Isiyaasi 43:6 - Kafa Linguistics Project

⁶ Ta anaami bushiishoonaa ta maache bushiishoona wohi showoochee, showee toommo bulliichee boonoshi woyemmoyich, dambi-waani showee asheenaꞌon, gawukkibote, deshi-waani showee asheenaꞌonoo bajjaahote, gettemmo taane.

Isiyaasi 43:6 ပူးပေါင်းရင်းမြစ်များ

Isiyaasi 11:12

Aageteenaꞌoyich malletoon neechemmone; Israꞌeeleenaꞌoochee duppetinaꞌon kicemmone; Yihudee asheenaꞌoocheenoo shacetinaꞌon showee awudde kelloochee kicemmone.

Isiyaasi 18:7

Arooba Beshe Mawe Doono Yeerich, neexi genjeenaꞌonaa naalle qeddechinaꞌona tuneti, woheexonaa katineexona shattiibeeti, hakkechinaꞌonaa giidechinaꞌona tuneti, boonoshi showoo aacona qoodeeti, aageteenaꞌo waanee wojjoo woyemmone; boonoshiyoo Beshe Mawe Doono Yeerich goyinneebeeti Tsiyooni guudooch deebemminaꞌone.

Isiyaasi 27:13

Arooba, ooge shameto hukkemmone; Asooree showooch aallee hammitinaꞌo, Gibitsee showooch kecaa hammitinaꞌoo wottemminaꞌone; yaafeeti guudo Yerusaalemaa Doono Yeerich goyinnemminaꞌone.

Isiyaasi 45:22

“Nuggishoo ta baachalli baroo aallo bi tunetoyich, showee tuggo bulliich beetinaꞌote, ta waan wotteree wodibote.

Isiyaasi 49:12

Ta asheenaꞌo wohi showoochee, eboshiyoo dambi-waaninaa aabi-gimonoochee, wotta eboshiyoo Aswaanee woyemminaꞌone” iye.

Isiyaasi 49:22

Nuggishoo Doono Yeeri ishichiye: “Aageteenaꞌon kappemmo taane; asheenaꞌo waanoo ta malletoon wochemmo taane; ittoshi anaami bushiisheenaꞌon boonoshi shoopphooch tiqqe, ittoshi maache bushiisheenaꞌon boonoshi gogooch shaagi, deebemminaꞌone.

Isiyaasi 54:3

Yoochinaa qanninooch ne gidoon gamichemmi neene; ne yareenaꞌo aageteenaꞌon woraashemminaꞌone; happeeti katemeenaꞌoochoo wochinnoon kotemminaꞌone.

Isiyaasi 60:4

“Ne aafoon kaachiree, ne guudoona ciine; eboshi bulli ikkittinoona kiceeree ne waan woyemminaꞌone; ne anaami bushiisheenaꞌo wohoochee woyemminaꞌone; ne maache bushiisheenaꞌo tiqqetaa woyemminaꞌone.

Isiyaasi 60:9

Tarisheshinaa woheexi buure showee gashoonoochee tiyii ne asheenaꞌon deebiibeeti markabeenaꞌone. Aageteenaꞌo bulli bi asheenaꞌon oogiyemmoyich tuniiti, Israꞌeeleenaꞌochi Yaafoo tuneti Doono Yeerichi shigoon oogiya, birewoonaa aachoonon neech deebii beetinaꞌone.

Isiyaasi 66:20

Doono Yeerich giddeebeeti buuroochoommon, ittoshi maneenaꞌon aagetoo bulliichee, haresheenaꞌona, baribare gaarinaꞌona, bicereenaꞌona, gaaleenaꞌona, yaafeeti ta guudo Yerusaalem deebemminaꞌone. Ebiyoo Israꞌeeleenaꞌo maayi buuroon xalle qiicoona Doono Yeeri taach yaafee kexooch boonoshi deeboommoniye” iye Doono Yeeri.

Erimiyaasi 23:8

“Tunebaani ‘Israꞌeeleenaꞌon dambi-waaninaa bi shacciti showoo bullinoochee kichii deebiti, beeyechi Doono Yeeri beege’ getteyemmone; boonoshi hajjee showoochoo kotemminaꞌone” iye.

Erimiyaasi 29:14

Tawoo ittoshich danemmo taane” iye Doono Yeeri. “Ittoshi kecoon wochemmo taane; aagetoo bulliichee, ittoshin ta yookketi xaaꞌoo bulliichee wochemmo taane” iye Doono Yeeri. “Kecooch ittoshin ta daachiiti showoochee wochi deebemmo taane” iye.

Erimiyaasi 3:14

“ ‘Hini gibeneyaani bushiisheenaꞌote, ta ittoshi Doono ta tunetoyich ta waan wottebote; ikke katemoochee ikkoon, ikke yaroochee guttoon Tsiyooni guudooch deebemmo taane’ iye Doono Yeeri.

Erimiyaasi 31:8

Dambi-waani showoochee boonoshin deebemmo taane; showee daaroochee boonoshin kicemmo taane; boonoshi daggooch wolloonaa baata sheqqoona, yeqqefechinaa maaxoo manjaa beetina, beeyemminaꞌone; ooge maccoo tuneree hiniich wottemminaꞌone.

Hiziqeeli 36:24

“Aageteenaꞌo daggoochee ittoshin kichemmo taane; showoo bulliichee ittoshin kicemmo taane; ittoshi hajjee showoochoo ittoshin deebemmo taane.

Hiziqeeli 37:21

boonoshichoo ishichibe: ‘Nuggishoo Doono Yeeri ishichiye: Israꞌeelee asheenaꞌon boonoshi hammiti aageteenaꞌo daggoochee deebemmo taane; bulli kaattoochee boonoshin kicemmo taane; boonoshi hajjee showooch boonoshin deebemmo taane.

Yoꞌeeli 3:7

“Tunebaani and ta, ittoshi kemmiti showoochee boonoshin tiijji deebemmo taane. Ittoshi shuuneton ittoshi toommooch shuunemmo taane.

Zakaariyaasi 6:6

Aaꞌi haresheenaꞌona geecheebeeti gaari, dambi-waani showooch, nacce haresheenaꞌona geecheebeeti gaari, aabi-gimo waanee showooch, baandere haresheenaꞌona geecheebeeti gaari, deshi-waani showooch hammemminaꞌone” iye.

Yibbaatoo 30:4

Showee tuggooch beddaahaa ne shacetaanona, ne Nuggishoo Doono Yeeri ebi aroochee neen kicemmone; aroochee neen deebemmone.