Isiyaasi 41:8 - Kafa Linguistics Project

⁸ “Tunebaani ta guuno Israꞌeelo, ta kaacceti Yaaqobo, ta shunechi Abrahami yaroocho,

Isiyaasi 41:8 ပူးပေါင်းရင်းမြစ်များ

2 Kiinoo 20:7

No Nuggishoocho, hini showee asheenaꞌon ne asheenaꞌo tuneti Israꞌeeleenaꞌo aafoochee yookkaa kichaachaa, ne shunecho tuneti Abrahami shiijjereenaꞌoyich, bulli yemeenoon boonoshicho bi tunemmoyich showoon immeto, neene.

Shoddo 135:4

Ebiyoo Doono Yeeri Yaaqobin bi qellicho, Israꞌeelinoo bi hajjoo, tuniiꞌi bi kaaccitoyichiye.

Shoddo 136:21

Boonoshi showoon bi asheenaꞌoyich hajjoo tuniiꞌi immito, bulli yemeenoon shoodechone.

Shoddo 136:22

Bi guuno Israꞌeelich hajjoo tuniiꞌi immito, bulli yemeenoon shoodechone.

Shoddo 33:12

Doono Yeeri bi Nuggishoo tuneti aagetoo, bi iristo tuniiꞌi bi kaacciti maccoo, diireetone.

Isiyaasi 14:1

Doono Yeeri Yaaqobich ariqqemmone; Israꞌeelinoo wochinnoon kaaccemmone; boonoshi hajjee showooch boonoshi beeyemmoyich tuniyemmone. Shiqqeenaꞌo boonoshi waan waaree, Yaaqobichi yareenaꞌona tookki ikkottemminaꞌone.

Isiyaasi 29:22

Ebich Abrahamin biishee wodiiti Doono Yeeri Yaaqobichi yareenaꞌochon ishichii beetone: “Yaaqobi ebiyee bekk yeelleyaachemmone; yeelleree ceelleyaachemmone.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Isiyaasi 42:19

Ta guunoyee besh wolloo konine? Ta daachiyemmi wocheyechoyee besh ulloo konine? Taach gibeneeti ashichoommon, wolleto, Doono Yeerichi guunochoommon wolloo konine?

Isiyaasi 43:1

Yaaqobo, Israꞌeelo, neen halliti, Doono Yeeri and ishichii beetone: “Neen biisheto taane; shattaahine; ne shigoona neen ceeggeto taane; ne taacho neene.

Isiyaasi 43:10

“Nuggishoo ta tunoon shalligiree, taan ittoshi ariyemmonaa ittoshi gibenemmonoyich, ta kaacceti ta guuno, ta miixoo ittoshine” iye Doono Yeeri. “Tayee aaf nuggishoo aalloone; tayee gubboo beetaachemmone.

Isiyaasi 43:5

Ta neenna tookkaa ta tunetoyich shattaahine; aabi-keyo waanee, aabi-gimo waaneenoo, ne shiijjereenaꞌon kici deebemmo taane.

Isiyaasi 44:21

Doono Yeeri ishichiye: “Yaaqobo, Israꞌeelo, ebi mooyon shalligibe; ta guuno neene; ta neen hallito taane; ne ta guuno neene; ta neen batteyaachemmo taane.

Isiyaasi 45:4

Taan ariyoo ne qajjetaanona, ta guuno Yaaqobicha iyaꞌa, ta kaacceti Israꞌeelicha iyaꞌa, ne shigoona neen ceeggeto taane; oogee shigoon neech immeto taane.

Isiyaasi 48:12

“Yaaqobo, ta ceeggeti Israꞌeelo, waayebe: Ta, Nuggishoo taane, ta shiichoo taane; ta taco taane.

Isiyaasi 49:3

Biyoo taach “Israꞌeelo, ne ta guuno neene; neenna oogemmo taane” iye.

Isiyaasi 51:2

Ittoshi nihoo Abrahamin, ittoshin shiyeti Saarinoo ciinote. Abrahamin ta ceeggiyooba bi ikkeetone; biin diiriyoye; bi yaroonoo meechiyoye.

Isiyaasi 63:16

Abrahami noon ariyoo bi qajjitaa, Yaaqobi noon shalligoo bi qajjitaa, ne nooch Nihoo neene; Doono Yeero, ne nooch Nihoo neene; wonna beddaahaa noon Biishecho ne shigoone.

Erimiyaasi 33:24

“Asheenaꞌo ‘Doono Yeeri bi kaacciti gutte yareenaꞌon duppitone’ itinaꞌon beeggaachine? Illa ebiyee bekk boonoshi aafoochaa asho boonoshi tuneyaachemmoyich, ta asheenaꞌon qallayitinaꞌone” iye.

Leweenaꞌo 25:42

Israꞌeeleenaꞌo, Gibitsee kichaa ta deebeti ta guuninaꞌo boonoshi tunetoyich, guunochoommon kemmeyaayeete.

Milikiyaasi 1:2

Doono Yeeri bi asheenaꞌoyich ishichiye: “Ta ittoshin shunnaabeeto taane” iye. Tunebaani boonoshi “Noon ne shuno aaye?” iyeete. Doono Yeeri ishichiꞌi wochiye: “Esayi Yaaqobichi manoo toone? Tunebaani Yaaqobin shunnaachaa,

Maatiyoosi 3:9

Wotta ittoshinaa ittoshina ‘Abrahamichi bushiishoo noone’ getiree yebeneyaahote. Ittoshich gettoye: Hini xaqqeenaꞌoochee Yeeri Abrahamich bushiishoon halloon hakkiye.

Galaati 3:19

Illa sheeroo icheto, amoyichiye? Gibenee qaaro ichetoyee gubb wotta sheeroo icheto, axaaxoo amo gaata bi bekkemmoyichiye. Are sheeroo icheto Yeeri gibenikkiti gibenee yaroo waammi wottooniye. Bi ichetoo maraakeenaꞌochi gommona, shoobbecho kishoonane.

Yibbaatoo 10:15

Tunebaani Doono Yeeri ittoshi qaabbechinaꞌon bi shunniti shunoo manjoo bi tunetoyich, showee toommooch beeti aageteenaꞌo bulli daggoochee, boonoshi shiijjeroo tuneti ittoshin kaacciye. Ebich and beddaahaa ittoshi biinna kaacheti asho ittoshine.

Yibbaatoo 14:2

Ebiyoo ittoshi, ittoshi Nuggishoo Doono Yeerich yaafoo ittoshi tunetoyichiye. Wotta, bi hajjee asho ittoshi tunemmoyich, showee toommooch beeti asho bulli daggoochee Doono Yeeri ittoshin bi kaaccitoyichiye” iye.

Yaaqobi 2:23

Yaafe Macaafo “Abrahami mulloon Yeeri toommooch tooꞌiihe; ebi mullee tooꞌiyoo Yeeri aafoochaa biin cadiqiihe” bi ito ceennitone; biyoo Yeerichi shunecho getteetone.