Isiyaasi 43:5 - Kafa Linguistics Project

⁵ Ta neenna tookkaa ta tunetoyich shattaahine; aabi-keyo waanee, aabi-gimo waaneenoo, ne shiijjereenaꞌon kici deebemmo taane.

Isiyaasi 43:5 ပူးပေါင်းရင်းမြစ်များ

Shoddo 106:47

No Nuggishoo Doono Yeero, noon wodiibe; ne shigoyich galletoon no giddiyemmoyich, yaafe ne shigoon no galletemmoyich, aageteenaꞌo daggoochee noon wochi deebe.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 41:14

Hipperoommi Yaaqobo, Israꞌeelee ashoocho, shattaahine; Doono Yeeri ta neen gaachemmo taane; neen Biishee Wodiyechi Israꞌeelee Yaafoo taane.

Isiyaasi 41:8

“Tunebaani ta guuno Israꞌeelo, ta kaacceti Yaaqobo, ta shunechi Abrahami yaroocho,

Isiyaasi 41:9

showee tuggoochee neen deeboye; wohi showee kelloochee neen ceeggoye. Neen, ‘Ta guuno neene’ iyoye; neen kaaccoani dufaano taane.

Isiyaasi 43:1

Yaaqobo, Israꞌeelo, neen halliti, Doono Yeeri and ishichii beetone: “Neen biisheto taane; shattaahine; ne shigoona neen ceeggeto taane; ne taacho neene.

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

Isiyaasi 44:2

Neen halliti, maacooch neen shuuneti, neen gaachaabeeti Doono Yeeri ta, ishichaabeeto taane: Ta guuno Yaaqobo, ta kaacceti Israꞌeelo, shattaahine.

Isiyaasi 49:12

Ta asheenaꞌo wohi showoochee, eboshiyoo dambi-waaninaa aabi-gimonoochee, wotta eboshiyoo Aswaanee woyemminaꞌone” iye.

Isiyaasi 49:18

Ne aafoon kaachiree, ne guudoona ciine; ne bushiisheenaꞌo kiceeree ne waan woyemminaꞌone. Doono Yeeri ta, beeyecho ta tunoona wogehoye; eboshi bullin shashoochoommon shashemmi neene; woꞌechoommon tahemmi neene.

Isiyaasi 54:3

Yoochinaa qanninooch ne gidoon gamichemmi neene; ne yareenaꞌo aageteenaꞌon woraashemminaꞌone; happeeti katemeenaꞌoochoo wochinnoon kotemminaꞌone.

Isiyaasi 54:7

“Giisheche aaboon neen duppeto taane; tunebaani oogeti ariqqoona neen wochi deebemmo taane.

Isiyaasi 61:9

Boonoshi shiijjereenaꞌo aageteenaꞌo daggooch, boonoshi yareenaꞌo asheenaꞌo daggooch arichetinaꞌo tunemminaꞌone; boonoshin beeggimmo bulli, Doono Yeeri taanna diireetinaꞌo boonoshi tunoon ariyemmone” iye.

Isiyaasi 8:10

Yeeri noonna tookkii bi tunetoyich, koceebotalli ittoshich kaameyaachemmone; yibbaatebotalli ittoshi yibbaatoo manjaachemmone.

Erimiyaasi 23:7

“Ebich ‘Israꞌeeleenaꞌon Gibitsee kichiti beeyechi Doono Yeeri beege’ bi getteyaachemmi yemeeno woyemmone” iye Doono Yeeri.

Erimiyaasi 23:8

“Tunebaani ‘Israꞌeeleenaꞌon dambi-waaninaa bi shacciti showoo bullinoochee kichii deebiti, beeyechi Doono Yeeri beege’ getteyemmone; boonoshi hajjee showoochoo kotemminaꞌone” iye.

Erimiyaasi 29:14

Tawoo ittoshich danemmo taane” iye Doono Yeeri. “Ittoshi kecoon wochemmo taane; aagetoo bulliichee, ittoshin ta yookketi xaaꞌoo bulliichee wochemmo taane” iye Doono Yeeri. “Kecooch ittoshin ta daachiiti showoochee wochi deebemmo taane” iye.

Erimiyaasi 3:18

Ebiyooba Yihudee asheenaꞌo Israꞌeeleenaꞌona ikkotte yeshemminaꞌone; boonoshi qaabbechinaꞌo woraashemmoyich ta immeti showooch dambi-waanee ikkotteree woyemminaꞌone.

Erimiyaasi 42:11

Ittoshi shattiibeeti Baabloonee taatoon shattaahote; ittoshin wodiyoyich, bi kishoochee ittoshin kichoyich, ta ittoshina tookki tunemmo ta tunetoyich, biin shattaahote, iye Doono Yeeri.

Erimiyaasi 51:46

Showee toommooch hukkoo timicho, ikke taatoon bare taatoo koyicho, ikke natooch ikke yibbaatoo, bi gubbi natoochoo bare yibbaatoo waayeyemmo bi tunetoyich, showee toommooch yibbaateebeeti yibbaatoona shattaahote; ittoshi mulloo qitaaye.

Yoꞌeeli 3:7

“Tunebaani and ta, ittoshi kemmiti showoochee boonoshin tiijji deebemmo taane. Ittoshi shuuneton ittoshi toommooch shuunemmo taane.

Mikiyaasi 2:12

“Curo tunee echeti Israꞌeeleenaꞌote, bago bi dogooch, bageenaꞌoo gaddooch kiceyoommon ittoshin ikkooch kicemmo taane. Ittoshi showooch wochinnoon asho ceennemmone” iye.

Zakaariyaasi 8:7

Beshe Mawe Doono Yeeri ishichiye: “Ta asheenaꞌon aabi-keyo waani showoonaa aabi-gimo waani showoonoochee biishemmo taane.

Luqaasi 13:29

Wotta asheenaꞌo aabi-keyonaa aabi-gimonoochee, deshi-waaninaa dambi-waaninoochee woyemminaꞌone; Yeerichi taatittineech giyiree gifiree maayoon maaya kotemminaꞌone.

Yowannisi 10:16

Hini maggooch giyaani bare bageenaꞌo taach beetinaꞌone. Boonoshinoo wotta deebo taach qaawiihe; ta qaaroonoo waayemminaꞌone; ikke qiddoo boonoshin ikkochiree quyemmone.

Yibbaatoo 30:3

ne Nuggishoo Doono Yeeri neen wochinnoon gaanniyemmone; neech ariqqemmone; aageteenaꞌo bulli daggooch neen bi shaccitoochee, wochiree neen kicemmone.