Isiyaasi 40:9 - Kafa Linguistics Project

⁹ Mishiraachoon gettaabeeti Tsiyoone, guudi cullullooch keye; mishiraachoon gettaabeeti Yerusaaleme, ne qaaroon oogichi cookibe; shattaahine; Yihudee katemeenaꞌoyich, “Ebiyoche ittoshi Nuggishoo” gete.

Isiyaasi 40:9 ပူးပေါင်းရင်းမြစ်များ

2 Kiinoo 13:4

Abiyi geppechi Efreemee showooch beeti Tsemarayimi guudi toommooch neexeechii ishichiye: “Yeroboꞌaminaa Israꞌeeleenaꞌonote, waayebote.

Isiyaasi 1:1

Yihudee taateenaꞌo, Uziyaahi, Yotaami, Akaazinaa Hiziqiyaasinochi taatee yemeenooba, Yihudinaa Yerusaaleminochon Amootsi bushoo Isiyaasi beeggiti yaaꞌoo.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Isiyaasi 35:2

Barahoo woddii bungemmone; emiroona, shoddoonoo wucwuccemmone; Libanoosi oogo, Qermeloosinaa Shaarooninochi oogo biich ichemmone. Doono Yeerichi oogoon, no Nuggishoochi oogee yiiroon beeggemmone.

Isiyaasi 41:27

Batti batt, ebi gaawe mooyon Tsiyoonich getteto, taane; Yerusaalemichoo mishiraachee gettechon wocheto, taane.

Isiyaasi 44:26

tunebaani ta maddechinaꞌochi qaaroon kachiyemmo taane; ta wocheyechinaꞌochi ciicoon ceechemmo taane; Yerusaalemin ‘Ashi beemi xaaꞌoon tunemmine,’ Yihudee katemeenaꞌonoo ‘Wochinnoon shuuneyemminaꞌone,’ boonoshi buriceenaꞌonoo ‘Tiyemmo ittoshine,’ gettemmo taane.

Isiyaasi 51:12

Doono Yeeri ishichiye: “Ittoshin goggiyemmo ta qelloona taane; qitemmi ashich, mocoo shoolloommon shoollemmi ashi bushiishoyich, ittoshi shattiibeeto amoyichiye?

Isiyaasi 51:7

“Tate mooyon ariyaa beetinaꞌote, ta sheeroo ittoshi mullooch beeti asheenaꞌote, ta waanee waayebote: Ashi miichoon shattaahote; boonoshi naagoyichoo keqqiyaahote.

Isiyaasi 52:6

“Ebiyooba ta asheenaꞌo ta shigoon, ebin gettaabeeto ta tunoonoo ariyemminaꞌone; ebin gettaabeeto taane” iye.

Isiyaasi 58:4

Ittoshi coomiibeeto kaaroyich, koyoonaa hakka guutoon guriphonoyichiye. And ebi ittoshi coomii beetoommon coomibee, ittoshi qaaro damba bi waayeyemmoyich quyeyaahote.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Erimiyaasi 22:20

Yerusaalemi katemee asheenaꞌote! Ittoshina tookkii shunoon maa beetinaꞌo aalletoyich Libanoos keyiichi cookibote; Bashaanee showooch keyiichishoo ittoshi qaaroon oogichiree uukkibote; Abariimi guudoochaa cookibote.

Erimiyaasi 29:11

Ittoshich ta gabaa beeti gaboon ariibeeto taane” iye Doono Yeeri. “Ebi gaboo bi ciiro gaawoonaa gibeneetona tuneti diggeechoani gonde gaboo toonoone.

Naahoomi 1:15

Illa ebiyoche, mishiraachoon gettecho, diggee woroonoo awaajjecho, guudi toommooch shaggitone; Yihudee asheenaꞌote, baaroon baaribote; ittoshi mookketon Yeerich imbote. Gonde asheenaꞌo ciroona hidaa aalletinaꞌone; illa ittoshi showoon kocha wochinnoon waataachemminaꞌone.

Luqaasi 24:47

Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.

Mishiraachechinaꞌo 2:14

Arooba Pheexiroosi aaraa ikkeenaꞌona tookkii neexeechii bi qaaroon oogichiꞌi ishichiye: “Ayihudeenaꞌote, wotta Yerusaalem beeti asheenaꞌote, ittoshi bulli hini mooyon ta getaa, ibere mulloona elle waayebote.

Mishiraachechinaꞌo 4:13

Arooba kiceeti Ayihudee nallechinaꞌo Pheexiroosinaa Yowannisina aafoon kuppheꞌi boonoshi yibbaatoon beeggiꞌi, dojjechona tookkii boonoshi dicci qayonaa ogooge asheenaꞌo boonoshi tunee qayonon shalligiꞌi worganeheete; ebiyee aaf Yesuusina tookkii boonoshi beemon ariiheete.

Mishiraachechinaꞌo 4:29

Andoo Doonocho, boonoshi miichoon ciine; aafoon kuppheree ne qaaroon no gettemmoyich, ne guuno noon kupphiibe.

Roomi 10:18

Tunebaani “Wochoon waayeyaaneenaꞌone?” iyo. Waayetinaꞌone. Yaafe Macaafooch bi kooreetoommon, “Wocheyechinaꞌochi qaaro, alemo bullich waayeehe; boonoshi gettiti qaaro, showee tuggooch beddaahaa shaggiye.”

Efesooni 6:19

Wotta mishiraachee qaaree maacee mooyon aafee kupphoona getoyich ta noonoon ta qechaa qaaroon taach Yeeri immemmoyich qollebote.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.

1 Pheexiroosi 3:14

Tunebaani cadiqee shuunoon ittoshi shuunetoyich ittoshin xuuxoon boonoshi bekkiigaata, diireeto ittoshine. Asheenaꞌochi miichoon shattaahote; keqqiyaahote.

Woraaferasheenaꞌo 9:7

Yotaamiyoo ebi mooyon waayeꞌi, Gerizimi guudi toommooch hammii neexeechii, boonoshi waan cookiibee ishichiye: “Shekeemi asheenaꞌote, Yeeri ittoshi qolloon bi waayemmoyich, ta gettaa beeton waayebote.