Isiyaasi 41:16 - Kafa Linguistics Project

¹⁶ Shimaayooch shakkemmo neene; yongo boonoshin hidi daammemmone; yuboo boonoshin shaccemmone; newoo Doono Yeerina emiremmo neene; Israꞌeelee Yaafoona yebenemmo neene.

Isiyaasi 41:16 ပူးပေါင်းရင်းမြစ်များ

Shoddo 1:4

Gondeenaꞌo ebiyoomminaꞌo tooneenaꞌone; yongo hidii daammiibeeti maaxxoomminaꞌone.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 17:13

Aageteenaꞌo meeti aacochoommon goohiyeete; tunebaani Yeeri boonoshin kaaretaa, guudi toommoochaa yongo shacciibeeti maaxxoochoommon, yubee yongo tiijjiibeeti quttoochoommon tiyi aallemminaꞌone.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Isiyaasi 28:5

Arooba Beshe Mawe Doono Yeeri, muriccii echeti bi asheenaꞌoyich oogee ukoon, malleteechi gubbichoon tunemmone.

Isiyaasi 29:19

Girechinaꞌonaa boonoshi qelloon giishii beetinaꞌona, Israꞌeelee Yaafoo tuneti Doono Yeeri immiibeeti emiroon wochinnoon danemminaꞌone.

Isiyaasi 29:5

Tunebaani meeti ne etteenaꞌo qacini buttoommon tunemminaꞌone; meeti mulli manjeenaꞌoo beshee hammiibeeti maayi maaxxoochoommon diqqoona aallemminaꞌone.

Isiyaasi 35:10

Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.

Isiyaasi 40:24

Boonoshiyoo batt colleebeeti, cammon awureyaani bechoomminaꞌone; yongoon bi deejjimmona bekkech shuuqqemminaꞌone; maaxxoochoommon yongo boonoshin hidii daammiye.

Isiyaasi 51:3

Doono Yeeri ta, Tsiyoonin, shokkoon echeti bi xaaꞌoonoo, goggiyemmo taane; bi barahoon Edeniyoommon, Doono Yeerichi bechee mixinaꞌo beeti xaaꞌoommonoo, tuniyemmo taane; bi waan emiroonaa wucwucona danemmone; galletee shoddo bi waanaa shoddeyemmone.

Isiyaasi 60:19

Ebiyee bekk areddoon neech bekkoon tunemmi aabe tooneene; xumoonoo neech ceechoon tunemmi agene tooneene; Doono Yeeri bulli yemeenee ceechoon neech tunemmone; ne Nuggishoo neech oogee yiiroon tunemmone.

Isiyaasi 65:18

Tunebaani ebi ta hallitona bulli yemeenooch emiribote; emiroonoo wucwucote. Yerusaalemin emiroyich bi asheenaꞌonoo emiroona wucwucoyich hallito taane.

Erimiyaasi 15:7

Ittoshi gonde gommoochee wotto ittoshi qajjitoyich, katemee kello bulliich yooppoona ittoshin shaccehoye; ittoshi bushiishoon wuxaꞌa kishoon tiqqiihoye; ta asho ittoshin aalliihoye.

Erimiyaasi 51:2

Biin boonoshi woqqemmoyich woqqechinaꞌon Baabloonee showooch deejjemmo taane; boonoshiyoo bi showoon shokkoon echiyemminaꞌone; bi xuuxee aabooba bi guudo bulliichaa biin kochemminaꞌone.

Erimiyaasi 51:20

Doono Yeeri ishichiye: “Baabloono, ne, ta modooshoo, ta ginee qiico neene; neenna aageteenaꞌon tiichoye; neenna taatittineenaꞌon aalliihoye;

Erimiyaasi 51:33

Israꞌeelee Nuggishoo Beshe Mawe Doono Yeeri, “Baablooni bi xuuxee aabooba maayo bucheebeeti godoommone; bi qeccee gooroo kaate shaggemmone” itone.

Daaneeli 2:35

Bekkech xuuroo, nuuqqoo, gooshoo, birewoonaa aachoona, eboshi bulli buriceheete; maayo bucheebeeti xaaꞌooch beeti maaxxoochoommon tuneheete. Yongo amoonolla echiyaanoon hidii daammiye. Tunebaani misiloon yexxiti xaqqo dicciꞌi ooge guudon tunehe; showoo bulliichoo ceenniye.

Hosee'i 11:9

Ta kaaree shiixxoon ne toommooch kindiyaachemmo taane. Efreemin wochinnoon aalliyaachemmo taane. Ebiyoo boonoshi daggooch beeti, Yaafe Nuggishoo ta tunetoyich, asho tuno ta qajjetoyichiye. Naxoona ne waan waataachemmo taane.

Yoꞌeeli 2:23

Tsiyoonee asheenaꞌote, emiribote! Ittoshi Nuggishoo Doono Yeeri taanna oogichi emiribote! Marehee amiyon, cadiqoona ittoshich immeto taane. Marehee amiyonaa naawee amiyonon, woddii ittoshich dichito taane.

Mikiyaasi 5:8

Aageteenaꞌo daggooch curo tuneꞌi echeti ebi Israꞌeeleenaꞌo, kubbi cooxinaꞌo daggooch giyiti daaheroommon, bageenaꞌo daggooch giyiꞌi neexxii yangixxiibeeti, bi kishoochee koniyoona dichoon hakkaani more daaheroommon tunemminaꞌone.

Imbaaqoomi 3:18

ebi bulli tunetaanoona ta, Doono Yeerina, taan wodiyechi ta Nuggishoona, emiremmo taane.

Maatiyoosi 3:12

Maayoon yooppiibeeti qiico bi kishoochiye; maayo bullin yooppiree xalliyemmone; are yooppaa xalleti teepphoon bi gotooch geddemmone; tunebaani maaxxoon tahaani qaaqqoona michemmone” iye.

Roomi 5:11

Tunebaani ebi ikkeeto baach toonoone; and no Doono Yesuus Kiristoosichi gommona no shuneti Yeerina wotta geeciyone.

Filipphisiyoosi 3:3

Iberoon dokireeto, Ayaanoona Yeerich goyinneebeeti, Kiristoos Yesuusina geeciibeeti, meechi doyoona geecaani, noani boonoshi tooneenaꞌone.