Isiyaasi 40:31 - Kafa Linguistics Project

³¹ Tunebaani Doono Yeerin gibenoona quyee beetinaꞌo, boonoshi giidoo andiremmone; booyochoommon qoshoona yoobbemminaꞌone; woccemminaꞌone, taahachemminaꞌone; hammemminaꞌone, maraateyaachemminaꞌone.

Isiyaasi 40:31 ပူးပေါင်းရင်းမြစ်များ

Iyoobi 17:9

Tunebaani cadiqe asho murici dihaachemmone; bi kishoo xalloo tuneti asho kupphe kupphe hammemmone.

Shoddo 103:5

booyochoommon ne gurimaashittino bi andiremmoyich, gaawe mooyon imona ne qaatoon ceechiibeeto, biine.

Shoddo 123:2

Ebiyoche guuno bi doono kishoon ciinoommon, gonnee bi gennee kishoon ciinoommon, nooch ne ariqqemmi wottoon no aafo no Nuggishoo Doono Yeeri ne waan ciinniye.

Shoddo 138:3

Ne waan ta cookaa waayehine; ne hakkoona taan kupphiihine.

Shoddo 20:9

Doono Yeero, taatoon wodiibe; ne waan no cookiyooba waayebe.

Shoddo 25:21

Neen gibeneto taane; ta deꞌittinoonaa kaamittinoona taan quyebe.

Shoddo 25:3

Neen gibenee beetinaꞌo yeelleyaachemminaꞌone; baad cikkii dawushii beetinaꞌo yeellemminaꞌone.

Shoddo 25:5

Taan wodiyechi ta Nuggishoo ne tunetoyich, ne iberittinoona taan yaabiree dojjibe. Heeyo bullin ta gibenaabeeto neeniye.

Shoddo 37:34

Doono Yeerin gibenebe; bi getoonoo ceechibe. Biyoo showoon ne woraashemmoyich tuniyoona neen oogiyemmone; gondeenaꞌo aalletaa beeggemmo neene.

Shoddo 40:1

Haaꞌiyoona Doono Yeerin quyoye; biyoo ta waan gaꞌee, ta cookoon waayehe.

Shoddo 84:7

Boonoshiyoo giide giide hammemminaꞌone; nuggisheenaꞌochi Nuggishoo Tsiyoonaa bekkemmone.

Shoddo 84:8

Beshe Mawe Nuggishoo Doono Yeero, ta corootoon waayebe; Yaaqobichi Nuggishoocho, elle waayebe.

Shoddo 92:1

Doono Yeerin galleto gaawetone; Beshoo Yeero, neech galletee shoddoon shoddo gaawetone.

Shoddo 92:13

Doono Yeerichi kexooch becheetinaꞌone; no Nuggishoochi addibaabooch waarwaariyemminaꞌone.

Keyo 19:4

‘Gibitseenaꞌo toommooch amo ta tuniito gaata, wotta booyo bi bushiishoon bi qoshoona bi shaagoommon, tawoo ittoshin ta waan aabichaꞌa ta deebeto gaata ittoshi, ittoshi qelloona beeggito ittoshine.

Shaahiyoo 30:19

Eboshiyoo: Aabichiꞌi booyo shimaayoona bi yoobbiibeeto gaata, dingero xaqqee toommona bi hammiibeeto gaata, markabo baharee toommona bi hammiibeeto gaatinaa, asho maacheen bi shunniibeeto gaatinane.

Solomooni 8:5

Bi shiiqqi toommooch teeqqaꞌa barahoochee waabeeti, ebi konine? Appilee michi baatooch ne tokketetoochee neen tiijjiyoye; ne indee neen bi xifeto, maaxoona neen bi shiyeto, ebi aroochaane.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Isiyaasi 30:15

Israꞌeelee Yaafoo tuneti Nuggishoo Doono Yeeri ishichiye: “ ‘Ta waan wottoonaa tooqqii kashoona wodemmo ittoshine; tooqqii kotoonaa taan gibenoona hakkoon danemmo ittoshine’ iyoye; tunebaani ittoshi qajje iyote.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Isiyaasi 41:1

“Buure showooch beetinaꞌote, taane cikki ellebote; asheenaꞌo boonoshi giidoon andiriibeete; ta waan gidderee yibbaatebeete; ikkittinoona nallee gabberooch giddebone.

