Isiyaasi 40:29 - Kafa Linguistics Project

²⁹ Biyoo maraatetinaꞌoyich hakkoon immii beetone; giidaalloyichoo giidoon daakkiye.

Isiyaasi 40:29 ပူးပေါင်းရင်းမြစ်များ

Halloo 49:24

Tunebaani ginoon manje bi kishoona yaaddiyemmone. Yaaqobi goyinneebeeti Giidechi Nuggishoo Yeerichi kishoona, Qiddoo, Israꞌeelichi Xaqqee Inderoo, Yeerina bi mochoo manjiye.

Nehimi 6:9

Boonoshi bulliyoo noon shatiiya qaawiyeete. Ebiyoo “Boonoshi giidoo niretaa, shuunoo qannaachemmone” iꞌi boonoshi gabitoyichiye. Tunebaani ta, “Ta Nuggishoocho, taan kupphiibe” iyaꞌa corootiyo.

Shoddo 29:11

Doono Yeeri bi asheenaꞌoyich hakkoon immemmone; Doono Yeeri bi asheenaꞌon diggoona diiremmone.

Shoddo 68:10

Ne asheenaꞌo aroon beeyi xaaꞌoo tuniiheete; Yeero, ne gaannoochee girechinaꞌoyich immehine.

Shoddo 68:35

Israꞌeelee Nuggishoo bi yaafee kexoochaa oogichii shattii beetone; hakkoonaa giidoonon bi asheenaꞌoyich immii beetone. Yeeri galleteebe!

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 50:4

Taahitinaꞌon, qaaroona kupphiyoon ta ariyemmoyich, Nuggishoo Doono Yeeri ariyechi heciyoon taach immitone. Maaddoona taan tokketoochee tiijjiye; doyechochoommon ta ellemmoyich ta waamon qechiye.

Erimiyaasi 31:25

Ebiyoo nireti kasheen digaayiyemmo, shaacaa maraatetonoo michiyemmo ta tunetoyichiye” iye.

Zakaariyaasi 10:12

Doono Yeeri ta, boonoshin kupphiyemmo taane; ta shigoonoo giyi kechemminaꞌone” iye Doono Yeeri.

2 Qorontoosi 4:16

Ebich taahaachone; maachi no ashittino yicciteenolla, maaci no ashittino qemi qemona andiree beetone.

Yibbaatoo 33:25

Bi uxeree kellee tuggo xuuroonaa gooshoona tunebe; bi yemeeno bullinoo diggoona beebe” iye.

Filipphisiyoosi 4:13

Giidoon taach immiibeeti Kiristoosina bulli mooyon tuniyoon hakkaabeeto taane.

Hibireena'o 11:34

qaaqqee giidoon aalliiheete; goraadoona qitoochee muricciyeete; hakka guuteenaꞌo boonoshi tunetaanoona kuppheheete; ginee koyoona kuppheenaꞌo tuneheete; bare showee ginee naayinaꞌon kochii yookkiyeete.

Woraaferasheenaꞌo 15:19

Aroochee Doono Yeeri Lehi katemooch beeti showoon bi gaahaa, aaco aroochee kechiye. Samsooniyoo aroochee uchiꞌi kupphehe; bi giidoo wochinnoon andirehe. Ebich are aachi xuupho En Hakoori getaa ceekkehe. Ebi aachi xuupho hanaach beddaahaa Lehi katemooch beetone.

1 Saameeli 2:4

Giidechinaꞌochi ginee qiiceenaꞌo tiishetinaꞌone; tunebaani giidaalleenaꞌo giidoon danetinaꞌone.