Isiyaasi 41:14 - Kafa Linguistics Project

¹⁴ Hipperoommi Yaaqobo, Israꞌeelee ashoocho, shattaahine; Doono Yeeri ta neen gaachemmo taane; neen Biishee Wodiyechi Israꞌeelee Yaafoo taane.

Isiyaasi 41:14 ပူးပေါင်းရင်းမြစ်များ

Iyoobi 19:25

Taach shaxoo neexemmo kashecho bi tunoon, ciiroochaa nallee gabberooch, ta gaꞌooch neexemmo bi tunoon, ariyaabeeto taane;

Iyoobi 25:6

Ishigaata, hipperoo tuneti asho, turoo tuneti ashi bushoo, amoon tunehe” iye.

Shoddo 19:14

Taach Deebe Xaqqoonaa taan Biishee Wodiyechona tuneti Doono Yeero, ta yibbaatoonaa ta mullee gaboona neen emirikkibe.

Shoddo 22:6

Tunebaani ta hipperoo taane; asho toono taane; ashoona cooneyaꞌa hoxeeto taane.

Shoddo 46:5

Doono Yeeri ebi katemee daggooch bi beetoyich, are katemee koyaa aalleyaachemmine; haree maaddooch Yeeri biin gaachemmone.

Shoddo 78:35

Yeeri boonoshi Deebe Xaqqo bi tunoon, Beshoo Yeeri boonoshin Biishee Wodiyecho bi tunoon, shalligiyeete.

Isiyaasi 35:10

Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.

Isiyaasi 37:4

Beeyechi Doono Yeerin bi naaggemmoyich bi doono tuneti, Asooree taatoo deejjiti Rabishaqichi naagoon Nuggishoo Doono Yeeri diqqich waayo qayaanoone. Ebich ne Nuggishoo Doono Yeeri bi waayeti naagoyich biin bi naxemmoyich, echeti cureenaꞌoyich ne corootemmoyich neen qollehoye’ itone” iyeete.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 43:14

Ittoshin Biishee Wodiyechi Israꞌeelee Yaafoo Doono Yeeri ishichiye: “Ittoshi naboyich ginee naayon Baablooni toommooch daachiyemmo taane; katemee uxeree kelleenaꞌon tiichemmo taane; are katemeexi asheenaꞌochi emiroo eeppi shaddeyemmone.

Isiyaasi 43:3

Israꞌeelee Yaafoo ne Nuggishoo Doono Yeeri ta, neen Wodiyecho taane; neen biishoyich Gibitsin immemmo taane; ne qoodoyich Topphiyoonaa Seebinon immemmo taane.

Isiyaasi 44:22

Ne axaaxoon quboochoommon, ne xuꞌoon quboochoommon, shoterekkayiree aalliyemmo taane; neen ta biishetoyich ta waan wottebe” iye.

Isiyaasi 44:24

Ne indee maacoochoo neen halliti, neen Biishechi Doono Yeeri ishichiye: “Bullin hallito, shimaayeenaꞌon ta ikkeeto yaggito, showoon hecceto Doono Yeeri taane; ebiyooba taanna tookkii koniyoona aalloone.

Isiyaasi 44:6

Israꞌeelee Taatoonaa Biishee Wodiyechona tuneti Doono Yeeri, Beshe Mawe Doono Yeeri, ishichiye: “Ta, shiichoo taane; ta taco taane; tayee bare nuggishoo aalloone.

Isiyaasi 47:4

Noon Biishee Wodiyechi Israꞌeelee Yaafoo, bi shigo Beshe Mawe Doono Yeerine.

Isiyaasi 48:17

Ittoshin Biishee Wodiyechi Israꞌeelee Yaafoo, Doono Yeeri ishichiye: “Neech gaaccemmon neech dojjaabeeti, ne hammaabeeti gommooch neen yaabaabeeti, ne Nuggishoo Doono Yeeri taane.

Isiyaasi 49:26

Neen neexxii hajjitinaꞌo boonoshi hajjee meenon boonoshi maayemmoyich, boonoshi hajjee damoonoo woyinee uyoochoommon boonoshi uchemmoyich, tuniyemmo taane. Ebina Doono Yeeri ta, neen Shiwechonaa Biishee Wodiyechona, Yaaqobi goyinneebeeti Giidechi Nuggishoo ta tunoon, asho bulli ariyemmone” iye.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Isiyaasi 54:5

Neen halliti Nuggishoo neech kenoon tunemmone; bi shigo Beshe Mawe Doono Yeeri getteehe. Israꞌeelee Yaafoo neen biishe wodiyemmone; biyoo showoo bullichi Nuggishoone.

