Isiyaasi 43:23 - Kafa Linguistics Project

²³ Micciibeeti deejjoyich tunemmi bagoon taach deebaano neene; woyee ne deejjoona taan oogiyaano neene; ‘Maayi buuroon deebe’ getona neen iritiyaano taane; ‘Ixaanee deejjoon giddiibe’ getonoo neen yulliyaano taane.

Isiyaasi 43:23 ပူးပေါင်းရင်းမြစ်များ

Nehimi 13:10

Wotta Leweenaꞌoyich boonoshi qoodoo icheyoo bi qajjitoyich, maddeebeeti Leweenaꞌonaa shoddechinaꞌona boonoshi goyi goyooch boonoshi wottoon waayeho.

Keyo 30:34

Doono Yeeri Muusich ishichiye: “Tachaa bacceeti gaawe cinnechi qimaameenaꞌon, eboshiyoo, mixoochee cottiibeeti shittoon, woongee (yaahee) daggoochee daneebeeti shittoon, macwollaggoon shaahiibeeti mixoochee kechiibeeti shittoonaa xalle ixaanoonon daamiree,

Shaahiyoo 15:8

Gondeenaꞌochi deejjoo Doono Yeeri aafoochaa ciigeetone; tunebaani kaameenaꞌochi corooto biin emirikkiye.

Shaahiyoo 21:27

Gonde ashi deejjoo ciigeetone; gonde gaboona bi deejjiibeeto beshoon ciigeetone.

Shaahiyoo 3:9

Ne hajjitona, ne maayoocheenoo qaabbii shaggitona Doono Yeerin oogiibe.

Isiyaasi 66:3

“Taach gattoon guuriibeeto ashoon guurii beetoommone; bagee baaddoon deejjiibeeto kunaanee qettoon qimii beetoommone; maayi buuroon giddiibeeto gudichi damoon giddii beetoommone; shalligichee ixaanoon shookkiibeeto shahalloon galletee beetoommone. Eboshi boonoshi hajjee gommon kaacona boonoshi eeꞌe mooyona emiriyeete.

Erimiyaasi 7:21

Israꞌeelee Nuggishoo Beshe Mawe Doono Yeeri ishichiye: “Micciibeeti ittoshi deejjoon bare ittoshi deejjee toommooch daakkibote; meenonoo mamote.

Erimiyaasi 7:22

Gibitsee boonoshin ta kichiyooba ittoshi qaabbechinaꞌoyich micciibeeti deejjeechonaa bare deejjeechonon getaano taane.

Leweenaꞌo 2:1

“ ‘Asho koniyoona maayi buuroon Doono Yeeri taach bi giddiigaata, qacini buddinoon giddiibe. Ebi arooch zayitoon ukkibe; ixaanoonoo gede.

Leweenaꞌo 24:7

Koshona tookki shalligichee qoodoyich tuneree, Doono Yeeri taach qaaqqooch michaa giddeebeeti deejjoon bi tunemmoyich, xalle ixaanoon yaari yaarooch gede.

Amootsi 5:25

“Israꞌeeleenaꞌote, aabbe naton barahoona ittoshin ta yaabiyooba, taach deejjoonaa buuroonon giddiito ittoshine?

Mikiyaasi 6:3

Doono Yeeri ishichiye: “Ta asheenaꞌote, ittoshich amooniye ta hallito? Amoonane ittoshin ta taahiito? Eke wochibote!

Milikiyaasi 3:8

“Asho Yeerin gaajjiibeetone? Tunebaani ittoshi taan gaajjito ittoshine. “Ittoshiyoo ‘Aabichireeshiye neen no gaajjemmo?’ ito ittoshine. “Taan ittoshi gaajjito, asraatoonaa wojjoonon taach giddiyee qayonane.

Maatiyoosi 11:30

Ittoshi toommooch ta haxxemmi waanjee gaꞌi deꞌeene; ittoshich ta shaakkiyemmi shaageyoo ketteene” iye.