Isiyaasi 44:3 - Kafa Linguistics Project

³ Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Isiyaasi 44:3 ပူးပေါင်းရင်းမြစ်များ

Iyoobi 5:25

Ne shiijjeroo meettemmone; ne yoodo mocee waamo woddoommon woddemmone.

Shoddo 107:35

Barahoon kote aachi xaaꞌoo shuuꞌi showoonoo aachi tunoo, tuniihe.

Shoddo 63:1

Yeero, ne ta Nuggishoo neene; neen oogichaꞌa qaawaabeeto taane; aachaalli shuuꞌi showoochaa, ta kashe neen qaatiyane; ta meenoo neen sharaatehe.

Shaahiyoo 1:23

Ta ciicoon waayebe; ta ayaanoon ittoshich ukkemmi taane; ta qaaroonoo ittoshi ariyemmoyich tuniyemmi taane.

Isiyaasi 27:3

Doono Yeeri ta, quyecho taane; bulli aaboon aacon uchiyoye; koniyoona biin bi duubiyaachemmoyich, areddoonaa xumoonon quyehoye.

Isiyaasi 32:15

Ebi tunemmo, dambee no toommooch Ayaano ufemmi wottoon, barahoo qeemi showoon tunemmi wottoon, qeemi showoo shaaroon shaahimmi wottooniye.

Isiyaasi 32:2

Eboshiyoo boonoshi ikkikkoona yongoonaa yuboonoochee aashee xaaꞌoommon, baraheexi aachi xuuphoommon, shuuꞌi showoochaa xaqqee guudee yiiroommon tunemminaꞌone.

Isiyaasi 41:17

“Girechinaꞌonaa iritechinaꞌona aacon mucceheete; aacon qaawii mucceꞌi, shachewoona boonoshi heciyoo shuuqqiye; Doono Yeeri ta, boonoshi qolloon waayemmo taane; Israꞌeelee Nuggishoo ta, boonoshin dufaachemmo taane.

Isiyaasi 48:19

Ne shiijjeroo haddaa ciireyaani, baharee gasheexi qacoommon tuneshone; boonoshi shigo ciroona ta aafoochee, kuxeree aalleyaacheshone” iye.

Isiyaasi 48:21

Barahoona boonoshin bi yaabiyooba shacheweyaaneenaꞌone; xaqqoochee aaco boonoshich bi xuupphemmoyich tuniihe; xaqqoon bi gaahaa aaco bubiye.

Isiyaasi 49:10

Shaacoonaa shachewoona boonoshin yeshaachemmone; gaame yongo woyee aabee michoo boonoshin yexaachemmone; boonoshich ariqqeebeeto boonoshin yaabemmone; aachi xuupho waan boonoshin daammemmone.

Isiyaasi 55:1

“Shachewetinaꞌote, ittoshi bulli aacooch wobote; ittoshi kememmi gijjaalleenaꞌote, waaree keme mamote. Woyinoonaa ejjoonon gijjaalloon, gatiyaalloon kemebote.

Isiyaasi 59:21

Doono Yeeri ishichiye: “Boonoshina tookki ta giyemmi wogo ebine: Ne toommooch ta kotiiti ta Ayaano, ne noonooch ta kotiiti qaaro, hanaachee tiijji bulli yemeenooch beddaahaa ne noonoochee, ne bushiisheenaꞌo noonoochee, ne bushaa bushiisheenaꞌo noonoochee baraachemmone” iye Doono Yeeri.

Isiyaasi 61:9

Boonoshi shiijjereenaꞌo aageteenaꞌo daggooch, boonoshi yareenaꞌo asheenaꞌo daggooch arichetinaꞌo tunemminaꞌone; boonoshin beeggimmo bulli, Doono Yeeri taanna diireetinaꞌo boonoshi tunoon ariyemmone” iye.

Isiyaasi 65:23

Boonoshinaa boonoshi bushiishoona Doono Yeerina diireetinaꞌo boonoshi tunetoyich, duuboon aayaachemminaꞌone; aallemmi bushiishoon shiyaachemminaꞌone.

Hiziqeeli 34:26

Boonoshinaa ta geppee guudooch beeti xaaꞌeenaꞌonon diiremmo taane; amiyon bi goori gooroona dichemmo taane; ebiyoo diiree amiyon boonoshich tunemmone.

Hiziqeeli 36:27

Ta Ayaanoon ittoshi kashooch kotiyoona ta qociyoona ittoshi shaaddemmoyich, ta getoonoo manjii ittoshi quyemmoyich, tuniyemmo taane.