Isiyaasi 54:8

Oogichii kaaroona giisheche aaboon, ne waanee ta aafoon bara wochito taane; tunebaani bulli yemeenee shunoona neech ariqqemmo taane” iye neen Biishechi Doono Yeeri.

Isiyaasi 59:20

“Biishecho Tsiyoon, boonoshi axaaxoochee wotteti Yaaqobi yareenaꞌo waan woyemmone” iye Doono Yeeri.

Isiyaasi 60:16

Bushiishoo xanon xamoommon, aageteenaꞌonaa taateenaꞌonochi gaannoon xammemmi neene; Doono Yeeri ta, Yaaqobi goyinneebeeti Giidechi Nuggishoo, neen Wodiyechonaa neen Biishechona ta tunoon ariyemmi neene.

Isiyaasi 63:16

Abrahami noon ariyoo bi qajjitaa, Yaaqobi noon shalligoo bi qajjitaa, ne nooch Nihoo neene; Doono Yeero, ne nooch Nihoo neene; wonna beddaahaa noon Biishecho ne shigoone.

Erimiyaasi 46:27

“Tunebaani ta guuno Yaaqobo, shattaahine; Israꞌeelo, keqqiyaahine; neen wohoochee, ne yareenaꞌonoo boonoshi keccetoochee gaache wodiyemmo taane. Yaaqobi wotteree kashemmone; diggeree beeyemmone; koniyoona biin shatiyaachemmone.

Erimiyaasi 50:34

Tunebaani boonoshin Biishecho kupphoone. Bi shigoo Beshe Mawe Doono Yeerine; showoon tooꞌii kashiyoyich, boonoshi taggoon kupphii taggemmone; tunebaani Baabloonee showooch beetinaꞌon geewiyemmone.

Shoosho 3:57

Neen ta ceegiyooba katinnehine; taanoo “Shattaahine” iyine.

Daaneeli 10:12

Biyoo taach ishichiye: “Daaneelo, shattaahine! Shalligoon daneya ne Nuggishoo aafooch ne qelloon ne giishiiti, batti batti aaboochee tiijjiꞌi, Yeeri ne qolloon waayetone. Tawoo ne qolloyich tunemmi wochoon yechaꞌa waato taane.

Hosee'i 11:9

Ta kaaree shiixxoon ne toommooch kindiyaachemmo taane. Efreemin wochinnoon aalliyaachemmo taane. Ebiyoo boonoshi daggooch beeti, Yaafe Nuggishoo ta tunetoyich, asho tuno ta qajjetoyichiye. Naxoona ne waan waataachemmo taane.

Maatiyoosi 7:14

Tunetaa bulli yemeenee kashooch bechiibeeti kello xebboo, gommoo geppoone. Are gommon danee beetinaꞌo giishecheenaꞌone” iye.

Luqaasi 12:32

“Hini giisheche ta shiisheenaꞌote, shattaahote. Bi taatittineen ittoshich imoyich ittoshi Nihoo Yeeri oogichiꞌi emiritone.

Roomi 9:27

Keemechi Isiyaasi bi macaafoochaa “Israꞌeeleenaꞌo baharee gasheexi qacoommon boonoshi woddeteenona, giishecheenaꞌo baach wodemminaꞌone.

Galaati 3:13

“Mixooch yooddeebeeto bulli uppetone” getaa kooreetone; ebich Kiristoosi noocha iꞌi uppeton tuneꞌi sheeroo no toommooch deebemmi ufoochee noon biishehe.

Yibbaatoo 7:7

“Doono Yeeri ittoshin bi shunnitonaa bi kaaccitona bare asheenaꞌoyee haddoona beshiꞌi ittoshi beetaa toonoone. Showee toommooch beeti asheenaꞌo bulliyee haddoona giishecho ittoshine.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Yaasi 17:18

Ebich geppe showoo ittoshicho tunemmone; shaaroo bi tunetaanoona, ikke gocoochee bare gocooch beddaahaa dafiree ebi showoon hajjemmo ittoshine. Kanaaneenaꞌoyich xuuroochee shuuneeti ogooge gaari bi beetaanona, wotta kuppheenaꞌo boonoshi tunetaanoona, aroochee boonoshin yoohi kichemmo ittoshine” iye.

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;