Isiyaasi 44:9 - Kafa Linguistics Project

⁹ Shahalleenaꞌon shuunee beetinaꞌo bulli duubeenaꞌone; boonoshi aaxxiibeeti mooyinaꞌoo gaacaalleenaꞌone; boonoshi miixeenaꞌo ciinaacheete; amoonolla ariyaacheete; ebich yeellemminaꞌone.

Isiyaasi 44:9 ပူးပေါင်းရင်းမြစ်များ

2 Taateenaꞌo 19:18

boonoshi nuggisheenaꞌochi misilonoo qaaqqooch duppiꞌi michitinaꞌone; mixonaa xaqqoonoochee shuuneeti, ashi kishee shuuneenaꞌoani, nuggisheenaꞌo tuno boonoshi qajjitoyich, aalletinaꞌone.

Shoddo 115:4

Boonoshi shahalleenaꞌo birewoonaa aachoonoochee, ashi kishoona shuuneetinaꞌone.

Shoddo 115:8

Boonoshin shuunetinaꞌo, boonoshin gibenee beetinaꞌo, boonoshiyoomminaꞌone.

Shoddo 135:18

Boonoshin shuunetinaꞌo boonoshin shaahibeete; boonoshin gibenee beetinaꞌo boonoshin shaahibeete.

Shoddo 97:7

Shahalleenaꞌoyich goyinnee beetinaꞌonaa boonoshina yebenee beetinaꞌona, yeellemminaꞌone; nuggisheenaꞌote, bi aafooch goyinnebote.

Isiyaasi 26:11

Doono Yeero, ne mochoo kaama tiyitone; tunebaani ne etteenaꞌo beegaaneenaꞌone. Ne asheenaꞌoyich am shaahoon ne qanaataabeeto gaata, ciiniree yeellebeete; boonoshich ne qanniiti qaaqqoo, ne etteenaꞌon mame.

Isiyaasi 41:24

Ittoshiyoo tunebot, ittoshi tuniibeetoo duuboone; ittoshich goyinnee beetinaꞌoo tiyaareetinaꞌone.

Isiyaasi 41:29

Ebiyoche, ebi nuggisheenaꞌo bulli gaacaalleenaꞌone; amoonolla tuniyoon hakkaaneenaꞌone; boonoshi misileenaꞌoo shokke yongeenaꞌone” iye.

Isiyaasi 42:17

Shahalleenaꞌon gibenee beetinaꞌo, misileenaꞌon ‘Ittoshi no nuggishoo ittoshine’ ii beetinaꞌo yeelleree, gubb wottemminaꞌone” iye.

Isiyaasi 42:18

Ulleenaꞌote, waayebote; wolleenaꞌote, gaawichiree ciinote.

Isiyaasi 43:8

Yeeri ishichiye; “Aafo boonoshich beetaa wolleti, waamo boonoshich beetaa ulleti, asheenaꞌon deebote.

Isiyaasi 43:9

Aageteenaꞌo bulli ikkooch kiceebeete; asheenaꞌo kiceebeete; boonoshi daggoochee and tunee beeton gettito, wonnee mooyonoo shiichiꞌi nooch bekkiito, konine? Boonoshi miixeenaꞌon boonoshi deebaa, iberoo boonoshi tunoon kachiibeete; asheenaꞌoo waayeree, ‘Ebi iberoone’ geteete.

Isiyaasi 44:11

Ebiyoommi misiloyich goyinneebeeto bulli yeelle ceellemmone; shahalloon shuunee beetinaꞌo asheenaꞌone; eke boonoshi bulli ikkooch kiceeree neexebeete; bulliyona keqqemminaꞌone; ikkittinoona yeelleminaꞌone.

Isiyaasi 44:18

Ebiyoommi asheenaꞌo shalligaalli mullaalleenaꞌone; boonoshi aafo kaappetone; ebich beegon hakkaacheete; boonoshi mulloo kaappetone; ebich gaboon hakkaacheete.

Isiyaasi 44:20

Tulloon baaxxiye; muricechi bi mullo biin muriciitone; bi qelloon wodiyoon woyee “Ebi ta qanne kishooch beeto koote mooyo toone?” geton hakkaache.

Isiyaasi 45:16

Shahalloon shuunee beetinaꞌo bulli, yeellemminaꞌone; giishemminaꞌone.

Isiyaasi 45:20

“Aageteenaꞌoochee muriccitinaꞌote, wobote; ikkooch kiceeree giddebote. Mixoochee shuuneeti shahalloon shaaggii beetinaꞌoyich, wodiyoon hakkaaneenaꞌo waan corootii beetinaꞌoyich, mullo aalloone.

