Isiyaasi 45:1 - Kafa Linguistics Project

¹ Aageteenaꞌo biich hajjeyemmoyich, taateenaꞌochi giidoon bi giishiyemmoyich, kello bi aafooch hicheyaanoon, qechoo bi tunemmoyich, bi qannoona bi yechiti, bi huuttiti Qiroosich, Doono Yeeri ishichiye:

Isiyaasi 45:1 ပူးပေါင်းရင်းမြစ်များ

1 Taateenaꞌo 19:15

Doono Yeeriyoo biich, “Ne hilla wotteree, Damaasiqi gaꞌooch beeti barahooch hambe; arooch shagiree, Hazaheelin Sooriyee taatoo bi tunemmoyich huute.

Iziri 1:1

Qiroosi Faariisee showooch bi taateti, batti batti natooba, Erimiyaasi noonoona getteeti, Doono Yeerichi qaaro bi ceennemmoyich, Doono Yeeri Faariisee taatoo Qiroosi mullo tiyemmoyich tuniihe. Biyoo bi taatee showoo bulliich awaajjoon gettiihe; ebi awaajjoo ishichaa bi kooreyemmoyich tuniihe:

Iziri 1:2

Faariisee taatoo Qiroosi ishichiye: “Shimaajji Nuggishoo Doono Yeeri showee toommooch beeti taatittino bullin taach immitone. Yihudee showooch beeti Yerusaalem yaafee kexon biich ta haggemmoyichoo taach gettitone.

Iyoobi 12:21

Showoon qeejjii beetinaꞌon giishiihe; giidechinaꞌochi shimetoon niriihe.

Shoddo 73:23

Tunebaani ta bulli aaboon neenna tookkaa taane; newoo ta qanne kishoon yechehine.

Isiyaasi 13:2

Shokkaachoo tuneti geppee toommoochaa malletoon tiijjibote; qaaroon oogichiree cookibote; ogoogeenaꞌochi kelloonoo boonoshi giyemmoyich, kishoona malletebote.

Isiyaasi 13:3

Ta kaaroon boonoshi ceechemmoyich, taacho tuneti yaafeetinaꞌon wocheto taane; wudoon ta dano boonoshin emirikkiibeeti ta ginee naayinaꞌon ceeggeto taane.

Isiyaasi 41:13

Ne Nuggishoo Doono Yeeri ta, ‘Neen gaachemmo taane; shattaahine’ iyaꞌa, ne qanne kishoona yecheto taane.

Isiyaasi 41:2

“Aabi-keyo waanee ikkoon tiijjito, bi hammito bulliichaa wudoon daniito konine? Aageteenaꞌon bi aafooch beshiiꞌi immiye; taateenaꞌoo biich hajjeyemmoyich tuniihe; bi goraadoona boonoshin quttoon tuniihe; bi maꞌoonoo yongo daammiibeeti maaxxoon tuniihe.

Isiyaasi 41:25

“Dambi-waanee ikkoon tiijjiyoye; biyoo waatone; aabi-keyoochee woyemmo ta shigoon ceeggemmo biine; nuuqqee achecho nuuqqoon bi neexoommon, biyoo ukkireenaꞌon neexxemmone.

Isiyaasi 42:6

“Doono Yeeri ta, neen cadiqoona ceeggeto taane; ne kishoonoo yechemmo taane; neen quyemmo taane; ta asheenaꞌoyich wogoon, aageteenaꞌoyichoo bekkoon, neen tuniyemmo taane.

Isiyaasi 44:28

Qiroosin ‘Ta asheenaꞌon qiddemmone; aroo ta daaggoo bullin ceechemmone’ gettemmo taane; Yerusaaleminoo ‘Wochinnoon shuuneyemmine’ gettemmo taane. Yaafee kexonoo ‘Ne heco hecceyemmone’ gettemmo taane” iye.

Isiyaasi 45:5

Ta, Doono Yeeri taane; tayee baroo aalloone; tayee bare nuggishoo aalloone; taan ariyoo ne qajjetaanona neen kupphiyemmo taane;

Isiyaasi 48:15

Ebin getteto taane; biin ceeggetoo halla taane; biin deebeto taane; bi gommoo kaamemmone.

