Isiyaasi 43:20 - Kafa Linguistics Project

²⁰ Kaacheti ta asheenaꞌo uchemmoyich aacon barahoochaa, woce aacon shuuꞌi showoochaa ta immetoyich kubbi cooxinaꞌo taan oogiyemminaꞌone; boqqelleenaꞌonaa shaakkeenaꞌonoo taan galletemminaꞌone.

Isiyaasi 43:20 ပူးပေါင်းရင်းမြစ်များ

Shoddo 104:21

More daahereenaꞌo boonoshi maayemmon yecha gigeheete; Yeer waaneenoo boonoshi maayoon qaawiyeete.

Shoddo 148:10

cooxinaꞌonaa gijjoo bullina, yuummere halleenaꞌonaa qoshoona yoobbiibeetinaꞌo bullina, Doono Yeerin galletebeete.

Shoddo 33:12

Doono Yeeri bi Nuggishoo tuneti aagetoo, bi iristo tuniiꞌi bi kaacciti maccoo, diireetone.

Isiyaasi 13:22

Boonoshi dilaaleenaꞌoochaa qaccemmoo qaaddemmone; gaawe boonoshi goddemeenaꞌoochaa boqqello uukkemmone; bi aallee aabo shaggitone; bi yemeeno ciiretone” iye.

Isiyaasi 30:25

Oogeti aallee aabooba, xaqqee uxereenaꞌo dihiyooba, genje guudinaꞌonaa geppeenaꞌonooch aaco woccemmone.

Isiyaasi 32:2

Eboshiyoo boonoshi ikkikkoona yongoonaa yuboonoochee aashee xaaꞌoommon, baraheexi aachi xuuphoommon, shuuꞌi showoochaa xaqqee guudee yiiroommon tunemminaꞌone.

Isiyaasi 33:21

Ebi aroochaa, Doono Yeeri ogooge aacinaꞌonaa aachi xuupheenaꞌonoommon tuneree, bi oogee yiiroona noonna tookki beeyemmone; no etteenaꞌochi markabeenaꞌo aree toommona tegaachemminaꞌone.

Isiyaasi 35:7

Michiibeeti qacoo gamini gejjoon tunemmone; shacheweti showoochee aaco xuupphemmone; boqqelleenaꞌo kufee xaaꞌooch, mocoo, kohoonaa duukkoona collemmone.

Isiyaasi 41:17

“Girechinaꞌonaa iritechinaꞌona aacon mucceheete; aacon qaawii mucceꞌi, shachewoona boonoshi heciyoo shuuqqiye; Doono Yeeri ta, boonoshi qolloon waayemmo taane; Israꞌeelee Nuggishoo ta, boonoshin dufaachemmo taane.

Isiyaasi 41:18

Shuuqqiti geppeenaꞌoochee aaco, bambeenaꞌo daggoochee aachi xuupho, kechemmoyich tuniyemmo taane. Barahoon aachi gejjoon, baggiti showoonoo aachi tunoon, tuniyemmo taane.

Isiyaasi 43:19

Ebiyoche, andire mooyon tuniyemmo taane; ebiyoo and bekkemmone; ebi ittoshich aricheyaache? Barahee daggoona gommon kichemmo taane; aroochoo aaco xuupphemmoyich tuniyemmo taane.

Isiyaasi 48:21

Barahoona boonoshin bi yaabiyooba shacheweyaaneenaꞌone; xaqqoochee aaco boonoshich bi xuupphemmoyich tuniihe; xaqqoon bi gaahaa aaco bubiye.

Isiyaasi 49:10

Shaacoonaa shachewoona boonoshin yeshaachemmone; gaame yongo woyee aabee michoo boonoshin yexaachemmone; boonoshich ariqqeebeeto boonoshin yaabemmone; aachi xuupho waan boonoshin daammemmone.

Isiyaasi 65:15

Ittoshi shigoon ta kaaccetinaꞌo waanaa maxxaaroyich tuniyemmo ittoshine; Nuggishoo Doono Yeeri ta, ittoshin wuxemmo taane; tunebaani ta guuninaꞌon bariti shigoona ceeggemmo taane.

Erimiyaasi 31:9

Eefona woyemminaꞌone; boonoshin goggiyoona yaabemmo taane; aachi gashoona, boonoshi tephaachemmi kaame gommona, boonoshi hammemmoyich tuniyemmo taane; ebiyoo Israꞌeelich nihoo ta tunetoyich, Efreemiyoo taach gutenee bushoo bi tunetonoyichiye.

Yoꞌeeli 3:18

Ebiyooba, guudinaꞌooch woyinee qomboo ceennemmone; geppeenaꞌoochoo shaappeebeeti miiminaꞌo gasheyemminaꞌone. Yihudee showooch beeti bamboo bulliich aaco ceennemmone; Doono Yeerichi yaafee kexoochee, aaco xuupphemmone; Shixiimi bamboonoo uchemmone.

Maariqoosi 13:20

Doono ebi are aabeenaꞌon bi qamichaan gaata, koniyoona wodaacheshone; tunebaani bi kaacciti asheenaꞌoyicha iꞌi ebi are aabeenaꞌon qamichitone.

Yowannisi 4:10

Yesuusi wochiꞌi ureyich “Yeeri immiibeeti wojjoon, wotta ‘Aacon taach imbe, uyona’ ii beeti ta koni ta tunoonon, ne ariito gaata, ne taan qolleshi neene; tawoo kashee aacon neech immesho taane” iye.

Yowannisi 4:14

tunebaani ta immaabeeti aacoochee uchiibeeto koniyoona bulli yemeenoon shacheweyaachemmone. Ta immaabeeti aaco bi maacooch bulli yemeenee kasho xuupphiibeeti tunoo tunemmone” iye.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 21:6

Wotta taach ishichiye: “Illa mooyo bulli ceennitone. Alfoonaa Oomeegoona, Shiichoonaa Tacona taane; shachewetoyich kashee aachi xuuphoochee baad cikki immemmo taane.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.