Isiyaasi 43:7 - Kafa Linguistics Project

⁷ Boonoshi ta shigoona ceekketi, ta oogoyichoo ta halliti, ta asheenaꞌone” iye.

Isiyaasi 43:7 ပူးပေါင်းရင်းမြစ်များ

Shoddo 100:3

Doono Yeeri Nuggishoo bi tunoon ariibote; noon hallito biine; nowoo biicho noone; gaddooch beeti bagoommi bi asho noone.

Shoddo 50:23

Galletee deejjoon deejjiibeeto taan oogiihe; bi gommon kaachii beetoyich, ta wodiyoon bekkiyemmo taane” iye.

Isiyaasi 27:11

Michi ateenaꞌo boonoshi shuuꞌiyooba tiisheheete; maacheenaꞌo qaaqqooch shookka maciyeete; shalligaalli asheenaꞌo boonoshi tunetoyich, boonoshin Hallito boonoshich ariqqeyaachemmone; boonoshin Hallito boonoshin gaawe aafoona ciinaachemmone.

Isiyaasi 29:23

Ta kishee shuunoo tuneti boonoshi bushiishoon boonoshi daggooch boonoshi beegiyooba, ta shigoon yaafoo tuniyemminaꞌone; Israꞌeelee Yaafoon oogiyemminaꞌone; Israꞌeelee Nuggishoon shattemminaꞌone.

Isiyaasi 43:1

Yaaqobo, Israꞌeelo, neen halliti, Doono Yeeri and ishichii beetone: “Neen biisheto taane; shattaahine; ne shigoona neen ceeggeto taane; ne taacho neene.

Isiyaasi 43:21

Ta qellich ta halliti asheenaꞌo, taan gallete shoddemminaꞌone” iye.

Isiyaasi 44:23

Doono Yeeri ebin bi tuniitoyich, Doono Yeeri Yaaqobin bi wodiitoyich, Israꞌeeleenaꞌo daggooch bi oogoon bi bekkiitoyich, shimaayeenaꞌote, biich shoddebote; showee ducheenaꞌote, oogii cookibote. Guudinaꞌote, kubbeenaꞌonaa bi daggooch beeti mixinaꞌonote, ililibote.

Isiyaasi 46:13

Ta cadiqoon deebaabeeto taane; ebiyoo woho toonoone; ta wodiyoo yagaachemmone; Tsiyoonin wodiyemmo taane; ta oogoonoo Israꞌeelich immemmo taane” iye.

Isiyaasi 48:11

Ta qellicha getiree, eeha, ta qellicha getiree, ebin tuniyemmo taane; taan boonoshi giishiyemmoyich, aabichiree tuniyehote? Ta oogoon konichona imaachemmo taane.

Isiyaasi 56:5

ta kexonaa ta uxeree daggoonoochee anaami bushiishoonaa maache bushiishoonoyee beshe shalligeyoonaa shigoonon boonoshich immemmo taane; bulli aabooch batteyaani shigoon boonoshich immemmo taane” iye.

Isiyaasi 60:21

Ne asheenaꞌo bulli cadiqeenaꞌo tunemminaꞌone; showoon bulli yemeenooch woraashemminaꞌone; boonoshiyoo, ta oogo bekkemmoyich ta shuuneti ta kishee shuuneenaꞌo, ta bechiti becheenaꞌone.

Isiyaasi 63:19

Nowoo, neech hajjeyaani, ne shigoonoo ceekkeyaani ashoommon tuneto noone.

Erimiyaasi 14:9

Biich yoocheti ashoommon, wodiyoon hakkaani ginee anaamoommon ne tunaabeeto amoyichiye? Tunebaani Doono Yeero, ne andoo no daggooch neene; nowoo ne shigoona ceekketo noone; noon qajjaahine.