Erimiyaasi 27:6

Andoo ebi showoo bullin ta maddecho tuneti Baabloonee taatoo Nabukadinatsorich immeto taane; biich boonoshi hajjeyemmoyich, kubbi cooxinaꞌonoo immeto taane.

Erimiyaasi 43:10

Boonoshichoo ishichibe: Israꞌeelee Nuggishoo, Beshe Mawe Doono Yeeri ishichiye: ‘Ta guuno tuneti Baabloonee taatoo Nabukadinatsorin wochiiree deebemmo taane; biyoo bi taatee qeenon ebi duukketi xaqqee toommooch kotiyemmone; bi taatee duukkaanoonoo aree toommooch xogemmone.

Erimiyaasi 50:3

Dambi-waanee asho biin kocha waatone; biinoo shokkoon echiyemmone; arooch koniyoona koteyaachemmone; ashoonaa gijjoona woci aallemmone” iye.

Erimiyaasi 50:35

“Goraado Kalidee asheenaꞌo toommoochiye” iye Doono Yeeri. “Baabloonee showooch beetinaꞌo toommooch, bi ukkireenaꞌonaa ariyechinaꞌonochi toommoochiye!

Erimiyaasi 51:11

“Ittoshi shangeenaꞌon hachibote; ittoshi gaacheenaꞌonoo qanniibote; Doono Yeerichi gaboo Baabloonin aalliyooch bi tunetoyich, Meedee taateenaꞌochi mulloon shuurikkitone; ebiyoo Doono Yeeri bi yaafee kechi nichoon kichemmo bi tunetoyichiye.

Erimiyaasi 51:30

Baabloonee ginee naayinaꞌo koyoon qajjitinaꞌone; boonoshi mishigooch kotetinaꞌone; boonoshi hakkoo niretone; maacheen shaahitinaꞌone; bi kexinaꞌonoo qaaqqoo maatone. Bi tuggeenaꞌo kuxetinaꞌone.

Erimiyaasi 51:58

Beshe Mawe Doono Yeeri ishichiye: “Baabloonichi tagge uxeroo happeyemmone; bi genje kelleenaꞌo qaaqqoona miccemminaꞌone, asheenaꞌochi aayo duubemmone; aageteenaꞌochi shuunoo qaaqqooch tunemmone” iye.

Hiziqeeli 29:20

Biinnaa bi ginee naayinaꞌona taach boonoshi shuunetoyich, boonoshi maddetoyichoo Gibitsee showoon biich gaaco tuniyaꞌa immeto taane; Nuggishoo Doono Yeeri ta ebin getteto taane.

Daaneeli 5:6

Biyoo oogeton keqqiye; bi halloo shaddeehe; bi baatoo qajjiye; bi tingoo qewehe.

Daaneeli 7:5

Guttinnee cooxo diiboon shaahoone. Biyoo gubbi baatoona neexeechii kaama qaallitone. Bi kookkooch, bi gashee daggooch keejje naabee shaawusho beetone. Biinoo “Tiyiree ne qettee wottoon meenon mame” iyeete.

Daaneeli 8:3

Ta aafoon kaachii ciinnaꞌa, gutte genje qarechi bagee baaddoo aachi gaꞌooch neexee beeton beeggeho. Ikke qaro baroyee beshoon genjoone; ebi genjoo gubbiye colleꞌi bi diccito.

Daaneeli 8:4

Ebi bagee baaddoo aabi-gimooch, dambi-waaninaa deshi-waaninon guuddiꞌi bi qaroona bi kochii beetaa, beeggeho. Cooxo taane itoochee biin hakkiꞌi wochito aalloone; bi kishoocheenoo wodiyoon hakkito, koniyoona aalloone. Tuniiya bi qaawito bullin tuniihe; giidechonoo tunehe.

Naahoomi 2:6

Woce aaco giyiibeeti kelloon qechiyeete; taatee kexooch beetinaꞌo keqqoona qeweheete.

Naahoomi 3:13

Ittoshi ginee naayinaꞌo maacheyoomminaꞌone; ittoshi showooch giyeebeeti kelleenaꞌo, ittoshi etteenaꞌoyich gamichaa qecheetinaꞌone. Boonoshi tuggeenaꞌon qaaqqoo michii aalliitone.