobichi yareenaꞌo waanee bi wochitaanona, Doono Yeerin quyemmo taane; biinoo gibenemmo taane.

Shoddo 44:24

Ne aafoon badd ne wochaabeeto amoyichiye? No xuuxoonaa no neexxeyoonon aaxxiyaache ne iyaabeeto amoyichiye?

Isiyaasi 57:17

Gonde bi woddellittinoyich biin kaarehoye; biin naxaꞌa, kaaroona ta aafoon bi waanee badd wochiyoye; tunebaani gubb wotteꞌi bi gaba hammiye.

Isiyaasi 46:13

Ta cadiqoon deebaabeeto taane; ebiyoo woho toonoone; ta wodiyoo yagaachemmone; Tsiyoonin wodiyemmo taane; ta oogoonoo Israꞌeelich immemmo taane” iye.

Shoddo 77:19

Ne gommo baharee daggooch beetone; ne kaattoo ooge aachi daggoochiye; tunebaani ne hilloo arooch bekkeyaanoone.

Yowannisi 4:22

Ittoshi, ittoshi ariyaanoyich goyinneebeeto ittoshine; tunebaani no, no arii beetoyich goyinnaabeeto noone. Ebiyoo wodoo bi daneebeeto Ayihudeenaꞌo waanaa bi tunetoyichiye.

Isiyaasi 45:17

Tunebaani Doono Yeeri, bulli yemeenee wodoon, Israꞌeeleenaꞌon wodiyemmone; ittoshiyoo bulli yemeenoon yeelleyaachemmo ittoshine; giisheyaachemmo ittoshine.

Isiyaasi 43:11

Ta, Doono Yeeri taane; tayee besh wodiyecho aalloone.

Isiyaasi 43:3

Israꞌeelee Yaafoo ne Nuggishoo Doono Yeeri ta, neen Wodiyecho taane; neen biishoyich Gibitsin immemmo taane; ne qoodoyich Topphiyoonaa Seebinon immemmo taane.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Shoddo 68:26

Boonoshiyoo, “Ooge iitee daggoochaa Yeerin galletebote; Israꞌeelichi shiijjereenaꞌote, Doono Yeerin galletebote” gettemminaꞌone.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.

Mishiraachechinaꞌo 13:23

“Wotta ‘Hini uroochi yaroochee Israꞌeeleenaꞌoyich wodiyecho tunemmo kechemmone’ iꞌi bi gibenikkiti gibenoona Yesuusi waatone.

Mishiraachechinaꞌo 5:31

Biinoo Yeeri axaaxee gommoochee bi waan wottoonaa maaroonon Israꞌeeleenaꞌoyich bi immemmoyich, bullichi Shimboonaa Wodiyechonon tuniiꞌi bi qanne badd kotiitone.

Yowannisi 4:42

Ureyichoo “And no mulloon bi toommooch no tooꞌiito, ne noonoochee no waayetoyich toonoone; no qelloona no bi noonoochee waayaꞌa, iberoon alemooch beetinaꞌo bullin Wodiyecho bi tunoon no ariitoyichiye” iyeete.

Isiyaasi 60:16

Bushiishoo xanon xamoommon, aageteenaꞌonaa taateenaꞌonochi gaannoon xammemmi neene; Doono Yeeri ta, Yaaqobi goyinneebeeti Giidechi Nuggishoo, neen Wodiyechonaa neen Biishechona ta tunoon ariyemmi neene.

Yowannisi 13:7

Yesuusiyoo wochiꞌi, “Ta tuniyaa beeton and ariyaano neene; tunetaa gubb ariyemmo neene” iye.

Isiyaasi 1:15

“Corootiya ittoshi kishoon ittoshi yaggigaata, ta aafoon ittoshi waanee badd wochemmo taane; woddiiꞌi ittoshi corootitaanona waayeyaachemmo taane; ittoshi kishoo damoona wooretone.

Isiyaasi 19:20

Ebiyoo Gibitsee showooch Beshe Mawe Doono Yeerich malletoonaa miixoona tunemmone; asheenaꞌo boonoshin xuuxii beetinaꞌochi naboona Doono Yeer waan boonoshi cookaa, wodiyechonaa gaachoonon boonoshich deejjemmone; biyoo boonoshin wodiyemmone.

Iyoobi 10:13

“ ‘Tunebaani, mooyon ne mullooch yechehine; ne gaboo ebi bi tunoon ariito taane.

Iyoobi 23:3

Bi beeti xaaꞌoon abo ariishoo getota! Bi nallee gabberooch hammesho taane.

Iyoobi 23:9

bi shuuneebeeti yooche badd hammaa qaawaa muccehoye; qanne badd ta wottetaanoo arooch aallehe.