Isiyaasi 41:13 - Kafa Linguistics Project

¹³ Ne Nuggishoo Doono Yeeri ta, ‘Neen gaachemmo taane; shattaahine’ iyaꞌa, ne qanne kishoona yecheto taane.

Isiyaasi 41:13 ပူးပေါင်းရင်းမြစ်များ

Shoddo 109:31

Ebiyoo qitooch nalleeton bi wodiitoyich, amaalloochi qannooch bi neexetoyichiye.

Shoddo 118:7

Doono Yeeri taan gaacheya ta gaꞌooch beetone; ta etteenaꞌochi dihoon beeggemmo taane.

Shoddo 63:8

Neen manjiyaa yecheto taane; ne qanne kishoo taan kaachii neechiye.

Shoddo 73:23

Tunebaani ta bulli aaboon neenna tookkaa taane; newoo ta qanne kishoon yechehine.

Keyo 14:13

Muusiyoo asheenaꞌoyich ishichiꞌi wochiye: “Shattaahote; kuppheree neexebote. Doono Yeeri aabichiree ittoshin bi wodiyemmo gaata beeggemmo ittoshine. Hanaach ittoshi beeggiibeeti Gibitseenaꞌon guttinnoon beegaachemmo ittoshine.

Keyo 20:20

Muusiyoo “Shattaahote; Yeeri ebiyoommi gommona ittoshi waan bi waato, ittoshi mooyon beegoyichiye; biichoo shatiree, axaaxoon shuunoochee wohiree ittoshi beeyemmoyichiye” iye.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 42:6

“Doono Yeeri ta, neen cadiqoona ceeggeto taane; ne kishoonoo yechemmo taane; neen quyemmo taane; ta asheenaꞌoyich wogoon, aageteenaꞌoyichoo bekkoon, neen tuniyemmo taane.

Isiyaasi 43:6

Ta anaami bushiishoonaa ta maache bushiishoona wohi showoochee, showee toommo bulliichee boonoshi woyemmoyich, dambi-waani showee asheenaꞌon, gawukkibote, deshi-waani showee asheenaꞌonoo bajjaahote, gettemmo taane.

Isiyaasi 45:1

Aageteenaꞌo biich hajjeyemmoyich, taateenaꞌochi giidoon bi giishiyemmoyich, kello bi aafooch hicheyaanoon, qechoo bi tunemmoyich, bi qannoona bi yechiti, bi huuttiti Qiroosich, Doono Yeeri ishichiye:

Isiyaasi 51:18

Ne bushiishoo bulliichee, neen yaabemmo ciroona aalloone; ne dichiti bushiisheenaꞌo daggoochee ne kishoona yeshi daammemmo aalloone.

Erimiyaasi 30:10

“Ebich ta maddechi Yaaqobo, shattaahine; Israꞌeelo, keqqiyaahine, iye Doono Yeeri. Neen wohi showoochee, ne yareenaꞌonoo boonoshi kecceti showoochee, wodiyemmo taane; Yaaqobi wotteree diggoona tooꞌi kotemmone; koniyoona biin shatiyaachemmone.

Erimiyaasi 46:27

“Tunebaani ta guuno Yaaqobo, shattaahine; Israꞌeelo, keqqiyaahine; neen wohoochee, ne yareenaꞌonoo boonoshi keccetoochee gaache wodiyemmo taane. Yaaqobi wotteree kashemmone; diggeree beeyemmone; koniyoona biin shatiyaachemmone.

Haagi 2:5

Gibitsee ittoshi keyiyooba, ittoshich ta gibenikkito ebiniye. Ta Ayaano ittoshina tookkii beetone; shattaahote’ iye.

2 Ximootiyoosi 4:17

Tunebaani mishiraachee qaaroon bechee shuunoo taanna bi ceennemmonaa Aageteenaꞌo bulli waayemmonoyich, Doono Yesuusi ta gaꞌooch neexeꞌi taan kupphiihe; daaheree gammoocheenoo taan wodiihe.