Isiyaasi 43:1 - Kafa Linguistics Project

¹ Yaaqobo, Israꞌeelo, neen halliti, Doono Yeeri and ishichii beetone: “Neen biisheto taane; shattaahine; ne shigoona neen ceeggeto taane; ne taacho neene.

Isiyaasi 43:1 ပူးပေါင်းရင်းမြစ်များ

Halloo 32:28

Uroo “Ebiyee bekk ne shigo Yaaqobi getteyaaye; Yeerinoo ashoonoo qiiccaꞌa ne wochitoyich, ne shigo Israꞌeeli getteebe” iye.

Shoddo 100:3

Doono Yeeri Nuggishoo bi tunoon ariibote; noon hallito biine; nowoo biicho noone; gaddooch beeti bagoommi bi asho noone.

Shoddo 102:18

Doono Yeerin boonoshi galletemmoyich, woyemmi shiijjeroyich ebin kooribe.

Keyo 15:13

“Ne shoodoona ne biisheti ne asheenaꞌon, yaabito neene; ne hakkoona ne biishetinaꞌon yaafe ne beeyi xaaꞌooch yaabito neene.

Keyo 15:16

Doono Yeero, ne asheenaꞌo, guuchittinoochee ne biisheti ne asheenaꞌo, boonoshi daggoona boonoshi beshemmi wottoon, keqqoonaa qewoona boonoshi toommooch kindii beetone; ne mochee giidoo shuuraani xaqqoommon boonoshin tuniitone.

Keyo 33:17

Doono Yeeriyoo Muusich, “Ta aafoochaa gidoon ne danetoyich, wotta ne shigoona neen ta ariitoyich, ne echeti are mooyon tuniyemmo taane” iye.

Isiyaasi 27:11

Michi ateenaꞌo boonoshi shuuꞌiyooba tiisheheete; maacheenaꞌo qaaqqooch shookka maciyeete; shalligaalli asheenaꞌo boonoshi tunetoyich, boonoshin Hallito boonoshich ariqqeyaachemmone; boonoshin Hallito boonoshin gaawe aafoona ciinaachemmone.

Isiyaasi 41:14

Hipperoommi Yaaqobo, Israꞌeelee ashoocho, shattaahine; Doono Yeeri ta neen gaachemmo taane; neen Biishee Wodiyechi Israꞌeelee Yaafoo taane.

Isiyaasi 42:6

“Doono Yeeri ta, neen cadiqoona ceeggeto taane; ne kishoonoo yechemmo taane; neen quyemmo taane; ta asheenaꞌoyich wogoon, aageteenaꞌoyichoo bekkoon, neen tuniyemmo taane.

Isiyaasi 43:21

Ta qellich ta halliti asheenaꞌo, taan gallete shoddemminaꞌone” iye.

Isiyaasi 43:5

Ta neenna tookkaa ta tunetoyich shattaahine; aabi-keyo waanee, aabi-gimo waaneenoo, ne shiijjereenaꞌon kici deebemmo taane.

Isiyaasi 43:7

Boonoshi ta shigoona ceekketi, ta oogoyichoo ta halliti, ta asheenaꞌone” iye.

Isiyaasi 44:2

Neen halliti, maacooch neen shuuneti, neen gaachaabeeti Doono Yeeri ta, ishichaabeeto taane: Ta guuno Yaaqobo, ta kaacceti Israꞌeelo, shattaahine.

Isiyaasi 45:11

Israꞌeelee Yaafoo tuneti, biinoo halliti Doono Yeeri ishichiye: “Ta bushiisheenaꞌochon taan echehote? Ta kishee shuuneechon ciinnii beetona echoon hakkehote?

Isiyaasi 48:17

Ittoshin Biishee Wodiyechi Israꞌeelee Yaafoo, Doono Yeeri ishichiye: “Neech gaaccemmon neech dojjaabeeti, ne hammaabeeti gommooch neen yaabaabeeti, ne Nuggishoo Doono Yeeri taane.

Isiyaasi 48:20

Baabloonee keyote; Kalidee showoochee gooyote; “Doono Yeeri bi guuno Yaaqobin biishetone” geti, ililoona showee toommo bulliich awaajjibote.

Isiyaasi 49:1

Baharee gasheexi buure showooch beetinaꞌote, ta waanee ellebote; wohi showooch beeti aageteenaꞌote, waayebote: Doono Yeeri, ta shiijjeyaan beetaa, taan ceeggiye; ta indee maacooch ta beetaa, taach shigoon shigiihe.

Isiyaasi 49:26

Neen neexxii hajjitinaꞌo boonoshi hajjee meenon boonoshi maayemmoyich, boonoshi hajjee damoonoo woyinee uyoochoommon boonoshi uchemmoyich, tuniyemmo taane. Ebina Doono Yeeri ta, neen Shiwechonaa Biishee Wodiyechona, Yaaqobi goyinneebeeti Giidechi Nuggishoo ta tunoon, asho bulli ariyemmone” iye.