Isiyaasi 64:4

Wonnee tiijjiꞌi, neen gibenee beetinaꞌoyich ne tuniiti ebiyoommi mooyon tuniiti nuggishoo, neyee besh baroo waayeyaanoone; bi waamona waayeto, bi aafoonoo beeggito aalloone.

Isiyaasi 8:17

Bi aafoon Yaaqobichi yareenaꞌo waanee bi wochitaanona, Doono Yeerin quyemmo taane; biinoo gibenemmo taane.

Erimiyaasi 48:15

Moꞌabi tiishetone; bi katemeenaꞌo kochee aalletinaꞌone; kaacceti boonoshi gurimaasheenaꞌoo guureya kinditinaꞌone” iye bi shigo Beshe Mawe Doono Yeeri getteebeeti Taatoo.

Zakaariyaasi 10:12

Doono Yeeri ta, boonoshin kupphiyemmo taane; ta shigoonoo giyi kechemminaꞌone” iye Doono Yeeri.

Luqaasi 18:1

Ebiyee gubb, taahaanoon bulli aaboon corooteechon Yesuusi ishichiꞌi bi dabbeenaꞌoyich hini shaahiyoona gettiye:

Roomi 8:25

No beegaani mooyon no gibenegaata, haaꞌiyoona quyemmo noone.

2 Qorontoosi 4:1

Ebich Yeeri bi maaroona hini shuunoon nooch bi immitoyich taahaachone.

2 Qorontoosi 4:16

Ebich taahaachone; maachi no ashittino yicciteenolla, maaci no ashittino qemi qemona andiree beetone.

Galaati 6:9

Ebich gaawe shuunoon shuunoyich beenaayone. Taahoo no qayigaata, qecci goorooba qeccemmo noone.

Yibbaatoo 32:11

Booyo bi kexon quyoommon, bi bushiishoo toommooch bi guufoommon, Doono Yeeri bi qoshoon yaggiꞌi, bi asheenaꞌon dihoochee quyehe.

Yibbaatoo 33:25

Bi uxeree kellee tuggo xuuroonaa gooshoona tunebe; bi yemeeno bullinoo diggoona beebe” iye.

Hibireena'o 12:1

Illa ebi shaahe miixeenaꞌo quboochoommon no guudoona boonoshi beetoyich, no wotta shaago bullin, kaafi noon yechemmi axaaxoonoo wokkiibone; no mullee tooꞌiyee shimboonaa tuggoonon tuneti Yesuusin ciinibee, noyee aaf beeti gommon haaꞌiyoona wocone. Biyoo gubb bi danemmi emiroon ciinniꞌi, masqalee toommooch qitoo yeelliibeeto bi tunetaanoona, yeelleyaanoon bi haaꞌiitoyee gubb and Yeerichi taatee qeenooch qanne badd kotetone.

Hibireena'o 12:3

Ittoshi qelloona taahiree gubb ittoshi echeyaachemmoyich, axaaxechinaꞌo bi toommooch deebiti ebi shaahe xuuxoon bi haaꞌiyoon gabibote.

Yaasi 14:11

Muusi taan wochee daachiihooba beeti ta giidoo, and beddaahaa aroone; andoo ginee koyoyich tuneba amee shuunoonolla shuunoyich giidoo taach beetone.

Yaaꞌoo 12:14

Dareboo waanee wohiree keejje nattaa qaton barahooch shiimetaa bi beeyemmi xaaꞌooch yoobi bi hammemmi gutte ogooge booyee qoshoo ureyich ichehe.

Yaaꞌoo 2:3

Haaꞌiito neene; ta naboyicha getona duꞌeto neene; ebi bullina taahaano neene.

Yaaꞌoo 4:7

Ikkinnee kashechi halloo daaheroon shaahoone; guttinnee kashechi halloo bariyoon shaahoone; keejjinnee kashechi halloochi aafo ashoon shaahoone; awuddinnee kashechi halloo yoobbiibeeti booyon shaahoone.

Woraaferasheenaꞌo 16:28

Aroochee Samsooni Doono Yeer waan ishichiꞌi corootiye: “Nuggishoo Doono Yeero, taan shalligibe! Yeero, ikke wottoon baach ta giidoon ne wochaa, ta gutte aafoon boonoshi kichitoyich, Filsixeemeenaꞌo toommooch nichoon ta gaaccemmoyich neen qollehoye” iye.