Hiziqeeli 39:29

Ta Ayaanoon Israꞌeelee macceenaꞌochi toommooch ta woniitoyich, ebiyee bekk ta aafoon boonoshiyee badd wochaachemmo taane; Nuggishoo Doono Yeeri ebin getteto taane” iye.

Hiziqeeli 47:8

Aroochee taach ishichiye: “Ebi aaco aabi-keyo waani showooch, desh Yoordaanoosi bambooch woccemmone; aroochee Kiikki baharooch bi giyaa areexi aaco xallemmone.

Hosee'i 10:12

Ittoshi qellich cadiqoon shoohote; shoodeyee aafoon qecote; gocheyaani showoon goyote. Ebiyoo ta waaꞌa cadiqoon ittoshi toommooch amiyochoommon ta dichimmi wottoon Doono Yeeri ta waan ittoshi wottemmi aabo bi tunetoyichiye.

Yoꞌeeli 2:27

Israꞌeelee asho ittoshi daggooch ta beemon, Doono Yeeri ta, ittoshi Nuggishoo ta tunoon, tayee bare nuggishoo aallo bi tunoon, ariyemmo ittoshine. Ta asheenaꞌo ciroona wochinnoon yeelleyaachemminaꞌone” iye.

Yoꞌeeli 2:28

Doono Yeeri ishichiye: “Ebiyee bekk, ta Ayaanoon meeno taheti asho bulli toommooch woniyemmo taane; ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi geeneenaꞌo gumon gummemminaꞌone; gurimaasheenaꞌoo yaaꞌoon beeggemminaꞌone.

Yoꞌeeli 3:1

Doono Yeeri ishichiye: “Aroobee aaboonaa yemeenoonooch, Yihudee showoonaa Yerusaaleminochi kecoon wochemmo taane.

Yoꞌeeli 3:18

Ebiyooba, guudinaꞌooch woyinee qomboo ceennemmone; geppeenaꞌoochoo shaappeebeeti miiminaꞌo gasheyemminaꞌone. Yihudee showooch beeti bamboo bulliich aaco ceennemmone; Doono Yeerichi yaafee kexoochee, aaco xuupphemmone; Shixiimi bamboonoo uchemmone.

Mikiyaasi 5:7

Curo tuneꞌi echeti Israꞌeeleenaꞌo meeti aageteenaꞌo daggooch, dicciibeeti mocee toommooch Doono Yeer waanee kindiibeeti doshoommon (caagibanoommon), kucheebeeti amiyoommon tunemminaꞌone. Boonoshiyoo boonoshi gibenemmo Yeerinalli ashoon toonoone.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

Maatiyoosi 12:43

Yesuusi aroochee daakkiꞌi ishichiye: “Yinno ashi toommoochee bi tiyitoyee gubb, bi kashemmi xaaꞌoon qaawiibee aachaalli showoona guuddiye; tunebaani daneyaanoon muccehe.

Mishiraachechinaꞌo 10:45

Pheexiroosina tookkii waati, boonoshi mulloon Yesuusi toommooch tooꞌiiti Ayihudeenaꞌo, Yeerichi wojjoo tuneti Yaafe Ayaano Aageteenaꞌo toommooch bi kindoon beeggiꞌi worganeheete.

Mishiraachechinaꞌo 2:17

‘Yeeri ishichii beetone: “Yemeenee ciirooba ebiyoommon tunemmone: Meeno taheti asho bulli toommooch ta Ayaanoon woniyemmo taane. Ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi gurimaasheenaꞌo yaaꞌoon beeggemminaꞌone; geeneenaꞌoo gumon gummemminaꞌone.

Mishiraachechinaꞌo 2:33

Andoo Yeerichi qanne badd oogoona koteꞌi bi Nihoo Yeeri gibenikkiti Yaafe Ayaanoon bi waanee deqqiꞌi, hini and ittoshi beeggii beetonaa waayee beetonon ukkiye.

Mishiraachechinaꞌo 2:39

Gibenikkeeti gibeno ittoshinaa ittoshi bushiishoonoyich, no Doono Yeeriyoo bi waan bi ceeggiibeeti, wohooch beetinaꞌonoyichiye” iye.

Yaaꞌoo 21:6

Wotta taach ishichiye: “Illa mooyo bulli ceennitone. Alfoonaa Oomeegoona, Shiichoonaa Tacona taane; shachewetoyich kashee aachi xuuphoochee baad cikki immemmo taane.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.