Isiyaasi 42:19 - Kafa Linguistics Project

¹⁹ Ta guunoyee besh wolloo konine? Ta daachiyemmi wocheyechoyee besh ulloo konine? Taach gibeneeti ashichoommon, wolleto, Doono Yeerichi guunochoommon wolloo konine?

Isiyaasi 42:19 ပူးပေါင်းရင်းမြစ်များ

Isiyaasi 26:3

Neen bi gibenetoyich, neenna degeyaabeeti kasheen, diggoona quyemmo neene.

Isiyaasi 27:5

Ebi tuno qayigaata, taan deebo yesheete; taanna tookki diggoo hallibeete; taanna tookki diggoo hallibeete” iye.

Isiyaasi 29:18

Ebi arooba, ulleenaꞌo boonoshich shemmeebeeti macaafoon waayemminaꞌone; manderooch beebee echeti aaf doogeenaꞌoo boonoshi aafo qecheetaa ciinnemminaꞌone.

Isiyaasi 41:8

“Tunebaani ta guuno Israꞌeelo, ta kaacceti Yaaqobo, ta shunechi Abrahami yaroocho,

Isiyaasi 43:8

Yeeri ishichiye; “Aafo boonoshich beetaa wolleti, waamo boonoshich beetaa ulleti, asheenaꞌon deebote.

Isiyaasi 44:26

tunebaani ta maddechinaꞌochi qaaroon kachiyemmo taane; ta wocheyechinaꞌochi ciicoon ceechemmo taane; Yerusaalemin ‘Ashi beemi xaaꞌoon tunemmine,’ Yihudee katemeenaꞌonoo ‘Wochinnoon shuuneyemminaꞌone,’ boonoshi buriceenaꞌonoo ‘Tiyemmo ittoshine,’ gettemmo taane.

Isiyaasi 56:10

Israꞌeelee qayechinaꞌo aaf doogeenaꞌone; boonoshi bullich ariyoo aalloone; buhaani miime kunaanoomminaꞌone; tokketeechii gummiyeete; tokketoonoo shunniyeete.

Isiyaasi 6:9

Biyoo taach ishichiye; “Ishigaata, hamiree ebi asheenaꞌoyich ishichibe: ‘Waayoon waayeebeeto ittoshine; tunebaani shalligaachote; ciinon ciinniibeeto ittoshine; tunebaani beegaachote’ gete.

Erimiyaasi 4:22

Doono Yeeri ishichiye: “Ta asheenaꞌo taan boonoshi ariyee qayona mullaalleenaꞌone; gabaalli bushiisheenaꞌone; shalligoo boonoshich aalloone; gondoon shuunoona arichetinaꞌone; tunebaani gaawe shuunoon shuuno ariyaaneenaꞌone” iye.

Hiziqeeli 12:2

“Ashi bushoocho, hukkechi macceenaꞌo daggooch koteto neene; ciinoyich aafoo beetaa ciinaacheete; waayoyich waamo beetaa waayeyaacheete; ebiyoo hukkechi yareenaꞌo boonoshi tunetoyichiye.

Maatiyoosi 13:13

Ebich ciinniibee beego boonoshi qajjitoyich, waayeebee ello boonoshi qajjitoyich, shalligoonoo boonoshi qajjitoyich shaahiyoona boonoshich arichiihoye.

Yowannisi 9:39

Yesuusiyoo “Ciinaaneenaꞌo ciinaa, ciinnii beetinaꞌo doogaa, nalloona boonoshi barbaremmoyich, ta hini alemooch waato taane” iye.

Yowannisi 9:41

Yesuusi wochiꞌi, “Aaf doogo ittoshi tuneto gaata, axaaxoo ittoshich tuneyaacheshone. Tunebaani and ‘Ciinnaabeeto noone’ iyote; ebich axaaxoo ittoshi toommoochee wohaachemmone” iye.

Roomi 11:25

Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.