Isiyaasi 51:13

Shimaayoon yaggiti, showoonoo kottiti, ittoshin halliti Doono Yeeri taan batteto ittoshine; aalliiya qanniꞌi ittoshin xuqqii beetochi naboona bulli aaboon keqqoona beehote; ishigaataa, boonoshi kaaro aaye?

Isiyaasi 52:9

Yerusaalemi buriceenaꞌote, Doono Yeeri bi asheenaꞌon bi goggiitoyich, Yerusaalemin bi biishetoyich, ikkittinoona emiroona shoddebote.

Isiyaasi 62:12

Boonoshiyoo, Yaafeeti Asheenaꞌo, Doono Yeeri Biisheti Asheenaꞌo, getaa ceekkemminaꞌone; newoo, Qaaweyaabeeti, Duppeyaani Katemee, getaa ceekkemmi neene.

Isiyaasi 63:16

Abrahami noon ariyoo bi qajjitaa, Yaaqobi noon shalligoo bi qajjitaa, ne nooch Nihoo neene; Doono Yeero, ne nooch Nihoo neene; wonna beddaahaa noon Biishecho ne shigoone.

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Erimiyaasi 31:3

Doono Yeeri ta wonna boonoshich bekkaꞌa ishichiyo: Bulli aabee shunoona ittoshin shunneto taane; ta shoodoo bulli aabooch ittoshich manjemmone.

Erimiyaasi 33:24

“Asheenaꞌo ‘Doono Yeeri bi kaacciti gutte yareenaꞌon duppitone’ itinaꞌon beeggaachine? Illa ebiyee bekk boonoshi aafoochaa asho boonoshi tuneyaachemmoyich, ta asheenaꞌon qallayitinaꞌone” iye.

Erimiyaasi 33:26

Yaaqobichi yareenaꞌonaa ta guuno Daawitichi yaroonon qajjesho taane; boonoshi bushiisheenaꞌoocheenoo Abrahamichi, Yisaaqichi, Yaaqobichi yareenaꞌo toommooch bi taatemmoyich kaacaachesho taane. Tunebaani boonoshi kecoon ta wochemmo, boonoshich ariqqemmo ta tunetoyichiye” iye.

Erimiyaasi 50:34

Tunebaani boonoshin Biishecho kupphoone. Bi shigoo Beshe Mawe Doono Yeerine; showoon tooꞌii kashiyoyich, boonoshi taggoon kupphii taggemmone; tunebaani Baabloonee showooch beetinaꞌon geewiyemmone.

Shoosho 3:57

Neen ta ceegiyooba katinnehine; taanoo “Shattaahine” iyine.

Hiziqeeli 16:8

“ ‘Wochinnoon ne gaꞌoona beshaabee neen ciinnaꞌa, shaakkeya ne bedon beeggeho; tawoo ta tahoon ne toommooch yaggii, ne achoon qeriyoye; wogaa neenna tookkii wogoon giyaꞌa neen taachi tuniihoye, iye Nuggishoo Doono Yeeri.

Daaneeli 10:19

Biyoo ishichiye: “Oogeton shucheti uroocho, shattaahine; diggoo neech tunebe; kupphebe; manjibe” iye. Ebin bi gettimmona, tawoo kupphaꞌa, “Ta doonocho, taan kupphiito neene. Illa getta ne qaawiton gete” iyo.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Milikiyaasi 3:17

Beshe Mawe Doono Yeeri ishichiye: “Ta shuunemmi aabooba boonoshi ta hajjee asheenaꞌo tunemminaꞌone. Asho biich maddeebeeti bi bushoyich bi ariqqoommon tawoo boonoshich ariqqemmo taane.

Mishiraachechinaꞌo 27:20

Meeti areddoon aabeenaa xojjenoonon beegaanoon, yongo daakkii daakkii bi hammitoyich, “Ebiyee damba wodemmo noone” immi gibeno no mulloochee wokkiye.

Mishiraachechinaꞌo 27:25

Ebich kupphebote; bi noonoochee kechito bullin ceechemmo bi tunoon Yeerin gibenehoye.

Efesooni 2:10

Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

Yibbaatoo 32:15

“Israꞌeeleenaꞌote, ittoshiyoo gaannee michiꞌi Doono Yeeri toommooch tiyiyote; ittoshiyoo aangii nuuriꞌi gaannehote. Aroochee ittoshin halliti Yeerin qajjiyote; ittoshin wodiyechi Xaqqee Inderoon qallayiyote.

Yibbaatoo 32:6

Hini mullaalli baalle ashoocho! Doono Yeerich ne tuniyemmo ebiniye? Biyoo ne Nihoonaa neen Hallitonane; neen aagetoo tuniiꞌi manjiitone.

Yibbaatoo 32:9

Tunebaani Israꞌeeli Doono Yeerichi hajjoone, Yaaqobiyoo bi hajjee iristoone.

2 Ximootiyoosi 2:19

Tunebaani koniyoona shuurikkoo hakkaani kechi giimboon Yeeri neechitone; are giimboo “Yeeri biichinaꞌon arii beetone”, wotta “ ‘Ta, Doono Yeericho taane’ ii beeto bulli gondoochee wohe” ii beeti maatemechone.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;