Erimiyaasi 33:16

Ebiyoobee yemeenooch Yihudee showeexi maccoo wodemmone; Yerusaalemi katemeexi asho diggoona beeyemmone; katemoo ceekkemmo ‘Doono Yeeri No Cadiqoone’ getenane” iye.

Daaneeli 9:18

Ta Nuggishoocho, ne waamon gaꞌiiree waayebe; ne aafoon gaxxiree no xuuxoonaa ne shigo beeti katemoonon ciine. Ebi qolloon ne aafooch no giddiibeeto, cadiqo no tunetoyich tuneyaanoon, ne maaree woddoyichiye.

Daaneeli 9:19

Ta Doonocho, no qolloon waayebe! Ta Doonocho, noon maaribe! Ta Doonocho, no qolloon elle waayeree tuniibe! Ne shigo ne katemoonaa ne asheenaꞌonochi toommoochaa ceekketone. Ta Nuggishoocho, ne shigoyicha getiree yagiyaahine” iyo.

Amootsi 9:12

Ebina, echeti Edoomee showoonaa ebiyee aaf taacho tuneti bare showoo bullinon koyi yechemminaꞌone” iye ebin tuniyemmi Doono Yeeri.

Yowannisi 15:8

Wodde aafoon ittoshi aafegaata, ta dabboonoo ittoshi tunegaata, ebina ta Nihoo oogemmone.

Mishiraachechinaꞌo 11:26

qaawii daneꞌi Antsooka deebiye. Gutteenaꞌoo ikke naton arooch beeti kittinnee guuphi asheenaꞌona tookkii kiceebee, meeti asheenaꞌoyich Yeerichi qaaroon dojjiyeete. Arooba batti batt Yesuusichi dabbeenaꞌo Antsookaa kittinneenaꞌo getaa ceekkeheete.

Roomi 9:23

Bi oogee yiiroochee boonoshi qoodeyemmoyich shiichiꞌi bi qanniiti, bi ariqqeti qiiceenaꞌo toommooch worganikkiti bi oogee yiiroon bekkiiya shunniye.

2 Qorontoosi 5:17

Ebich asho koniyoona Kiristoosicho bi tunegaata, andire halloone; wonnee mooyo beshetone; andire halloonoo tunetone.

Galaati 6:15

Kiristoos Yesuusina andire halloon tunoani, dokireyoo woyee dokireyee qayo gaaccemmo toonoone.

Efesooni 1:12

Ebin bi tuniito, Kiristoosin gibenoona shiichoo tuneti noonna bi oogee yiiroyich bi galleteyemmoyichiye.

Efesooni 1:6

Ebin gabii bi maaccito, aaxxe bi Bushoo waanaa nooch bi immiti, worganikkiti wojjoyich bi galleteyemmoyichiye.

Efesooni 2:10

Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

Yaaqobi 2:7

Ittoshi ceekketi gaawe Kiristoosichi shigoon naaggii beetinaꞌo boonoshi tooneenaꞌone?

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.

1 Pheexiroosi 4:14

Kiristoosicho ittoshi tunetoyich ittoshin boonoshi naaggitaa, diireeto ittoshine; ittoshi diireetoo, oogee yiiree Ayaano, ebiyoo Yeerichi Ayaano, ittoshi toommooch bi beetoyichiye.

Yaaꞌoo 3:12

Gondoochi giidoon kochii wochiton ta Nuggishoochi yaafee kechi cangiyoommon tuniyemmo taane. Gubbich ciroona aroochee keyaachemmone; ta Nuggishoochi shigoon, ta Nuggishoochi katemee shigoon, ebi getoo shimaayooch beeti ta Nuggishoo Yeer waanee kindemmi andire Yerusaalemi shigoon, wotta andire ta shigoon bi toommooch kooremmo taane.

1 Saameeli 12:22

Doono Yeeri ittoshin bi asho tuniiya shunnito bi tunetoyich, Doono Yeeri ooge bi shigoyicha getiree, bi asheenaꞌon qayaachemmone.