Isiyaasi 42:5 - Kafa Linguistics Project

⁵ Shimaayoon halliꞌi yaggiti, showoonaa bi daggooch beetinaꞌo bullinon shuuneti, aree toommooch beeti asheenaꞌoyich kashee hiinnoon immiti, arooch shaꞌee beetoyich ayaanoon immiti, Doono Yeeri ishichiye:

Isiyaasi 42:5 ပူးပေါင်းရင်းမြစ်များ

Halloo 1:1

Shiichiꞌi Yeeri shimaayoonaa showoonon halliye.

Halloo 2:7

Aroochee Nuggishoo Doono Yeeri showee buttoochee ashoon hachiye; ebi are ashi muddoonoo bi kashee hiinnoon huggiye; asho kashechon tunehe.

Iyoobi 12:10

Kashecho bullichi kasho, asho bullichi kashee hiinno, bi kishoochiye.

Iyoobi 27:3

Kashi ta wottemmoyich, Yeeri tunii beetaa, ta kashe hiinne batt beetaa,

Iyoobi 33:4

Taan hallito Yeerichi Ayaanoone; kashoon taach immito Beshe Hakkechi Yeeri kachiti kashoone.

Iyoobi 34:14

Yeeri, kashoonaa kashee hiinnoonon, wochii bi daammimmo gaata,

Shoddo 136:6

Showoon aachi toommooch yaggito, bulli yemeenoon shoodechone.

Shoddo 33:6

Shimaayeenaꞌo Doono Yeerichi qaaroona halleeheete; shimaajji halleenaꞌo bulli bi noonoochee kechiti qaaroona halleeheete.

Shoddo 96:5

Aageteenaꞌochi nuggisheenaꞌo bulli, shahalleenaꞌone; tunebaani shimaayeenaꞌon hallito Doono Yeerine.

Isiyaasi 37:16

“Kiruubenaꞌoyee tookk kotaabeeti, Israꞌeelee Nuggishoo Beshe Mawe Doono Yeero, ne baach showee taateenaꞌo bullichi Nuggishoo neene. Showoonaa shimaayoonon hallito neene.

Isiyaasi 40:12

Aacinaꞌon bi kishee koppoona, shimaayoonoo bi kishee ciixona, showee buttoonoo qiicooch geddiꞌi qeelleto, konine? Guudinaꞌonaa geppeenaꞌonon machoona qoccito konine?

Isiyaasi 40:22

Yeeri, showee guuyee toommooch, bi taatee qeenon geddiꞌi kotehe; showee toommeexi asheenaꞌo kundoomminaꞌone; shimaayeenaꞌon maccillaatoochoommon yaggiye; beemi duukkaanoochoommon xogiye.

Isiyaasi 40:26

Ittoshi aafoon kaachiree shimaayooch ciinote; ittoshi beeggiibeeti xojjeneenaꞌon hallito konine? Bi boonoshin ginee naayinaꞌochoommon kichiye; boonoshi bullinolla boonoshi shigoona ceeggiye; ooge giidecho, ooge hakkecho bi tunetoyich ikkolla aalleyaache.

Isiyaasi 40:28

Ariyaano neene? Waayeyaano neene? Doono Yeeri bulli yemeenee Nuggishoone; showoo bullin hallito biine; maraateyaache; taahaache; bi gaboon maqqii shagon hakkemmo aalloone.

Isiyaasi 44:24

Ne indee maacoochoo neen halliti, neen Biishechi Doono Yeeri ishichiye: “Bullin hallito, shimaayeenaꞌon ta ikkeeto yaggito, showoon hecceto Doono Yeeri taane; ebiyooba taanna tookkii koniyoona aalloone.

Isiyaasi 45:12

Showoon shuuneto, ashoon aree toommooch hallito, taane; shimaayeenaꞌon yaggito ta kishoone; shimaajji halleenaꞌon qociito taane.