Isiyaasi 57:12

Cadiqe ne shuunoo gettee beeton gaxxi bekkiyemmo taane; tunebaani neech gaacaachemminaꞌone.

Isiyaasi 65:13

Ebich Nuggishoo Doono Yeeri ishichiye: “Ta guuninaꞌo maayemminaꞌone; tunebaani ittoshi shaacemmo ittoshine; ta guuninaꞌo uchemminaꞌone; tunebaani ittoshi shachewemmo ittoshine; ta guuninaꞌo emiremminaꞌone, tunebaani ittoshi yeellemmo ittoshine;

Erimiyaasi 14:22

Iberoochaa aagetee nuggisheenaꞌo daggooch, amiyon dichoon hakkemmo danehe? Woyee shimaayoo amiyon dichoon hakkehe? No Nuggishoo Doono Yeeri ne toono neene? Ebi bullin tuniibeeto ne tunetoyich, no gibenaabeeto neeniye.

Erimiyaasi 2:11

Nuggishoon tuno boonoshi qajjitaanona, boonoshi nuggisheenaꞌon shadditi asheenaꞌo beeteete? Tunebaani ta asheenaꞌo, boonoshich oogoon immeti boonoshi Nuggishoo taan, gaacaalli mooyona shadditinaꞌone.

Erimiyaasi 2:26

Doono Yeeri ishichiye: “Gaayo bi yechehooba bi yeelloommon, Israꞌeelee kechi asheenaꞌo yeellemminaꞌone; boonoshi, boonoshi taateenaꞌo, boonoshi iraasheenaꞌo, boonoshi qeesheenaꞌonaa boonoshi keemechinaꞌona yeellemminaꞌone.

Daaneeli 11:38

Eboshichi qoodoon mishigeenaꞌon quyeebeeti nuggishoon oogiyemmone; bi qaabbechinaꞌo ariyaani nuggishoyich aachoon, birewoon, aaxxe xaqqeenaꞌonaa aaxxe wojjoonon giddiyemmone.

Daaneeli 5:23

Ne qelloon shimaajji Nuggishoyee damba tuniyaꞌa, bi yaafee kechi uyee qiiceenaꞌo woyemmoyich tuniihine. Ne, ne iraasheenaꞌo, ne mecheenaꞌonaa ne naamacheenaꞌona aroona woyinee uyoon uchiyote. Uchiibee birewoochee, aachoochee, gooshoochee, xuuroochee, mixonaa xaqqoonoochee shuuneeti, ciinon, waayoonaa ariyoonon hakkaani, nuggisheenaꞌochi misiloon galletehote. Tunebaani ne kashoon, ne shaaddo bullinoo bi kishooch yechiti Nuggishoon oogiyaano neene.

Roomi 1:22

“Ariyecho noone” iibee mullaalleenaꞌo tuneheete.

1 Qorontoosi 8:4

Illa and shahalloyich deejjeeti deejjoon mamichon bi tunegaata, shahalloo koote nuggishoo bi tunoonaa ikke Yeeriyee damba bare nuggishoo aallo bi tunoonon ariibeeto noone.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Efesooni 4:18

Boonoshi tuushoonaa mullee muumoonoochee tiyitona boonoshi mullo kaappehe; ebich boonoshiyoo Yeer waanee daneebeeti andire kashoochee wokkiyeete.

Efesooni 5:8

Ebiyee aaf manderoo ittoshine; tunebaani and Doono Yesuusina, bekko ittoshine; bekko aafeebeeti aafo deꞌittino, cadiqittinoonaa iberittino bullinane; ebich Doono Yeerin emirikkemmo aabi gaata bariiree, bekkee bushiisheenaꞌochoommon beebote.

Yibbaatoo 27:15

“ ‘Ariyechi ashi kishoona shuuneeti, Doono Yeeri aafoochaa shicheti, xaqqoochee, mixoochee woyee xuuroochee shahalloon shuuneꞌi aashoona goyinneebeeto uppeton tunebe’ geteete. “Asheenaꞌo bulliyoo ‘Ameena’ geteete.

Yibbaatoo 4:28

Ebi aroochaa ciinon woyee waayoon woyee mamon woyee shiiqqoon hakkaani, mixoochee woyee xaqqoochee, ashi kishoona shuuneeti nuggisheenaꞌoyich goyinne maddemmo ittoshine.

Woraaferasheenaꞌo 10:14

Ittoshich ittoshi kaacciti nuggisheenaꞌo waan hamiree, boonoshi waan cookibote. Eke ittoshi duꞌehooba, boonoshi ittoshin shiwe wodiibeete” iye.