Isiyaasi 41:2 - Kafa Linguistics Project

² “Aabi-keyo waanee ikkoon tiijjito, bi hammito bulliichaa wudoon daniito konine? Aageteenaꞌon bi aafooch beshiiꞌi immiye; taateenaꞌoo biich hajjeyemmoyich tuniihe; bi goraadoona boonoshin quttoon tuniihe; bi maꞌoonoo yongo daammiibeeti maaxxoon tuniihe.

Isiyaasi 41:2 ပူးပေါင်းရင်းမြစ်များ

Halloo 11:31

Taari, bi bushoo Abraamin, bi bushoochi bushoo, Haraanichi bushoo Looxin, Abraami mechee, bi naamechee Saarayinoo yechiꞌi, Kanaanee showooch hamma, Kalideenaꞌo showooch beeti, Uuri katemoochee kechiye. Tunebaani Karaan shaggiꞌi, arooch koteheete.

Halloo 17:1

Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

2 Saameeli 22:43

Boonoshin yiikkaꞌa quttoon tuniihoye; gommooch beeti dengoochoommon, boonoshin kotoye.

2 Taateenaꞌo 13:7

Sooriyee taatoo boonoshin yiikkee aalliiꞌi, maayi buchi xaaꞌeexi quttoommon bi tuniitoyich, Yoꞌakaazich aache hareshechinaꞌo, aashire gaarinaa aashire hume baatechinaꞌonoyee besh echeti ginee naayo aalloone.

2 Kiinoo 36:23

“Faariisee taatoo Qiroosi ishichiye: Shimaajji Nuggishoo Doono Yeeri showee toommooch beeti taatittino bullin taach immitone. Yihudee showooch beeti Yerusaalem yaafee kexon biich ta haggemmoyichoo taach gettitone. Bi asheenaꞌoochee ittoshi daggooch beeti asho koniyoona bi Nuggishoo Doono Yeeri biinna tookki tunebe; tiyiree Yerusaalem hambe” iye.

Iziri 1:2

Faariisee taatoo Qiroosi ishichiye: “Shimaajji Nuggishoo Doono Yeeri showee toommooch beeti taatittino bullin taach immitone. Yihudee showooch beeti Yerusaalem yaafee kexon biich ta haggemmoyichoo taach gettitone.

Isiyaasi 40:24

Boonoshiyoo batt colleebeeti, cammon awureyaani bechoomminaꞌone; yongoon bi deejjimmona bekkech shuuqqemminaꞌone; maaxxoochoommon yongo boonoshin hidii daammiye.

Isiyaasi 41:25

“Dambi-waanee ikkoon tiijjiyoye; biyoo waatone; aabi-keyoochee woyemmo ta shigoon ceeggemmo biine; nuuqqee achecho nuuqqoon bi neexoommon, biyoo ukkireenaꞌon neexxemmone.

Isiyaasi 41:3

Bi baatoo neexxii ariyaani gommona boonoshin yookkiꞌi diggoona hammiye.

Isiyaasi 42:6

“Doono Yeeri ta, neen cadiqoona ceeggeto taane; ne kishoonoo yechemmo taane; neen quyemmo taane; ta asheenaꞌoyich wogoon, aageteenaꞌoyichoo bekkoon, neen tuniyemmo taane.

Isiyaasi 45:1

Aageteenaꞌo biich hajjeyemmoyich, taateenaꞌochi giidoon bi giishiyemmoyich, kello bi aafooch hicheyaanoon, qechoo bi tunemmoyich, bi qannoona bi yechiti, bi huuttiti Qiroosich, Doono Yeeri ishichiye:

Isiyaasi 45:13

Cadiqittinee shuunoyich Qiroosin shuurikkito taane; bi gommo bullin tachemmo taane; biyoo ta katemoon shuunemmone; ta asheenaꞌon kecoochee kichemmone; ebin bi tuniyemmo, gatiyoo qochemmoyich, woyee gaaco bi danemmoyich toonoone” iye Beshe Mawe Doono Yeeri.

Isiyaasi 46:11

Aabi-keyo waanee yechiibeeti booyoommon, wohi showoochee ta daaggoon ceechemmi ashoon, ceeggemmo taane; getteto taane; ceechemmo taane; gabito taane; tuniyemmo taane.

Isiyaasi 48:15

Ebin getteto taane; biin ceeggetoo halla taane; biin deebeto taane; bi gommoo kaamemmone.

Shoosho 1:15

“Doono, ta ginee anaaminaꞌo bullin duppiye; ta gurimaasheenaꞌon buricoyich, ta toommooch ginee naayinaꞌon kiciye; oppoochaa woyinoon kotoommon Doono Yihudee asheenaꞌon kotehe.

Hibireena'o 7:1

Ebi Meleekitsedeqi Saalemi taatoonaa Beshe Nuggishoo Yeerich maddeebeeti qeeshoonane. Abrahaminaa bi aafee bushiisheenaꞌona awudde taateenaꞌon kochii wochiꞌi boonoshi wottehooba, Meleekitsedeqi Abrahamina tookkii daneꞌi biin diiriye.

Yaaꞌoo 16:12

Shirittinnee maraakoo bi yechiti xoofoon ooge aaco Efiraaxisi toommooch ukkiye; aabi-keyo waanee woyemmi taateenaꞌoyich gommo qannemmoyich aaco tahiye.

Yaaꞌoo 7:2

Beeyechi Nuggishoo Yeerichi maatemoon yechiti bare maraakoo aabi-keyo waanee kechii bi beetaa beeggeho. Biyoo showoonaa baharee aaconochi toommooch gonde mooyon boonoshi tuniyemmoyich daaggeeti awudde maraakeenaꞌoyich oogeti qaaroona cookiꞌi,