Isiyaasi 45:18

Shimaayeenaꞌon halliti Doono Yeeri, showoon halliti, shuuneti, manjiiti, beeyi xaaꞌoon bi tunemmoyichani, shokkoon bi tunemmoyich hallaani Yeeri ishichiye: “Ta, Doono Yeeri taane; tayee bare nuggishoo aalloone.

Isiyaasi 48:13

Ta kishoo showee hecoon heccitone; ta qanne kishoo shimaayoon yaggitone; boonoshin ta ceeggemmona, ikkittinoona neexeheete.

Isiyaasi 57:16

Ashi ayaanoonaa ta halliti kashoona dooyaachemmoyich, bulli aaboon ittibateyaache; wochi wochi kaareyaache.

Erimiyaasi 10:12

Showoon bi hakkoona hallito, bi ariyoona showee tuggeenaꞌon manjiito, bi shalligoona shimaayoon yaggito, biine.

Erimiyaasi 27:5

‘Showoon, showee toommooch beeti asheenaꞌonaa cooxinaꞌonon ooge ta hakkoona wottoo yaggeeti ta mochoona hallito taane; ta ciinaa gaawetoyich ebin immemmo taane.

Erimiyaasi 32:17

“Nuggishoo Doono Yeero, shimaayoonaa showoonon ooge ne hakkoona wottoo yaggeeti ne mochoona hallito neene; neen mawemmi mooyo amolla aalloone;

Erimiyaasi 38:16

Aroochee taatoo Sedeqiyaasi “Kashoon nooch immiti beeyechi Doono Yeeri beege! Neen wuxaachemmo taane; ne kashoon qaawiibeeti, ebi asheenaꞌo kishooch beshiiree imaachemmo taane” iꞌi Erimiyaasich aashoona wogehe.

Hiziqeeli 18:4

Kasho bulli taachone; nihoochi kasho taacho bi tunoommon bushoochi kasho taachone; axaaxoon shuuneti asho aroo qitemmone.

Daaneeli 5:23

Ne qelloon shimaajji Nuggishoyee damba tuniyaꞌa, bi yaafee kechi uyee qiiceenaꞌo woyemmoyich tuniihine. Ne, ne iraasheenaꞌo, ne mecheenaꞌonaa ne naamacheenaꞌona aroona woyinee uyoon uchiyote. Uchiibee birewoochee, aachoochee, gooshoochee, xuuroochee, mixonaa xaqqoonoochee shuuneeti, ciinon, waayoonaa ariyoonon hakkaani, nuggisheenaꞌochi misiloon galletehote. Tunebaani ne kashoon, ne shaaddo bullinoo bi kishooch yechiti Nuggishoon oogiyaano neene.

Amootsi 9:6

Bi kexon damba shimaayooch haggito, shimaayoon kechi aafoommon showee toommooch neechito, baharee aacon wochiꞌi, showee toommona bi taheyemmoyich tuniibeeto, bi shigo Doono Yeerine.

Zakaariyaasi 12:1

Israꞌeeleenaꞌochon Doono Yeeri gettiti qaaro: Shimaayoon yaggiti, showoon halliti, ashich kashee hiinnoon immiti Doono Yeeri ishichiye:

Mishiraachechinaꞌo 17:24

“Aroo alemoonaa bi daggooch beeto bullinon halliti Nuggishoone; showoonaa shimaayoonochi Doonone; ashi kishoo shuuneti yaafee kexooch beetaache.

Mishiraachechinaꞌo 17:25

Wotta aroo kashoon, hiinnoonaa bulli mooyonon asheenaꞌo bullich immiibeeto bi tunetoyich, biich shappito aalloone; ashi dego biich qaawiyaache.

Hibireena'o 1:2

And hini yemeenee ciiroochaa nooch bi gettito, bulli mooyon woraasho bi tuniiti, wotta showoonaa shimaayoonon biinna bi halliti, bi Bushoonane.